អភិបាលខេត្ត​ពោធិ៍សាត់ ៖ «​អ្នក​យក​ដី​គេ​ត្រូវ​ឱ្យ​គេ​វិញ អ្នក​ជំពាក់​លុយ​គេ​ត្រូវ​សង​គេ »


ពោធិ៍សាត់ ៖ បញ្ហា​ប្រឈម​ចំនួន​៤១​ករណី​នោះ​រួម​មាន​ទំនាស់​ក្រុម​គ្រួសារ ទំនាស់​ដីធ្លី (​ទំនាស់​ព្រំ​ដី​ទំនាស់​ដី​ជាន់​កម្មសិទ្ធិ​) ការ​ជំពាក់​បំណុល​គ្នា និង​បញ្ហា​គ្រោះថ្នាក់​ចរាចរណ៍ សរុប​៤១​ករណី ត្រូវ​បាន​លោក ម៉ៅ ធនិន អភិបាលខេត្ត​ពោធិ៍សាត់ ធ្វើការ​សម្របសម្រួល និង​ដោះស្រាយ​ជូន​ពលរដ្ឋ តាម​រយៈ​វេទិកា​មួយ​ដែល​រៀបចំ​ឡើង​កាល ពី​ថ្ងៃ​ទី​២១ ខែកក្កដា ឆ្នាំ​២០២០ ក្នុង​សាលាខេត្ត​ពោធិ៍សាត់ ។

នៅ​ក្នុង​ការ​សម្របសម្រួល​នោះ លោក ម៉ៅ ធនិន បាន​សូម​ឱ្យ​ភាគី​មាន​ទំនាស់​គ្នា និយាយ​តែ​ការ​ពិត​មានការ​ទទួលខុសត្រូវ​ចំពោះ​កំហុស​របស់​ខ្លួន​ដែល​បាន​ធ្វើ​កន្លង​មក កុំ​ប្រកែក​យកឈ្នះ​រៀង​ៗ​ខ្លួន ដោយ​គ្មាន​ឯកសារ​ផ្លូវច្បាប់ ។ លោក​អភិបាលខេត្ត​បាន​ស្នើ​ឲ្យ​ពលរដ្ឋ​ត្រូវ​មានការ​សណ្ដោស​ប្រណី​ឱ្យ​គ្នា​ទៅ​វិញ​ទៅ​មក ដើម្បី​អាច​បញ្ចប់រឿង​បាន ចៀសវាង​ប្ដឹងផ្ដល់​គ្នា​ទៅ​ដល់​តុលាការ នាំ​ឱ្យ​ខាតបង់​ទាំង​ពេលវេលា និង​ថវិកា ។

លោក​អភិបាលខេត្ត​ពោធិ៍សាត់​បាន​ណែនាំ​ពលរដ្ឋ​ថា «​អ្នក​យក​ដី​គេ​ត្រូវ​ឱ្យ​គេ​វិញ អ្នក​ជំពាក់​លុយ​គេ​ត្រូវ​សង​គេ បើ​អត់​ឬ​ឃ្លាន​ត្រូវ​សុំ​គេ និង​ត្រូវ​សណ្តោស​ប្រណី​គ្នា​ទៅ​វិញ​ទៅ​មក ព្រោះ​នេះ​គឺជា​តម្លៃពិត​ដែល​មនុស្ស​ទូទៅ​គេ​ត្រូវការ​» ។

លោក ម៉ៅ ធនិន បាន​ប្រើប្រាស់ និង​បំពេញ​តួនាទី​ទៅ​តាម​ឋានានុក្រម​គ្រួសារ​ជា​កូន ជា​ក្មួយ ជា​បង និង​ជា​ប្អូន ដោយ​ខិតខំ​សម្របសម្រួល និង​ដោះស្រាយ​នូវ​រាល់​បញ្ហា​ប្រឈម ជូន​ប្រជាពលរដ្ឋ​បាន​ចំនួន​៤១​ករណី និង​នៅ​សេសសល់​ប៉ុន្មាន​ករណី​ផ្សេង​ទៀត ទៅ​បន្ត​នៅ​ស​ប្តា​ហ៍​ក្រោយ ។

ខេត្តពោធិ៍សាត់ បាន​រៀបចំ​វេទិកា ដើម្បី​ជួប​ពលរដ្ឋ និង​ជា​ការ​ផ្តល់​ឱកាស​ឲ្យ​ពលរដ្ឋ​លើក​ពី​បញ្ហា​មក​ដាក់​លើ​តុ​រក​ដំណោះស្រាយ​រួម​គ្នា​ទល់មុខ​គ្នា​នេះ​ជា​ច្រើន​លើក​មក​ហើយ ។ យន្តការ​បើក​វេទិកា​ដល់​ពលរដ្ឋ​នេះ​ទទួល​បានការ​ស្វាគមន៍​ពី​សាធារណៈជន ។

លោក គឹ​ម ច​ន្ថា ប្រធាន​ការិយាល័យ​ប្រជាពលរដ្ឋ​ខេត្តពោធិ៍សាត់ បាន​ឲ្យ​ដឹង​ថា លោក​អភិបាលខេត្ត​បាន​ប្រើប្រាស់​វេទិកា​នោះ​ប្រកបដោយ​ភាព​ប៉ិនប្រសព្វ​មានគុណ​ធម៌​ធ្វើ​ឱ្យ​ភាគី​មាន​ទំនាស់​ទទួលយក​ដោយ​ការ​ពេញចិត្ត និង​គ្មាន​ការ​គុំ​គួ​ន​ទៅ​ថ្ងៃ​ខាង​មុខ​នោះ​ឡើយ ។ នៅ​ស​ប្តា​ហ៍​ក្រោយ​លោក​អភិបាលខេត្ត និង​អនុញ្ញាត​ឲ្យ​មាន​វេទិកា​នោះ​បន្ត​ទៀត​៕

Facebook Google Twitter Email

Live

Sponsored News

០៨:៤៦ | ក្នុងស្រុក

ក្រុមហ៊ុនបុត្រសម្ព័ន្ធ រ៉ូយ៉ាល់គ្រុប ទទួលស្វាគមន៍ទស្សនកិច្ចពិសេសរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត សម្រាប់ដំណើរស្វែងយល់អំពីឌីជីថលនីយកម្ម និងបច្ចេកវិទ្យាបណ្តាញ 5G !

ការស្ទង់មតិគេហទំព័រថ្មី




សូម​អរគុណ