រាជធានីភ្នំពេញ ៖ លោក ស ថេត ស្នងការងារាជធានីភ្នំពេញ បានដាស់តឿនដល់អាជ្ញា ធរគ្រប់ខណ្ឌទាំងអស់នៅក្នុងរាជធានីភ្នំពេញ ត្រូវចុះត្រួតពិនិត្យនៅតាមក្លិបកម្សាន្ត និង…
រាជធានីភ្នំពេញ ៖ លោក ស ថេត ស្នងការងារាជធានីភ្នំពេញ បានដាស់តឿនដល់អាជ្ញា ធរគ្រប់ខណ្ឌទាំងអស់នៅក្នុងរាជធានីភ្នំពេញ ត្រូវចុះត្រួតពិនិត្យនៅតាមក្លិបកម្សាន្ត និង ខារា៉អូខេទាំងអស់ ដែលកែសម្រួលទៅជាភោជនីយដ្ឋាន ត្រូវគោរពតាមការណែនាំរបស់ក្រសួងសុខាភិបាល។
ខណៈអញ្ជើញត្រួតពិនិត្យកម្លាំងអន្តរាគមន៍ មកពីបណ្តាអធិការខណ្ឌទាំង១៤ នាព្រឹកថ្ងៃទី២២ កក្កដា នេះ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញបានបានលើកឡើងថា ក្នុងនាមជាកងកម្លាំងត្រូវ តែគោរពវិន័យ មានសីលធម៌ មានអាកប្បកិរិយា និងប្រើប្រាស់សំដីសមរម្យជាមួយប្រជាពលរដ្ឋ ។ ត្រូវចូលរួមគោរពច្បាប់ចរាចរណ៍ឲ្យបានគ្រប់ៗគ្នា ក្នុងនាមជាមន្ត្រីអនុវត្តច្បាប់ ដើម្បីជាគំរូល្អសម្រាប់ប្រជាពលរដ្ឋ ។
លោកបញ្ជាក់ថា៖ «សមត្ថកិច្ចតាមបណ្តាខណ្ឌទាំងអស់ ត្រូវតែបន្តតាមដាន និងចុះត្រួតពិនិត្យឲ្យបានជាប្រចាំ តាមបណ្តាក្លិបកំសាន្ត ខារ៉ាអូខេទាំងអស់ ត្រូវតែកែសម្រួលទៅជាភោជនីយដ្ឋាន ដោយគោរពតាមការណែនាំរបស់ក្រសួងសុខាភិបាល និងសេចក្តីប្រកាសណែនាំរបស់សាលារាជធានីភ្នំពេញ »។
លោកស្នងការបន្ថែមថា កងកម្លាំងទាំងអស់ ត្រូវចូលរួមគោរពតាមការណែនាំរ បស់ក្រសួងសុខាភិបាល ដើម្បីបង្ការ និងទប់ស្កាត់ការឆ្លងរាលដាលវីរុសកូវីដ១៩ ដោយពាក់ម៉ាស់ជាប្រចាំ និងលាងដៃជាមួយសាប៊ូ ឬទឹកអាល់ឲ្យបានញឹកញាប់ ។
ជាកិច្ចបញ្ចប់ ឯកឧត្តមស្នងការបានណែនាំដល់លោក លោកស្រីស្នងការរង អធិការខណ្ឌទាំង១៤ ត្រូវតែត្រួតពិនិត្យ និងគ្រប់គ្រងកម្លាំងអន្តរាគមន៍ឲ្យបានល្អ ដោយមានការហ្វឹកហាត់ជាប្រចាំ មានការប្រជុំជួរត្រួតពិនិត្យការស្លៀកពាក់ និងសម្ភារប្រើប្រាស់ផ្សេងៗទៀត ។ ម្យ៉ាងវិញទៀត ក្នុងនាមជាកម្លាំងអន្តរាគមន៍ត្រូវតែប្រចាំការ២៤ម៉លើ២៤ម៉ ចេញល្បាតជាប្រចាំ ដើម្បីធានាការពារសន្តិសុខសុវត្តិភាពជូនប្រជាពលរដ្ឋ ជាពិសេសការពារថ្នាក់ដឹកនាំ គណ:ប្រតិភូជាតិ និងអន្តរជាតិ ។ ល។
លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានី ភ្នំពេញ បានអញ្ជើញត្រួតពិនិត្យកម្លាំងអន្តរាគមន៍មកពីបណ្តា អធិការខណ្ឌទាំង១៤ ចំនួន៤២០នាក់ កម្លាំងអន្តរាគមន៍នៃការិយាល័យចរាចរណ៍ផ្លូ វគោកចំនួន៥០នាក់ និងកម្លាំងអន្តរាគមន៍ចំនួន១៥០នាក់ ដោយមានការចូលរួមពីលោក លោកស្រីស្នងការរង លោកអធិការនគរបាលខណ្ឌទាំង១៤ សរុបកម្លាំងទាំងអស់ចំនួន ៦៥២នាក់ ។
ការជួបជុំនេះដើម្បីផ្តល់ជូន អាវពន្លឺចំនួន១,០០០ អាវ ភ្លើងបំភ្លឺបំពាក់លើស្មាចំនួន ៥០០ ដែលជាអំណោយឧបត្ថម្ភរបស់មិត្តចិន និងឈុតសម្លៀកបំពាក់អន្តរាគមន៍ចំនួន ៤៧០ឈុត ដើម្បីចែកជូនក្រុមអន្តរាគមន៍ក្នុងមួយខណ្ឌទទួលបានចំនួន ៣០ឈុតសម្រាប់៣០នាក់ ។
សូមជម្រាបថា មួយរកពេលនេះ គេសង្កេតឃើញសមត្ថកិច្ចខណ្ឌដូនពេញបានចុះត្រួតពិនិត្យទីតាំងក្លឹបកំសាន្ត ការ៉ាអូខេ ពិសេសនោះម្តុំផ្សារកណ្តាលសមត្ថកិច្ចបានធ្វើ ការរៀបចំ សណ្តាប់បានល្អ៕
ចែករំលែកព័តមាននេះ