យោធាម្នាក់ ស្បថឈប់ទិញរថយន្ដអត់ពន្ធជិះ ក្រោយគយចាប់ ពិន័យជាង១០ម៉ឺនដុល្លារ
រាជធានីភ្នំពេញ ៖ នៅព្រឹកថ្ងៃទី២១ ខែកក្កដា ឆ្នាំ២០២០នេះ យោងតាមគណនីហ្វេសបុកមួយឈ្មោះ Hong loeung ដែលគេស្គាល់ថា ជាមន្ដ្រីយោធាផងនោះ…
រាជធានីភ្នំពេញ ៖ នៅព្រឹកថ្ងៃទី២១ ខែកក្កដា ឆ្នាំ២០២០នេះ យោងតាមគណនីហ្វេសបុកមួយឈ្មោះ Hong loeung ដែលគេស្គាល់ថា ជាមន្ដ្រីយោធាផងនោះ…
រាជធានីភ្នំពេញ ៖ នៅព្រឹកថ្ងៃទី២១ ខែកក្កដា ឆ្នាំ២០២០នេះ យោងតាមគណនីហ្វេសបុកមួយឈ្មោះ Hong loeung ដែលគេស្គាល់ថា ជាមន្ដ្រីយោធាផងនោះ បានបង្ហោះសារមួយឃ្លា អមជាមួយរូបភាពជាច្រើនសន្លឹក រៀបរាប់ថា «ខ្ញុំ លឿង ហុង សូមស្បថថាថ្ងៃក្រោយ និងឈប់ទិញឡានអត់ពន្ឋ ជិះទៀតហើយ ឡាននេះ ពីរថ្ងៃទៀត គឺមួយឆ្នាំគត់ត្រូវចាប់ ។ (ឡាននេះ ជិះបានតែ ជិតមួយខែត្រូវចាប់) ឥឡូវត្រូវ បង់ពន្ឋ100% + ពិន័យ10% = 102303$» ។
ក្រោយពីបានបង្ហោះសារស្បថស្បែរ ឈប់ទិញរថយន្តអត់ពន្ឋជិះទៀត គណនីហ្វេសប៊ុក Hong loeung ក៏បានលុបខ្លឹមសារ និងរូបភាពចេញវិញផងដែរ ។
សូមរម្លឹកថា កាលពីថ្ងៃទី៨ ខែកក្កដា ឆ្នាំ២០២០នេះ អគ្គនាយកដ្ឋានគយនិងរដ្ឋាករកម្ពុជា បានប្រកាសជូនដំណឹង និងអញ្ជើញ ជាលើកចុងក្រោយ ដល់ម្ចាស់យានយន្ត និងម្ចាស់ទំនិញគេចពន្ធ ដែលត្រូវបានបង្ក្រាប ចូលខ្លួនមក បំពេញកាតព្វកិច្ចពន្ធអាករ និងពិន័យតាមច្បាប់ និងបទប្បញ្ញត្តិជាធរមាន ។
អគ្គនាយកដ្ឋានគយ និងរដ្ឋាករកម្ពុជា(អ.គ.រ) នៃក្រសួងសេដ្ឋកិច្ច និងហិរញ្ញវត្ថុ បានប្រកាសថា រថយន្ត និងទំនិញគេចពន្ធ ដែលខ្លួនបានរឹបអូសនោះ នឹងត្រូវដាក់លក់ ប្រសិនបើម្ចាស់មិនចូលខ្លួនដោះស្រាយនោះទេ ។ អគ្គនាយកដ្ឋានគយ និងរដ្ឋាករកម្ពុជា ទុករយៈពេល៦០ថ្ងៃ គិតចាប់ពីថ្ងៃជូនដំណឹងដូចខាងលើនេះ ឲ្យម្ចាស់រថយន្ត និងទំនិញគេចពន្ធចូលខ្លួនទៅដោះស្រាយ ។
ម្ចាស់រថយន្ដអត់ពន្ធនាំចូល ដែលត្រូវមន្ដ្រីគយចាប់នាពេលកន្លងទៅ ត្រូវអគ្គនាយកដ្ឋានគយ ចេញលិខិតអញ្ជើញនីមួយៗ ដាច់ដោយឡែក ដើម្បីឲ្យចូលខ្លួនមកបង់ពន្ធនាំចូល និងប្រាក់ពិន័យ១០ភាគរយ ទើបបំពេញភាពស្របច្បាប់ត្រឹមត្រូវ ៕
ចែករំលែកព័តមាននេះ