ស្ពានឈើមួយកន្លែងក្នុងឃុំស្រែណូយ ត្រូវបានជួសជុលរួចជាស្ថាពរ
- សៀមរាប
ខេត្តសៀមរាប ៖ នាថ្ងៃទី២០ ខែកក្កដា ឆ្នាំ២០២០ លោក ធិននីវិធូរ អភិបាល នៃគណៈអភិបាល ស្រុកវ៉ារិន…
ខេត្តសៀមរាប ៖ នាថ្ងៃទី២០ ខែកក្កដា ឆ្នាំ២០២០ លោក ធិននីវិធូរ អភិបាល នៃគណៈអភិបាល ស្រុកវ៉ារិន…
ខេត្តសៀមរាប ៖ នាថ្ងៃទី២០ ខែកក្កដា ឆ្នាំ២០២០ លោក ធិននីវិធូរ អភិបាល នៃគណៈអភិបាល ស្រុកវ៉ារិន ដឹកនាំកម្លាំងចម្រុះរួមមាន សហភាពសហព័ន្ធយុវជនកម្ពុជាស្រុកវ៉ារិន សហការជាមួយ កម្លាំងសមត្ថកិច្ចស្រុក ឃុំ រដ្ឋបាលឃុំស្រែណូយ មេភូមិ និងកម្លាំងប្រជាពលរដ្ឋចំនួន៣ភូមិ គឺភូមិល្វា ភូមិគោកវត្ត និងភូមិស្រែសមុទ្រ នៃឃុំស្រែណូយ ដែលមានកម្លាំងចូលរួមសរុបចំនួន ១៥៦នាក់ ក្នុងនោះស្រីចំនួន ១២នាក់ បានសាមគ្គីគ្នាចូលរួមជួសជុលស្ពានស្រែសមុទ្រនេះ រួចរាល់ជាស្ថាពរហើយ។
សូមបញ្ជាក់ថា ស្ពានឈើមួយកន្លែងប្រវែង៣៥ម៉ែត្រគុណនឹង៤ម៉ែត្រ ស្ថិតក្នុងភូមិស្រែសមុទ្រ ឃុំស្រែណូយ ស្រុកវ៉ារិន ដែលមានសភាពចាស់ទ្រុឌទ្រោម និងបាក់ទ្រេតសសរស្ពាន មិនអាចធ្វើដំណើបានរយៈ ពេលកន្លងមក។ លោក ធិននីវិធូរ អភិបាល នៃគណៈអភិបាលស្រុកវ៉ារិន បានឲ្យដឹងថា ឆ្លើយតបតាមសំណូមពររបស់បងប្អូនប្រជាពលរដ្ឋក្នុង ភូមិស្រែសមុទ្រ, ភូមិគោកវត្ត និងភូមិល្វា នៃឃុំស្រែណូយ ដែលបានស្នើសុំជួសជុលស្ពានឈើ មួយកន្លែងនេះ ដើម្បីឲ្យពួកគាត់ធ្វើដំណើរឆ្លងកាត់បានងាយស្រួលនៅរដូវវស្សានោះលោក និងលោក ប៊ុត វិបុល ប្រធានសហភាពសហព័ន្ធយុវជនកម្ពុជាស្រុកវ៉ារិនក៏បាន សហការជាមួយកម្លាំង សមត្ថកិច្ចស្រុក ឃុំរដ្ឋបាលឃុំស្រែណូយ និងមេភូមិព្រមទាំងប្រជាពលរដ្ឋក្នុងភូមិទាំង៣ បានធ្វើ ការជួសជុលស្ពានស្រែសមុទ្រនេះបានរួចរាល់ជាស្ថាពរហើយ។
លោក ធិននីវិធូរ បានបញ្ជាក់ទៀតថា ស្ពានឈើនេះមានលក្ខណៈចាស់ទ្រុឌទ្រោម និងបាក់ទ្រេតសសរស្ពាន ដែលមិនអាចធ្វើដំណើរឆ្លង កាត់បានព្រោះការធ្វើដំណើរកន្លងមកគឺនៅរដូវប្រាំងទឹក ស្ទឹងស្រកអស់ប្រជាពលរដ្ឋគាត់ធ្វើ ដំណើរចុះវាងក្នុងស្ទឹង ប៉ុន្តែដល់រដូវវស្សាទឹកស្ទឹងចាប់ផ្ដើមឡើងបន្តិចម្តងៗ ធ្វើឲ្យគាត់ពិបាកធ្វើដំណើរ ហើយការជួសជុលស្ពាននេះ បានចំណាយសរុបជាថវិកាចំនួន ៩.០២៥.៦០០រៀល ទៅលើការ ទិញឈើសម្ភារ និងអាហារ ដែលថវិកាទាំងនេះ បានមកពីការចូលរួមពីអាជីករ និង សប្បុរសជនក្នុងស្រុកផងដែរ។
លោកអភិបាលស្រុកវ៉ារិន បានឲ្យដឹងបន្ថែមទៀតថា នេះជាសមិទ្ធផលថ្មីមួយបន្ថែមទៀត ដែលបានមកពីការចូលរួមសហការ និងសាមគ្គីគ្នាសម្រេចបាន លទ្ធផលគួរជាទីមោទនៈ ដូច្នេះតាមរយៈនេះ លោកសូមសំណូមពរដល់ប្រជាពលរដ្ឋទូទៅ សូមជួយថែរក្សាស្ពាននេះ ដើម្បីជាប្រយោជន៍រួមក្នុងការបម្រើជីវភាពរស់នៅប្រចាំថ្ងៃរបស់ខ្លួន ផងដែរ៕ ដោយ ៖ ច័ន្ទ រស្មី
ចែករំលែកព័តមាននេះ