មេបញ្ជាការកងពលតូចលេខ70ស្វាគមន៍អនុព័ន្ធយោធាហ្វ៊ីលីពីនពង្រឹងកិច្ចសហការ
- ភ្នំពេញ
រាជធានីភ្នំពេញ ៖ ឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូចលេច៧០ កាលពីរសៀលថ្ងៃទី២០ ខែកក្កដា ឆ្នាំ២០២០…
រាជធានីភ្នំពេញ ៖ ឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូចលេច៧០ កាលពីរសៀលថ្ងៃទី២០ ខែកក្កដា ឆ្នាំ២០២០…
រាជធានីភ្នំពេញ ៖ ឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូចលេច៧០ កាលពីរសៀលថ្ងៃទី២០ ខែកក្កដា ឆ្នាំ២០២០ បានអនុញ្ញាតឲ្យវរសេនីយ៍ឯក សាលីម៉ារ អ អ៊ីមភើរាល អនុព័ន្ធយោធាហ្វ៊ីលីពីនថ្មីប្រចាំព្រះរាជាណាចក្រកម្ពុជា ចូលជួបសម្តែងការគួរសម ។
ក្នុងឱកាសនោះ ឧត្តមសេនីយ៍ឯក ម៉ៅ សុផាន់បានថ្លែងនូវការស្វាគមន៍ចំពោះបេសកកម្មការទូតរបស់វរសេនីយ៍ឯក សាលីម៉ារ អ អ៊ីមភើរាល នៅកម្ពុជា ហើយសង្ឃឹមថាយើងពិតជាមានកិច្ច
សហការល្អជាមួយគ្នា ។
លោកមេបញ្ជាការកងពលតូច បានរំឭកពីទំនាក់ទំនងកិច្ចសហប្រតិបត្តិការរវាងកម្ពុជានិងហ្វ៊ីលីពីន ដែលមានចាប់តាំងពីឆ្នាំ១៩៥៧ ហើយត្រូវកាត់ផ្តាច់នៅឆ្នាំ១៩៧៥ ដោយសារប្រទេសកម្ពុជាធ្លាក់ក្នុងរបបប្រល័យពូជសាសន៍ ប៉ុល ពត និងទើបតែក្នុងឆ្នាំ១៩៩២ ប្រទេសយើងទាំង
ពីរក៏ចាប់ផ្តើមមានទំនាក់ទំនងជាមួយគ្នាឡើងវិញ និងបានរៀបចំប្រារព្ធខួបលើកទី៦០ឆ្នាំ នៃថ្ងៃភ្ជាប់ទំនាក់ទំនងការទូតកម្ពុជា-ហ្វ៊ីលីពីន ផងដែរ ។
ពាក់ព័ន្ធលើវិស័យការពារជាតិ ឧត្តមសេនីយ៍ឯក ម៉ៅ សុផាន់ បានគូសបញ្ជាក់ថា កន្លងមកក្នុងឆ្នាំ២០១៧ រដ្ឋមន្ត្រីក្រសួងការពារជាតិនៃប្រទេសទាំងពីរ បានចុះអនុស្សរណៈជាមួយគ្នា ដើម្បីពង្រឹងវិស័យការពារជាតិ ។ ដោយឡែកនៅឆ្នាំ២០១៩ កងពលតូចលេខ៧០ក៏បានរៀបចំប្រតិភូទៅធ្វើទស្សនកិច្ចនៅប្រទសហ្វ៊ីលីពីនដើម្បីបញ្ជាក់ពីទំនាក់ទំនងល្អជាមួយគ្នា ។
លោកមេបញ្ជាការសង្ឃឹមថា ក្រោយពីស្ថានការណ៍កូវីដ-១៩ស្ងប់ស្ងាត់ កងទ័ពប្រទេសទាំងពីរ នឹងបន្តកិច្ចសហប្រតិបត្តិការជាមួយគ្នាបន្តទៀត ។
ជាការឆ្លើយតប វរសេនីយ៍ឯក សាលីម៉ា អ អ៊ីមភើរាល បានសម្តែងអំណរគុណឧត្តមសេនីយ៍ឯកមេបញ្ជាការ ដែលបានអនុញ្ញាតឲ្យរូបលោកចូលជួបសម្តែងការគួរសមនាឱកាសនេះ ។ លោកអនុព័ន្ធយោធា បានសម្តែងការកោតសរសើររាជរដ្ឋាភិបាលកម្ពុជា ដែលបានគ្រប់គ្រងនិងទប់ស្កាត់បានល្អការរីករាលដាលជំងឺឆ្លងកូវីដ-១៩ ហើយរូបលោកមានបំណងសិក្សាស្វែងយល់លើបញ្ហានេះ ។
វរសេនីយ៍ឯក សាលីម៉ា អ អ៊ីមភើរាល ក៏បានកោតសរសើរយុទ្ធសាស្ត្ររបស់កម្ពុជា ក្នុងការដោះស្រាយជម្លោះរ៉ាំរ៉ៃកន្លងមក តាមនយោបាយឈ្នះ ឈ្នះរបស់សម្តេចតេជោនាយករដ្ឋមន្ត្រី ហ៊ុន សែន ហើយនេះជាផ្នែកមួយដ៏សំខាន់ដែលហ្វ៊ីលីពីនត្រូវសិក្សា ។ លោកសង្ឃឹមថា ក្នុងពេលអនាគតដ៏ខ្លី ហ្វ៊ីលីពីននឹងទទួលបានសុខសន្តិភាពដូចកម្ពុជាសព្វថ្ងៃដែរ ៕
ចែករំលែកព័តមាននេះ