ផ្ទុះរឿងដីទៀតហើយ! តើភាគីណាជាចោររំលោ.ភដី?
- កំពត
ខេត្តកំពត ៖ ប្រជាពលរដ្ឋជាង20គ្រួសារមកពីភូមិព្រៃពាយ នៅចំណុចថ្លាន់100 ស្ថិតក្នុងឃុំត្រពាំងភ្លាំង ស្រុកឈូក កាលពីព្រឹកថ្ងៃទី20 ខែកក្កដា ឆ្នាំ ២០២០…
ខេត្តកំពត ៖ ប្រជាពលរដ្ឋជាង20គ្រួសារមកពីភូមិព្រៃពាយ នៅចំណុចថ្លាន់100 ស្ថិតក្នុងឃុំត្រពាំងភ្លាំង ស្រុកឈូក កាលពីព្រឹកថ្ងៃទី20 ខែកក្កដា ឆ្នាំ ២០២០ បាននាំគ្នាមកដល់មុខស្នងការដ្ឋាននគរបាលខេត្តកំពត។
បើតាមពលរដ្ឋម្នាក់ឈ្មោះម៉ុក ជឿន ភេទប្រុស អាយុ29ឆ្នាំ រស់នៅភូមិព្រៃពាយនៅចំណុចថ្លាន់100 ឃុំត្រពាំង បាននិយាយប្រាប់ឱ្យដឹងកាលពីព្រឹកថ្ងៃទី20 កក្កដា នៅមុខស្នងការដ្ឋាននគរបាលខេត្តថា ឈ្មោះហេង ស៊ន និងឈ្មោះរំដួលទេ ដែលទៅរំលោភបំពានយកដីពួកគាត់នៅចំណុចថ្លាន់100។
ពលរដ្ឋខាងលើនិយាយថា ពួកគាត់សាហាវណាស់ ពួកគេមានទាំងកាំភ្លើងច្នៃដាក់តាមគោយន្តគំរាមកំហែង និងដុតផ្ទះស្នាក់នៅចាំដីចម្កាចំនួន17ខ្នងផ្ទះទៀត។ ពេលប្រជាពលរដ្ឋមានការតបត បែរជាក្រុមបក្សពួករបស់ ហេង ស៊ន បានដាក់ពាក់បណ្ដឹងមកដល់ស្នងការចោទថា ប្រជាពលរដ្ឋទៅបំផ្លាញទ្រព្យសម្បត្តិរបស់ខ្លួនទៅវិញ។
ចំណែកឯប្រជាពលរដ្ឋម្នាក់ទៀតឈ្មោះ អ៊ឹម ខេន ភេទស្រី អាយុ52ឆ្នាំ មកពីភូមិព្រៃពាយ បាននិយាយថា ឈ្មោះ ហេង ស៊ន ជាអ្នករកស៊ីលក់ដីទិញដីបានជួលមនុស្សផ្សេងៗឱ្យមករុះរើផ្ទះប្រជាពលរដ្ឋចំនួន17ខ្នង នៅភូមិព្រៃពាយត្រង់ចំណុចថ្លាន់100។
ពលរដ្ឋរូបនេះនិយាយថា ពេលកើតហេតុភ្លាមៗ ពួកគាត់ជាអ្នករងគ្រោះទៅប្តឹងអាជ្ញាធរឃុំ-ភូមិ តែអាជ្ញាធរទាំងនោះមិនបានដោះស្រាយជូនពួកគាត់ទេ។
អ្នករូបនេះបាននិយាយបន្តប្រាប់នៅមុខស្នងការដ្ឋាននគរបាលខេត្តកំពតថា ពួកអ្នកខិលខូចដណ្ដើមដីធ្លីប្រជាពលរដ្ឋ ហើយប្ដឹងប្រជាពលរដ្ឋទៀត។ ដោយសារតែមានឈ្មោះហេងស៊ន និងបក្សពួកផ្សេងទៀតបានប្ដឹងប្រជាពលរដ្ឋចំនួន2នាក់ ដែលត្រូវបាននគរបាលខេត្តកំពត ហៅមកសួរនាំកាលពីព្រឹកថ្ងៃទី20 ខែកក្កដានេះ ពាក់ព័ន្ធរឿងប្រជាពលរដ្ឋជាច្រើននាក់ទៅបំផ្លាញទ្រព្យសម្បត្តិរបស់ ហេង ស៊ន ប៉ុន្តែការសួរនាំរបស់កងនគរបាលការិយាល័យព្រហ្មទណ្ឌកំរិតស្រាលខេត្ត ត្រូវបានពួកគាត់ទាំងពីនាក់ចេញមកវិញ ហើយនគរបាលក៏បាននិយាយថា គ្រាន់តែហៅអ្នកភូមិ2នាក់មកសួរនាំតែប៉ុណ្ណោះ។
ប្រជាពលរដ្ឋឈ្មោះអ៊ឹម ខេន និយាយទៀតថា សូមអោយលោកអភិបាលខេត្តកំពតជួយដោះស្រាយផង។
នៅព្រឹកនោះដែរ អ្នកយកព័ត៌មានបានទាក់ទងតាមទូរស័ព្ទទៅអាជ្ញាធរមូលដ្ឋានដែរ តែមិនអាចទំនាក់ទំនងបានឡើយ ដោយសាតែនៅភូមិសាស្ត្រនោះមិនមានសេវា។ ទោះជាបែបណា ប្រជាពលរដ្ឋជាង65គ្រួសារមានគម្រោងមកជួបលោក ជាវ តាយ អភិបាលខេត្តកំពត នាពេលខាងមុខនេះ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ