ខេត្តសៀមរាប ៖បើតាមការឱ្យដឹងពីសមត្ថកិច្ចនគរបាលមូលដ្ឋានបានថា ការដុតបំពុគភ្នក់ភ្លើងឱ្យគោទាំងយប់ ដោយមានការធ្វេសប្រហែស ទើបបណ្តាលឱ្យអគ្គិភ័យឆាបឆេះរោងចិញ្ចឹមគោ មួយខ្នងទំហំ១២ម៉ែត្រគុណ២៥ម៉ែត្រនិងខូចខាតទ្រព្យសម្បត្តិ អស់ទាំងស្រុង តែសត្វគោបានប្រឹងរើរួចទាំងអស់ សំណាងល្អ មិនរាលដាល…
ខេត្តសៀមរាប ៖បើតាមការឱ្យដឹងពីសមត្ថកិច្ចនគរបាលមូលដ្ឋានបានថា ការដុតបំពុគភ្នក់ភ្លើងឱ្យគោទាំងយប់ ដោយមានការធ្វេសប្រហែស ទើបបណ្តាលឱ្យអគ្គិភ័យឆាបឆេះរោងចិញ្ចឹមគោ មួយខ្នងទំហំ១២ម៉ែត្រគុណ២៥ម៉ែត្រនិងខូចខាតទ្រព្យសម្បត្តិ អស់ទាំងស្រុង តែសត្វគោបានប្រឹងរើរួចទាំងអស់ សំណាងល្អ មិនរាលដាល ដល់ផ្ទះអ្នកដទៃ ទាំងយប់។ ហេតុការណ៍នេះ កើតឡើងនៅវេលាម៉ោង២០និង៣០នាទីថ្ងៃទី១៩ខែកក្កដា ឆ្នាំ២០២០ ស្ថិតក្នុងភូមិជ្រាវ សង្កាត់ជ្រាវ ក្រុងសៀមរាប។
ប្រភពពីប៉ូលិសមូលដ្ឋានបានឱ្យដឹងទៀតថា មានករណីអគ្គិភ័យឆេះរោងចិញ្ចឹមគោ ផ្ទុកសម្ភារមួយខ្នងទំហំ១២ម៉ែត្រគុណ ២៥ម៉ែត្រ និងខូចខាតទ្រព្យសម្បត្តិអស់មួយចំនួនធំ។ ប្រភពបានបញ្ជាក់ថា ជនរងគ្រោះឈ្មោះហ៊ុម ប្រឹង ភេទប្រុស អាយុ៥៣ឆ្នាំ មានទីលំនៅភូមិជ្រាវ សង្កាត់ជ្រាវ ក្រុងខេត្តសៀមរាប។
ប្រភព បានបន្ថែមថា ដំណើររឿងនៅថ្ងៃទី១៩ ខែកក្កដាឆ្នាំ២០២០វេលាម៉ោងប្រហែល ១៩ និង០០នាទី យប់ជនរង គ្រោះបានដាក់ភ្នក់ភ្លើងគោ រួចក៏ទៅសម្រាកនៅឯផ្ទះរបស់គាត់មានចម្ងាយប្រហែល១៥០០ ម៉ែត្រ ពីរោងគោរបស់គាត់ លុះដល់ម៉ោង ២០ និង៣០ នាទីយប់ ក៏ស្រាប់តែមានប្រជាពលរដ្ឋ ដែលមានទីលំនៅក្បែរនោះបានខលប្រាប់ ជន រងគ្រោះថា រោងគោដែររបស់ខ្លួននៅខាង ត្បូង ភូមិជ្រាវត្រូវបានភ្លើងឆេះ អស់ ហើយ។
ភ្លាមៗនោះជនរងគ្រោះ ក៏ប្រញាប់ប្រញាល់ បានទៅដល់កន្លែងកើតហេតុពិនិត្យមើលគឺពិតជាមានហេតុការណ៍ដូចដែលអ្នកភូមិបានរៀបរាប់មែនទើបជនរងគ្រោះបានទាក់ទងមកសមត្ថ កិច្ច មូលដ្ឋាន ដើម្បីទាក់ទងរថយន្តពន្លត់អគ្គិភ័យចុះមកពន្លត់កន្លែងកើត ហេតុ។ការខូចខាតរួមមាន៖រោងគោធ្វើអំពីឈើប្រក់ស័ង្កសីទំហំ១២ម៉ែត្រ x ២៥ម៉ែត្រ, គោយន្តកន្ត្រៃចំនួន២ គ្រឿង, ទូកស្មាច់ ប្រវែង៨ម៉ែត្រចំនួន១។
ក្នុងករណីនេះប្រើរថយន្តពន្លត់អគ្គិភ័យអស់ចំនួន២ គ្រឿង រថយន្តស្នងការខេត្តនិងអធិការក្រុង៕
ចែករំលែកព័តមាននេះ