ប្រយ័ត្នបងប្អូន ! ខ្យល់កន្ត្រាក់ប៉ើងដំបូងផ្ទះ និងរងរបួសមនុស្ស
- ព្រៃវែង
ខេត្តព្រៃវែង ៖ នៅថ្ងៃទី១៧ ខែកក្កដា ឆ្នាំ២០២០ ពេលយប់ មានករណីខ្យល់កន្ត្រាក់ បណ្តាលឲ្យផ្ទះចំនួន ១៧ខ្នងត្រូវខូចខាត និងមានរបួស…
ខេត្តព្រៃវែង ៖ នៅថ្ងៃទី១៧ ខែកក្កដា ឆ្នាំ២០២០ ពេលយប់ មានករណីខ្យល់កន្ត្រាក់ បណ្តាលឲ្យផ្ទះចំនួន ១៧ខ្នងត្រូវខូចខាត និងមានរបួស ០៦នាក់ ។ នេះបើយោងតាមផេកក្រសួងធនធានទឹក និងឧតុនិយមបានចេញផ្សាយនាថ្ងៃទី១៨ ខែកក្កដានេះ ។
ក្រសួងធនធានទឹក និងឧតុនិយមបានបញ្ជាក់ថា ក្នុងនោះខ្យល់កន្ត្រាក់បាក់រលំផ្ទះ ០៨គ្រួសារ ប៉ើកដំបូល០៩គ្រួសារ របួសធ្ងន់០២នាក់ និងរបួសស្រាល ០៤នាក់ ក្នុងឃុំចំនួន ០២ គឺឃុំបន្ទាយចក្រី និងឃុំព្រះស្តេច ស្រុកព្រះស្តេច ខេត្តព្រៃវែង ។
សូមបញ្ជាក់ ៖ កម្ពុជានឹងបន្តមានភ្លៀងធ្លាក់ពីតិចទៅច្រើន នៅតាមតំបន់មួយចំនួន ព្រមទាំងមានខ្យល់បក់ក្នុងល្បឿនបង្គួរ ចាប់ពីថ្ងៃទី១៥ ដល់២១ ខែកក្កដាឆ្នាំ២០២០។
ស្ថានភាពបែបនេះក្រសួងក៏បានអំពាវនាវឲ្យសាធារណៈជន និងសូមបង្កើនការប្រុងប្រយ័ត្នចំពោះបាតុភូតធម្មជាតិដូចជា ផ្គរ រន្ទះ និងខ្យល់កន្ត្រាក់ជាដើម ដែលនឹងអាចកើតមានជាយថាហេតុនៅពេលណាមួយ ៕
ចែករំលែកព័តមាននេះ