រាជធានីភ្នំពេញ ៖ ក្រសួងសុខាភិបាល និងអាជ្ញាធរកំពុងស្វែងរកស្ត្រីខ្មែរ-អាមេរិកម្នាក់ដែលបានរត់គេចខ្លួនពីមណ្ឌលចតាឡីស័ក នេះបើតាមប្រសាសន៍លើកឡើងរបស់លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល ។
លោកស្រី ឱ វណ្ណឌីន បានឱ្យដឹងថា ស្ត្រីខ្មែរសញ្ជាតិអាមេរិកកាំងរូបនេះ បានចូលមកដល់ប្រទេសកម្ពុជា កាលពីថ្ងៃទី១៥ ខែកក្កដា ឆ្នាំ២០២០ ។ លោកស្រីបានឲ្យដឹងថា «គាត់ជាខ្មែរ-អាមេរិក យប់មុិញគាត់នៅទេ ប្រហែលជារត់ពេលរំលងអធ្រាត្រហេីយ ព្រោះដល់ព្រឹកព្រលឹមម៉ោង៧ ក្រុមគ្រូពេទ្យយកម្ហូបអាហារពេលព្រឹកជូនគាត់ និងតាមដានសុខភាពគាត់ផងក៏មិនឃេីញក្នុងបន្ទប់តែម្តង សមត្ថកិច្ចកំពុងតែស្រាវជ្រាវរកហើយ» ។
ជាមួយគ្នានេះលោកស្រីក៏បានអំពាវនាវឲ្យពលរដ្ឋត្រូវឆាប់រាយការទៅកាន់អាជ្ញាធរ ប្រសិនបើជួបស្ត្រីរូបនេះនៅកន្លែងណាមួយ សូមបងប្អូនរាយការណ៍ទៅសមត្ថកិច្ចជាបន្ទាន់ ៕
ចែករំលែកព័តមាននេះ