ADផ្ទាំងផ្សព្វផ្សាយពាណិជ្ជកម្ម

Picture

ឈ្មួញ​ខិលខូច​នៅ​តែ​មាន​​នាំ​ចូល​គ្រឿង​ហូប​ដែល​គេ​បោះចោល

3 ឆ្នាំ មុន
  • បន្ទាយមានជ័យ

ខេត្តបន្ទាយមានជ័យ ៖ នគរបាល​ប្រឆាំងបទល្មើស​សេដ្ឋកិច្ច បាន​ចាប់​រឹបអូស​ប្រហិត​និងឆ្អឹង​មាន់​ខូចគុណភាព​ជិត​១​តោន ដែល​ឈ្មួញ​នាំ​ចូល​ពី​ថៃ កាលពី​ល្ងាច​ថ្ងៃ​ទី​១៥ ខែ​ក​ក្ត​ដា ឆ្នាំ​២០២០ នៅ​ក្រោយ​ផ្សារ​ត្រី ស្ថិត​ក្នុងភូមិ​ប៉ា​លិ​លេ​យ្យ​១…

ខេត្តបន្ទាយមានជ័យ ៖ នគរបាល​ប្រឆាំងបទល្មើស​សេដ្ឋកិច្ច បាន​ចាប់​រឹបអូស​ប្រហិត​និងឆ្អឹង​មាន់​ខូចគុណភាព​ជិត​១​តោន ដែល​ឈ្មួញ​នាំ​ចូល​ពី​ថៃ កាលពី​ល្ងាច​ថ្ងៃ​ទី​១៥ ខែ​ក​ក្ត​ដា ឆ្នាំ​២០២០ នៅ​ក្រោយ​ផ្សារ​ត្រី ស្ថិត​ក្នុងភូមិ​ប៉ា​លិ​លេ​យ្យ​១ សង្កាត់​ប៉ោយ​ប៉ែ​ត ក្រុង​ប៉ោយ​ប៉ែ​ត ។

ស្លាប ជើងមាន់​និង​ឆ្អឹង ដែល​ខ្មែរ​យើង​ហៅ​ថា មាន់​ជាន់​មីន ជា​របស់​ដែល​ថៃ​លក់​សល់​និង​ខ្លះ​គេ​បោះចោល​ចេញពី​កសិដ្ឋាន​ចិញ្ចឹម ឬ​លក់​ថោក​ៗ​ឱ្យ​ឈ្មួញ​ខ្មែរ​ទិញ​យក​មក​លក់​នៅ​រាជធានី​ភ្នំពេញ សម្រាប់​អ្នក​អាំង​លក់​តាម​ផ្សារ ។ សំណាង​អ្នក​ហូប អ្នក​ពូកែ​ក្លែម​…​ព្រោះ​សមត្ថកិច្ច​ស្ទាក់​ចាប់​បាន​មុន​ដឹក​ចេញ​…​អុ​ី​ចឹ​ង​បានជា​ខ្មែរ​យើង​ឈឺ​ច្រើន​ម្លុ​ឹ​ង​ៗ ។

វរសេនីយ៍ទោ យឹ​ម នី នាយ​រង​កា​រិ​យាល័យ​នគរបាល​ប្រឆាំង​បទល្មើស​សេដ្ឋកិច្ច​ខេត្ត
ថ្លែង​ថា តាម​ការ​ណែនាំ​និង​ដាក់​វិធានការ​ពី​ឧត្តមសេនីយ៍​ទោ អាត់ ខែ​ម ស្នងការ​នគរ បាល​ខេត្តកម្លាំង​នគរបាល​ជំនាញ សហការ​ជាមួយ​នគរបាល​ក្រុង​ប៉ោយ​ប៉ែ​ត បាន​ចុះ​បង្ក្រាប​និង​ឃាត់​ចាប់​រទេះដឹក​ទំនិញ​ចំនួន​៣​គ្រឿង ធ្វើការ​ឆែកឆេរ​រក​ឃើញ​មាន​សាច់​មាន់​និង​ឆ្អឹង​មាន់​ខូចគុណភាព សរុប​ទម្ងន់​៧៤៨​គីឡូក្រាម ដែល​ឈ្មួញ​លួច​នាំ​ចូល​ពី​ប្រទេស​ថៃ​តាម​ច្រករបៀង​ក្នុងភូមិ​សា​ស្គ្រ​ក្រុង​ប៉ោយ​ប៉ែ​ត ។

លោកនាយ​រង​ការិយាល័យ​បញ្ជាក់​ថា ក្រោយពេល​កម្លាំង​ចម្រុះ​បង្ក្រាប​សាច់​មាន់ ឆ្អឹង​មាន់ និង​ប្រហិត​ចម្រុះ ទាំង​ម្ចាស់​និង​វត្ថុ​តាង ត្រូវ​បាន​នាំ​យក​មក​ស្នងការដ្ឋាន​នគរបាល​ខេត្ត ដើម្បីសាកសួរ ។ តាម​ចម្លើយ​សារភាព គឺ​សាច់​មាន់​និង​ឆ្អឹង​មាន់​នេះ យក​មក​លក់​តាម​ផ្សារ​ក្នុង​ខេត្ត​និង​នាំ​ចេញ​ទៅ​លក់​នៅ​តាម​បណ្តា​ខេត្ត​មួយ​ចំនួន​ទៀត និង​រាជធានី​ភ្នំពេញ មិន​ដែល​សល់​ទេ ។

ឧត្តមសេនីយ៍ត្រី ចាប សុ​ផា​រិ​ទ្ធ ស្នងការ​រង​នគរបាល​ខេត្ត ទទួល​ផែន​ប្រឆាំង​បទល្មើស​សេដ្ឋកិច្ច ថ្លែង​ថា ចំពោះ​សាច់​មាន់​និង​ប្រហិត​ចម្រុះ​ដែល​សមត្ថកិច្ច​ចាប់​បាន​នៅ​ក្រុង​ប៉ោយ​ប៉ែ​តជា​ទំនិញ​ខូចគុណភាព ដែល​ឈ្មួញ​លួច​នាំ​ចូល​តាម​ច្រករបៀង ជា​ទំនិញ​ដែល​ប្រទេស​គេ​បោះចោល​ទៅ​ហើយ ។ ចំណែក​ម្ចាស់​ទំនិញ​ទាំង​៣​នាក់ ក្រោយ​ពេល​នាំ​ខ្លួន​ទៅ​សាកសួរ​ហើយ មិន​បាន​ជាន់ក​ដកស្លាប​គំរាម​យក​ប្រាក់​ទេ បាន​កសាង​សំណុំរឿង​ប​ញ្ចូ​ន​ទៅ​សាលាដំបូង​ខេត្ត ។ រីឯ​ទំនិញ​ដែល​ខូចគុណភាព​យក​ទៅ​ដុត​កម្ទេច​ចោល​នៅ​ថ្ងៃ​ទី​១៦ ខែកក្កដា ឆ្នាំ​២០២០៕

អត្ថបទសរសេរ ដោយ