ADផ្ទាំងផ្សព្វផ្សាយពាណិជ្ជកម្ម

Picture

លង់​ស្នេហ៍​បុរស​កូន​ពីរ​សុខចិត្ត​ចុះ​ចោលផ្ទះ​ជាង​១​ខែ​ម្តាយ​ហៅ​យ៉ាងណា​ក៏​មិន​ទៅ​ផ្ទះ​វិញ

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ នារី​វ័យក្មេង​ជា​ជនជាតិ​វៀតណាម​ម្នាក់​បាន​ធ្វើការ​ប្រតាយប្រតប់​គ្នា​ជាមួយនឹង​ស្ត្រី​ជា​ម្តាយ រួម និង​បងប្អូន​បង្កើត​ស្រី​ៗ​ចំនួន ២​នាក់​ទៀត​នៅ​តាម​ផ្លូវ ដោយ​បាន​បង្ក​ឱ្យ​មានការ​ភ្ញាក់ផ្អើល​យ៉ាង​ខ្លាំង​ទៅ​ដល់​អ្នក​នៅ​ក្បែរ​ខាង និង​កម្លាំង​មាន​សម្ថ​កិច្ច​មូលដ្ឋាន​ចុះ​មក​ជួយ​ធ្វើ​អន្តរាគមន៍​ផង​ដែរ​។ ករណី​នេះ​ដែរ​បាន​កើតឡើង​កាលពី​វេលា​ម៉ោង ១១​និង​២៥​នាទី​ព្រឹក…

រាជធានី​ភ្នំពេញ ៖ នារី​វ័យក្មេង​ជា​ជនជាតិ​វៀតណាម​ម្នាក់​បាន​ធ្វើការ​ប្រតាយប្រតប់​គ្នា​ជាមួយនឹង​ស្ត្រី​ជា​ម្តាយ រួម និង​បងប្អូន​បង្កើត​ស្រី​ៗ​ចំនួន ២​នាក់​ទៀត​នៅ​តាម​ផ្លូវ ដោយ​បាន​បង្ក​ឱ្យ​មានការ​ភ្ញាក់ផ្អើល​យ៉ាង​ខ្លាំង​ទៅ​ដល់​អ្នក​នៅ​ក្បែរ​ខាង និង​កម្លាំង​មាន​សម្ថ​កិច្ច​មូលដ្ឋាន​ចុះ​មក​ជួយ​ធ្វើ​អន្តរាគមន៍​ផង​ដែរ​។ ករណី​នេះ​ដែរ​បាន​កើតឡើង​កាលពី​វេលា​ម៉ោង ១១​និង​២៥​នាទី​ព្រឹក ថ្ងៃ​ទី​១៧ ខែ កក្កដា ឆ្នាំ​២០២០ នៅ​ក្នុង​សង្កាត់​បឹង​ត្របែក ខណ្ឌចំការមន​។

ក្រោយ​ពេល​ដែល​នាង​បាន​ចុះ​ចេញពីផ្ទះ និង​កូន​របស់​ខ្លួន​អស់​រយៈពេល​ជាង ១ ខែ​មក​ហើយ​ៗ​មក​រស់នៅ​ផ្ទះ​ជួល​ជាមួយ និង​បុរស​ជា​ជនជាតិ​វៀតណាម​ដូច​គ្នា ដែល​មាន​ប្រពន្ធ និង​កូន​ចំនួន​២​នាក់​ផង​ដែរ តែ​ម្តាយ និង​បងប្អូន​មិន​ព្រម​ក៏​តាម​រក​ឃើញ និង​ហៅ​អោយទៅ​ផ្ទះ​វិញ តែ​នាង​មិន​ព្រម​ក៏​កើត​មាន​ជម្លោះ​គ្នា​ជាមួយ​ម្តាយ និង​បងប្អូន​នោះ ។

ស្ត្រី​ជា​ម្តាយ​បាន​រៀបរាប់​ប្រាប់​ឱ្យ​ដឹង​ថា កូន​ស្ត្រី​របស់​គាត់​មាន​អាយុ​២០​ឆ្នាំ ជា​ស្ត្រី​មេម៉ាយ​មានកូន​ម្នាក់ អាយុ​៣​ខួប ដែល​បាន​លែងលះ​ជាមួយ និង​ប្តី​របស់​គេ​តាំងពី​នាង​ទើបតែ​មាន​ផ្ទៃពោះ ២ ទៅ ៣​ខែ​មក​ម្លេះ ដោយ​មានផ្ទះ​នៅ​ភូមិ​កោះន​រា សង្កាត់​និរោធ ខណ្ឌ​ច្បារ​អំពៅ​។ មួយ​រយៈ​ចុង​ក្រោយ​នេះ កូនស្រី​របស់​គាត់​បាន​ស្រឡាញ់​លួចលាក់​ជាមួយ និង​បុរស​ម្នាក់ (​ជា​ជន​ជនជាតិ​វៀតណាម​ដូច​គ្នា​) ដែល​មាន​ប្រពន្ធ និង​កូន ២​នាក់ និង​រស់នៅ​ផ្ទះ​ក្បែរ​គ្នា​នោះ តែ​រូប​គាត់​ជា​ម្តាយ និង​ប្តី​រួម​ទាំង​បងប្អូន​របស់​វា​មិន​មាន​អ្នក​ណា​ម្នាក់​យល់ព្រម​ឡើយ «​ដោយសារ​តែ​គេ​មាន​ប្រពន្ធ និង​កូន​ដែល​មិន​ទាន់​មានការ​លែងលះ​គ្នា​ដាច់ស្រេច​នៅឡើយ​ទេ​»​នោះ ។

ស្ត្រី​ដដែល​ក៏​បាន​ប្រាប់​បន្ត​ទៀត​ថា លុះ​ក្នុង​រយៈពេល​ជាង​១​ខែ​មក​ហើយ កូនស្រី របស់​គាត់​បាន​ចុះ​ចេញពីផ្ទះ និង​ចោល​កូន​ម្នាក់​ទុក​អោយ​គាត់​ចិញ្ចឹម និង​មក​ជួល​ផ្ទះ និង​ធ្វើការ​ក្នុង​ហាង​កាហ្វេ​មួយ​កន្លែង នៅ​ម្តុំ​បឹង​ត្របែក​នេះ ។ លុះដល់​ព្រឹក​នេះ គាត់​បានដឹង​ពី​កន្លែង​ដែល​នាង​ធ្វើការ​ក៏​បាន​មក​ជាមួយ​និង​កូនស្រី​ៗ ចំនួន ២ នាក់​ទៀត​ក្នុង​បំណង​និយាយ​លួងលោម​ហៅ​អោយទៅ​ផ្ទះ​វិញ តែ​កូន​របស់​គាត់​មានៈ​មិន​ព្រមទៅ​ផ្ទះ​វិញ​ទើប​ពួក គាត់​ព្យាយាម​ចាប់ និង​ប្រទាញប្រទង់​គ្នា​តែ​ម្តង​ទៅ​។

ក្នុង​ពេល​នេះ​ដែរ ពេល​ដែល​មានការ​ប្រតាយប្រតប់​គ្នា​រវាង​ម្តាយ និង​កូនស្រី​របស់​ខ្លួន​នោះ​ក៏​មានការ​ភ្ញាក់ផ្អើល​កើតឡើង​ទៅ​ដល់​អ្នក​ជិតខាង និង​កម្លាំង​មាន​សម្ថ​កិច្ច​ប៉ុស្តិ៍​បឹង​ត្របែក​ចុះ​មក​ជួយ​ឃាត់ និង​នាំ​ទៅ​ធ្វើការ​សួរ​នៅ​ប៉ុស្តិ៍​ផង​ដែរ ។

ក្រោយ​ពី​កម្លាំង​មាន​សមត្ថកិច្ច​បាន​នាំ​ទាំង​ម្តាយ និង​កូន​ទាំង​២​នាក់​ទៅ​ធ្វើការ​សាកសួរ​នៅ​ប៉ុស្តិ៍​នគរបាល​បឹង​ត្របែក​នោះ នារី​ជា​កូន​បាន​បញ្ជាក់​ប្រាប់​ថា «​នាង​មិន​ត្រឡប់​ទៅ​រស់នៅ​ផ្ទះ​វិញ​ជា​ដាច់ខាត ព្រោះ​ខ្លាច​ម្តាយ​នាង​វ៉ៃ និង​ម្យ៉ាងទៀត បុរស​ជា​គូរ​ស្នេហ៍​របស់​នាង​ក៏​បាន​ធ្វើការ​លែងលះ​ជាមួយ និង​ប្រពន្ធ​របស់​គេ រួច​ហើយ​ដែរ​» ។

ដោយសារ​តែ​ការ​សម្របសម្រួល​គ្នា​រវាង​ម្តាយ និង​កូន​ទាំង​២​នាក់ មិន​ត្រូវ​គ្នា កម្លាំង​នគរបាល​ប៉ុស្តិ៍​បឹង​ត្របែក​ក៏​បាន​ជូន​ទៅ​ធ្វើការ​ដោះស្រាយ​គ្នា នៅ​ឯ​សង្កាត់​និរោធ ខណ្ឌ​ច្បារ​អំពៅ ជា​បន្ត​ទៅ​ទៀត ដោយសារ​តែ​ពួក​គាត់​មាន​ទីលំនៅ​នៅ​ទីនោះ ៕

អត្ថបទសរសេរ ដោយ

កែសម្រួលដោយ