រាជរដ្ឋាភិបាល​កម្ពុជា សម្រេចផ្លូវការ សង​ថ្ងៃ​បុណ្យចូលឆ្នាំ​ថ្មី​! ចាប់ពី​ថ្ងៃ​ទី​១៧-២១ សីហា


រាជធានី​ភ្នំពេញ ៖ សង​ថ្ងៃ​បុណ្យចូលឆ្នាំ​ថ្មី​! រាជរដ្ឋាភិបាល​កម្ពុជា ចេញ​អនុក្រឹត្យ​ជា​ផ្លូវការ​ហើយ ដោយ​អនុញ្ញាត​ឲ្យ​មន្ត្រីរាជការ និយោជិត កម្មករ ឈប់​សម្រាក​ការងារ​រយៈពេល​០៥​ថ្ងៃ គឺ​ចាប់ពី​ថ្ងៃ​ទី​១៧-២១ ខែសីហា ឆ្នាំ​២០២០ ។

បើ​យោង​តាម​អនុក្រឹត្យ ដែល​ចុះហត្ថលេខា​ដោយ​សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា នៅ​ថ្ងៃ​ទី​១៥ ខែកក្កដា ឆ្នាំ​២០២០ ក្នុង​មាត្រា​១ សម្រេច​ថា ៖ ត្រូវ​បាន​អនុញ្ញាត​ឱ្យ​មន្ត្រីរាជការ និយោជិត កម្មករ​នៃ​ព្រះរាជាណាចក្រ​កម្ពុជា ឈប់​សម្រាក​ការងារ​នៅ ថ្ងៃ​ទី​១៧ ទី​១៨ ទី​១៩ ទី​២០ និង​ទី​២១ ខែសីហា ឆ្នាំ​២០២០ ដើម្បី​សង​ថ្ងៃ​ឈប់​សម្រាក​ការងារ​របស់​មន្ត្រី រាជការ និយោជិត កម្មករ ក្នុង​ពិធី​បុណ្យចូលឆ្នាំ​ថ្មី ប្រពៃណី​ជាតិ ឆ្នាំជូត ទោស័ក ដែល​ត្រូវ​បាន​លើក​ដោយ អនុក្រឹត្យ​លេខ​៥០ អន​ក្រ​.​បក ចុះ​ថ្ងៃ​ទី​៨ ខែមេសា ឆ្នាំ​២០២០ ស្ដី​ពី​ការ​លើក​ការ​ឈប់​សម្រាក​ការងារ​របស់ មន្ត្រីរាជការ និយោជិត កម្មករ នៅ​ថ្ងៃ​ទី​១៣ ទី​១៤ ទី​១៥ និង​ទី​១៦ ខែមេសា ឆ្នាំ​២០២០ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ