រាជធានីភ្នំពេញ ៖ សមាគមចលនាយុវជនកម្ពុជា (ក្រុម១៥៧ ) ដែលមានលោក ម៉ឹង ពន្លក ជាប្រធានបានបង្ហាញនូវលទ្ធផលការងារក្នុងឆមាសទី១ ឆ្នាំ២០២០…
រាជធានីភ្នំពេញ ៖ សមាគមចលនាយុវជនកម្ពុជា (ក្រុម១៥៧ ) ដែលមានលោក ម៉ឹង ពន្លក ជាប្រធានបានបង្ហាញនូវលទ្ធផលការងារក្នុងឆមាសទី១ ឆ្នាំ២០២០ អបអរសាទរខួបលើកទី១២ឆ្នាំ ថ្ងៃបង្កើតសមាគមចលនាយុវជនមួយនេះឡើង ខណៈដែលសកម្មភាពមនុស្សធម៌ទាំងអស់របស់សមាគមបានរួមចំណែកជាមួយរាជរដ្ឋាភិបាលក្នុងការកាត់បន្ថយការលំបាករបស់ប្រជាពលរដ្ឋនៅក្នុងប្រទេស សំខាន់អំឡុងពេលនៃការប្រឈមនឹងជំងឺឆ្លងរាលដាលកូវីដ១៩ ។
លោក ម៉ឹង ពន្លក សមាគមចលនាយុវជនកម្ពុជា (ក្រុម១៥៧ ) សូមថ្លែងអំណរអរគុណចំពោះបងប្អូនក្រុមគ្រួសារនៃសមាគមចលនាយុវជនកម្ពុជា (ក្រុម១៥៧) ទាំងអស់ និងសប្បុរសជនក្នុង និងក្រៅប្រទេសដែលបានរួមសុខ រួមទុក្ខ អស់រយៈពេល១២ឆ្នាំ ក្នុងការលះបង់អ្វីៗទាំងអស់ ដើម្បីបំរើជាតិ និងប្រជាជនយើងរួមគ្នា ។
លោកថា ចំណែកទិសដៅការងារបន្តសមាគមន៍ក៏បានលើកឡើងអំពីសហការជាមួយសមាគម និងចូលរួមសកម្មភាពសមាគមនានា រួមទាំងបន្តចុះចែកអំណោយដល់ប្រជាពលរដ្ឋទីទ័លក្រ ខ្វះខាតជួបការលំបាក និងគ្រោះធម្មជាតិ ។
ទន្ទឹមនោះនឹងយកចិត្តទុកដាក់ក្នុងការពង្រឹងទំនាក់ទំនង និងសហការជាមួយអាជ្ញាធរមូលដ្ឋាន ដើម្បីសួរនាំអំពីព័ត៌មានប្រជាពលរដ្ឋដែលមានទុក្ខលំបាកខ្វះខាតគ្រប់បែបយ៉ាង ។ បន្តការចូលរួមរាល់សកម្មភាពសង្គម សកម្មភាពមនុស្សធម៌ និងសកម្មភាពកីឡាជាដើម ៕
ចែករំលែកព័តមាននេះ