រាជធានីភ្នំពេញ ៖ នគរបាលការិយាល័យស៊ើបការនៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ កាលពីថ្ងៃទី១៤ កក្កដា ឆ្នាំ២០២០ បានបញ្ជូនបុរសវ័យចំណាស់ម្នាក់ទៅកាន់សាលាដំបូងរាជធានីភ្នំពេញ ដែលបុរសរូបនោះបានជាប់ពាក់ព័ន្ធរឿងលក់ដីខយល់ យកប្រាក់ពីអ្នកដ៏ទៃប្រមាណជាង១៤ម៉ឺនដុល្លារអាមេរិក ។…
រាជធានីភ្នំពេញ ៖ នគរបាលការិយាល័យស៊ើបការនៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ កាលពីថ្ងៃទី១៤ កក្កដា ឆ្នាំ២០២០ បានបញ្ជូនបុរសវ័យចំណាស់ម្នាក់ទៅកាន់សាលាដំបូងរាជធានីភ្នំពេញ ដែលបុរសរូបនោះបានជាប់ពាក់ព័ន្ធរឿងលក់ដីខយល់ យកប្រាក់ពីអ្នកដ៏ទៃប្រមាណជាង១៤ម៉ឺនដុល្លារអាមេរិក ។
ជនសង្ស័យឈ្មោះ សូរ កែវរដ្ឋា ភេទប្រុស អាយុ៥៣ឆ្នាំ មានទីលំនៅក្នុងបុរីមួយ ផ្ទះលេខ2DEoE1 ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។
សមត្ថកិច្ចឲ្យដឹងថា ជនសង្ស័យត្រូវបានស្ថាប័នអយ្យការអមសាលាដំបូងរាជធានីភ្នំពេញ ចេញដីកាបញ្ជាឲ្យចូលខ្លួននៅនាយកដ្ឋាននគរបាលព្រហ្មទណ្ឌក្រសួងនហាផ្ទៃឲ្យបានមុនថ្ងៃទី១៧ ខែកក្កដា ដើម្បីដោះស្រាយពីបទលក់ដីខ្យល់ និងបោកលុយអ្នកទិញដីជាង១៤ ម៉ឺនដុល្លារអាមេរិក ដែលក្នុងសំណុំរឿងនេះ មានឈ្មោះ ជីវ ណារ៉ា ភេទស្រី អាយុ៣៣ ជាដើមបណ្តឹង ។
ប៉ុន្តែទំនងជាជនសង្ស័យមានការគេចវេស ក្នុងការចូលខ្លួនមុនថ្ងៃកំណត់តាមដីកានោះ ទើបត្រូវសមត្តកិច្ចឃាត់ខ្លួនឲ្យតុលាការវិនិច្ឆ័យតាមនីតិវិធី ។ ដូច្នេះ ពេលនេះជនសង្ស័យកំពុងស្ថិតនៅដំណាក់កាលស៊ើបសួរនៅឡើយទេ ៕
ចែករំលែកព័តមាននេះ