រាជធានីភ្នំពេញ ៖ គណៈសង្ឃនាយកនៃព្រះរាជាណាចក្រកម្ពុជា បានប្រតិកម្មទៅនឹងវីដេអូ និងអត្ថន័យបទចម្រៀង «លួចស្រឡាញ់ប៉ះចំតែសង្សារលោក» ថាបានបំផ្លិចបំផ្លាញកិត្តិយស សេចក្តីថ្លៃថ្នូរក៍៏ដូចជាតម្លៃពុទ្ធសាសនាដែលជាសាសនារបស់រដ្ ឋ។«ករណីនេះជាការប្រមាថចំពោះព្រះសង្ឃថេរវាទ នៅកម្ពុជាយ៉ាងធ្ងន់ធ្ងរបំផុត…
រាជធានីភ្នំពេញ ៖ គណៈសង្ឃនាយកនៃព្រះរាជាណាចក្រកម្ពុជា បានប្រតិកម្មទៅនឹងវីដេអូ និងអត្ថន័យបទចម្រៀង «លួចស្រឡាញ់ប៉ះចំតែសង្សារលោក» ថាបានបំផ្លិចបំផ្លាញកិត្តិយស សេចក្តីថ្លៃថ្នូរក៍៏ដូចជាតម្លៃពុទ្ធសាសនាដែលជាសាសនារបស់រដ្ ឋ។
«ករណីនេះជាការប្រមាថចំពោះព្រះសង្ឃថេរវាទ នៅកម្ពុជាយ៉ាងធ្ងន់ធ្ងរបំផុត ក៏ដូចជាពុទ្ធបរិស័ទផងដែរ មានភាពទោមនស្សកើតទុក្ខមិនសុខចិត្តយ៉ាងក្រៃលែងចំពោះទង្វើដ៏អកុសល និងថោកទាបនេះ» នេះជាការបញ្ជាក់របស់គណៈនាយកសង្ឃ ។
គណនីហ្វេសប៊ុកមួយឈ្មោះថា Troll យឹម តន បង្ហោះវីដេអូ បទចម្រងៀង«លួចស្រឡាញ់ប៉ះចំតែសង្សារលោក» នៅលើបណ្តាញសង្គម ។ ក្នុងវីដេអូនោះ បានកាត់តរូបអតីតភិក្ខុមួយចំនួន ដែលរងការចោទប្រកាន់ថា បានប្រព្រឹត្តអំពើរខុសពីវិន័យព្រះសង្ឃ ទៅលួចបង្កើតទំនាក់ទំនងស្នេហាជាមួយស្ត្រីភេទ ។
ចំណែកអត្ថន័យបទចង្រៀងនោះវិញ និយាយពីបុរសម្នាក់កើតទុក្ខមិនសុខចិត្តដោយសារខ្លួន បង្កើតទំនាក់ទំនងស្នេហាជាមួយស្រីៗមិនឈ្នះព្រះសង្ឃ គឺព្រះសង្ឃមានមន្តស្នេហាជាងខ្លួន ។
គណៈសង្ឃនាយកថានេះមិនមែនជាលើកទី១មួយទេ ដែលគណនីហ្វេសប៊ុកមួយឈ្មោះថា Troll យឹម តន នេះបានប្រព្រឹត្តអំពើរជាអកុសលបែបនេះ ។ ស្ថាប័នព្រះសង្ឃបានលើកឡើងថា រូបភាពបុគ្គលដែលហ្វេសប៊ុកខាងលើនេះ យកមកកាត់តភ្ជាប់ជាមួយស្ត្រីភេទនោះគឺជារូបភាពដែលគណៈសង្ឃនាយកគ្រប់ជាន់ថ្នាក់ បានដោះស្រាយប្រកបដោយច្បាប់វិន័យរួចហើយ ។ រូបភាពខ្លះជារូបភាពសង្ឃបរទេស និងខ្លះទៀតជារូបភាពបព្វជិតសង្ឃពុំមានកំហុសអ្វីឡើយ ក៍ត្រូវបានយកមកដាក់ភ្ជាប់ដើម្បីត្មិៈតិៈដៀលបន្ទាបបន្ថោកក្នុងបទចម្រៀងយ៉ាងគ្រោតគ្រាត និងអយុត្តិ ផងដែរ។
គណៈសង្ឃនាយកបានស្នើឲ្យសមត្ថកិច្ចពាក់ព័ន្ធចាត់វិធានការតាមច្បាប់ដល់ម្ចាស់គណនីហ្វេសប៊ុកមួយឈ្មោះថា Troll យឹម តន នោះ ។ ខណៈ ការបង្ហោះបទច្រៀងលួចស្រឡាញ់ប៉ះចំតែសង្សារលោកនៅលើ គណនីហ្វេសប៊ុកមួយឈ្មោះថា Troll យឹម តន នេះ មានអ្នកចូលមើល ចែកចាយ និងបញ្ចេញមតិយ៉ាងច្រើន។
អ្នកចូលបញ្ចេញមតិភាគច្រើនមិនគាំទ្រការផលិតបទចម្រៀងនិងវីដេអូនោះទេ ដោយយល់ថាបានធ្វើឲ្យវិស័យព្រះពុទ្ធសាសនាធ្លាក់ចុះហើយថាករណីព្រះសង្ឃមួយចំនួនតូចបានប្រព្រឹត្តទង្វើមិនគម្បីខុសវិន័យសង្ឃនោះ ជាករណីបុគ្គលប៉ុណ្ណោះ ហើយបុគ្គលល្មើសវិន័យទាំងនោះ ជាអ្នកទទួលខុសត្រូវចំពោះសកម្មភាពរបស់ខ្លួន ដោយមិនពាក់ព័ន្ធដល់ព្រះសង្ឃដទៃនិងពុទ្ធសាសនាឡើយ៕
ចែករំលែកព័តមាននេះ