តុលាការ​សម្រេច​ឃុំខ្លួន​ជន​2​នាក់​ពី​បទ​ឈូស​ឆាយដី​ព្រៃរបស់​រដ្ឋ​(វីដេអូ)


ខេត្តសៀមរាប ៖ ចៅក្រម​ស៊ើបសួរ​សាលាដំបូង​ខេត្ត លោក មុ​យ សុ​ភ័ក្ត្រ នា​រសៀល​ថ្ងៃ​ទី​១៣ ខែកក្កដា បាន​សម្រេច​ចេញ​ដីកា​បង្គាប់​ឲ្យ​ឃុំខ្លួន​បុរស​២​នាក់​ដាក់​ពន្ធនាគារ​ពី​បទ​កាប់​រាន និង​ឈូស​ឆាយដី​ព្រៃ ហ៊ុម​ព័ទ្ធ​យក​ដី​ព្រៃ និង​ប្រើប្រាស់​រណារ​យន្ត​ដោយ​គ្មាន​ការ​អនុញ្ញាត​ពី​រដ្ឋបាល​ព្រៃឈើ ប្រព្រឹត្ត​នៅ​ភូមិ​រុងរឿង ឃុំ​កន្ទួត ស្រុក​ស្វាយ​លើ កាលពី​ថ្ងៃ​ទី​៩ ខែកក្កដា ឆ្នាំ​២០២០ ។

បទល្មើស​នេះ​មាន​ចែង​និង​ផ្ដន្ទាទោស​តាម​បញ្ញត្ដិ​មាត្រា​៩៧ និង​មាត្រា​៩៩ នៃ​ច្បាប់​ស្ដី​ពី​ព្រៃឈើ។

លោក​ចៅក្រម​ឲ្យ​ដឹង​ថា បុរស​ទាំង​២​នាក់​នេះ ម្នាក់​ឈ្មោះ ហឿ​ម ហុង អាយុ​២៩​ឆ្នាំ នៅ​ភូមិ​រំដួល​ថ្មី ឃុំ​ដូន​ពែង ស្រុក​អង្គរជុំ ជា​កសិករ និង​ម្នាក់​ទៀត​ឈ្មោះ ម៉ៅ ម៉ាង អាយុ​២៨​ឆ្នាំ នៅ​ភូមិ​​​កំ​ព្រំ ឃុំ​ឃុន​រាម ស្រុក​បន្ទាយស្រី ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ