ADផ្ទាំងផ្សព្វផ្សាយពាណិជ្ជកម្ម

Picture

​សក្តិ៤ផឹកស្រវឹងនឹកដល់​ប្រពន្ធ​​ដក​កាំ​ភ្លើង​បា.ញ់មេឃ​៣​គ្រាប់​

3 ឆ្នាំ មុន
  • ភ្នំពេញ

រាជធានីភ្នំពេញ ៖ យោធា​ស័ក្តិ​៤​ម្នាក់​ខូចចិត្ត​មាន​វិបត្តិ​រឿង​គ្រួសារ​បែកបាក់​ប្រពន្ធ​បាន​មក​ផឹកស៊ី​ជាមួយ​អ្នក​ស្គាល់គ្នា​ខ​ណះ​ផឹក​អស់​កន្លះ​កេស រៀង​ធ្លាក់​ភ្នែក​ដក​កាំភ្លើង​មក​បង្អួត​អ្នក​អង្គុយ​ផឹក​ជាមួយ​គ្នា​រួច​បាញ់​៣​គ្រាប់​ ហើយ​​ចេញ​មក​ក្រៅ​បាញ់​១​គ្រាប់​ទៀត ស្រាប់តែ​គាំង​បាន​អា​មេ​ទម្លាក់​គ្រាប់​មិន​ចេញ​ ក៏​ដោះ​បង់​ធ្លាក់​មក​ត្រូវ​អ្នក​ផឹកស៊ី​ជាមួយ​រើស​បាន​យក​ទុក ហើយ​រុញ​ជន​បង្ក​ចូល​បន្ទប់​ចាក់សោ​ខាងក្រៅ ហៅ​សមត្ថកិច្ច​ប៉ុស្តិ៍​ភ្លាម​ៗ ។…

រាជធានីភ្នំពេញ ៖ យោធា​ស័ក្តិ​៤​ម្នាក់​ខូចចិត្ត​មាន​វិបត្តិ​រឿង​គ្រួសារ​បែកបាក់​ប្រពន្ធ​បាន​មក​ផឹកស៊ី​ជាមួយ​អ្នក​ស្គាល់គ្នា​ខ​ណះ​ផឹក​អស់​កន្លះ​កេស រៀង​ធ្លាក់​ភ្នែក​ដក​កាំភ្លើង​មក​បង្អួត​អ្នក​អង្គុយ​ផឹក​ជាមួយ​គ្នា​រួច​បាញ់​៣​គ្រាប់​ ហើយ​​ចេញ​មក​ក្រៅ​បាញ់​១​គ្រាប់​ទៀត ស្រាប់តែ​គាំង​បាន​អា​មេ​ទម្លាក់​គ្រាប់​មិន​ចេញ​ ក៏​ដោះ​បង់​ធ្លាក់​មក​ត្រូវ​អ្នក​ផឹកស៊ី​ជាមួយ​រើស​បាន​យក​ទុក ហើយ​រុញ​ជន​បង្ក​ចូល​បន្ទប់​ចាក់សោ​ខាងក្រៅ ហៅ​សមត្ថកិច្ច​ប៉ុស្តិ៍​ភ្លាម​ៗ ។

បង្ក​អោយ​មានការ​ភ្ញាក់ផ្អើល​កាលពី​វេលា​ម៉ោង​៧​និង​១៥​នាទី​យប់ថ្ងៃទី១២ កក្កដា ​ចំណុច​​​បន្ទប់​ជួល​លេខC .05 ជាន់​ទី​២ ភូមិ​ត្រពាំង​រំចេក សង្កាត់​ចោម​ចៅ​ទី​១ ខណ្ឌ​ពោធិ៍​សែន​ជ័យ ។

ជន​បង្ក​មានឈ្មោះ សោម ពិសិដ្ឋ ភេទ​ប្រុស អាយុ​៣៨​ឆ្នាំ ​ជាទាហានពាក់​ស័ក្តិ​៤វរសេ​នីយ៍ត្រី ធ្វើការ​នៅ​ការិយាល័យ​កិច្ចការ​ស៊ី​វិល ទីចាត់ការ​ឃោសនា​ព័​ត៍​មាន អគ្គបញ្ជាការ ក្រសួងការពារជាតិ និង​មានមុខរ​បរជា​ពេទ្យធ្មេញ មាន​ទីលំនៅ​ភូមិ​៣ ក្រុម​៨ សង្កាត់​ស្ទឹង​មាន​ជ័យ​១ ខណ្ឌមានជ័យ ប្រើប្រាស់​កាំភ្លើង​ម៉ាក K59 មាន​លេខ ៧២៥៦ មាន​គ្រាប់​ចំនួន​៤ ក្នុង​បង់ បាញ់​អស់​៣ រក​ឃើញ​សំបក​គ្រាប់​ចំនួន​៣ ។

បើ​តាម​សាក្សី​ឈ្មោះ​ម្នាក់ភេទស្រី (ច​រឹត​ប្រុស) អាយុ​២៨​ឆ្នាំ មុខរបរ​កម្មករ​រោង​ចក្រ ស្នាក់​​នៅ​កន្លែង​កើតហេតុ មានស្រុក​កំណើត​ភូមិ​ជម្រៅ ឃុំ​កំពង់​សឹ​ង្ហ ស្រុក​កំពង់​ត្របែក ខេត្តព្រៃវែង បាន​រៀបរាប់​អោយ​ដឹង​ថា មុន​ពេល​កើតហេតុ ខ្លួន​និង​ជន​បង្ក​ជា​មនុស្ស​រាប់អាន​គ្នា​យូរ​មក​ហើយ លុះ​នៅ​ល្ងាច​ថ្ងៃ​ទី​១២ ក​ក្ត​ដា ២០២០ ជន​បង្ក​បាន​ឆាត​មក​ថា​ចង់​ផឹកស៊ី​ជាមួយ ដោយ​ជិះ​ម៉ូតូ​មួយ​គ្រឿង ​ម៉ាក​ហុងដា​ឌ្រី​ម ស៊េរី​០១១ ពាក់​ស្លាក​លេខ​ភ្នំពេញ​1BC-0835 មក​អង្គុយ​ផឹកស៊ី​មាន​គ្នា​៤​នាក់ ស្រី​ម្នាក់​ត្រូវជា​ប្អូនធម៌ ខណៈ​ពេល​ផឹកស៊ី​ស្រវឹង​ ជន​បង្ក​ហាក់​មាន​អារម្មណ៍​ពិបាកចិត្ត​រឿង​ប្រពន្ធ​មាន​ប្រុស​ថ្មី​ក៏​បាន​យក​កាំភ្លើង​មក​បង្អួត​អ្នក​ផឹកស៊ី​ជាមួយ​គ្នា​ ហើយ​ដក​កាំភ្លើង​បាញ់​តែ​ម្តង ធ្វើ​ឲ្យ​អ្នក​នៅ​កន្លែង​កើតហេតុ​ប្តឹង​សមត្ថកិច្ច​ឃាត់ខ្លួន​ភ្លាម​ៗ​តែ​ម្តង ។

តាម​ប្រភព​ព​ត៌​មាន​ពី​កន្លែង​កើតហេតុ​បន្ត​ទៀត​ថា ខណៈ​ពេល​កំលាំង​សមត្ថកិច្ច​នគរ​បាល​ប៉ុស្តិ៍​បាន​សហការ​ជាមួយ​កំលាំង​នគរបាល​ព្រហ្មទណ្ឌ​ខណ្ឌ​ពោធិ៍​សែន​ជ័យ ​ដោយ​មាន លោក​អធិការរង​ចុះ​ដល់​កន្លែង​កើតហេតុ​ភ្លាម​ព័ទ្ធ​បន្ទប់​ជួល​ចូល​ឃាត់​បាន​ភ្លាម​ៗ ។ក្រោយ​ពេល​កើតហេតុ​ជនសង្ស័យ​ផ្ទុះអាវុធ​ត្រូវ​បាន​កំលាំង​នគរបាល​ប៉ុស្តិ៍​កសាង​សំណុំ​រឿង​ដើម្បី​បញ្ជូន​ជនសង្ស័យ​ខាងលើ​ទៅ​ផ្នែក​ជំនាញ​ខណ្ឌ​ពោធិ៍​សែន​ជ័យ​ចាត់ការ​តាម​និ​តិ​វិធី ៕

ព័ត៌មានបន្ថែម​នឹងមានផ្សាយជូនលើកាសែតកោះសន្តិភាព​។

អត្ថបទសរសេរ ដោយ