ផ្អាកសំណង់បុរីលោក រីន ចំណាន សាងសង់តាមចិត្តអត់ច្បាប់
- ក្រចេះ
ខេត្តក្រចេះ ៖ អាជ្ញាធរក្រុងក្រចេះ ដឹកនាំដោយលោក សេង ភីណា អភិបាលរងក្រុងក្រចេះ ចុះពិនិត្យជាក់ស្តែងនៅការដ្ឋានសំណង់ចំនួនពីរកន្លែង និងបានផ្អាកការសាងសង់ផ្ទះល្វែងក្នុង បុរី…
ខេត្តក្រចេះ ៖ អាជ្ញាធរក្រុងក្រចេះ ដឹកនាំដោយលោក សេង ភីណា អភិបាលរងក្រុងក្រចេះ ចុះពិនិត្យជាក់ស្តែងនៅការដ្ឋានសំណង់ចំនួនពីរកន្លែង និងបានផ្អាកការសាងសង់ផ្ទះល្វែងក្នុង បុរី…
ខេត្តក្រចេះ ៖ អាជ្ញាធរក្រុងក្រចេះ ដឹកនាំដោយលោក សេង ភីណា អភិបាលរងក្រុងក្រចេះ ចុះពិនិត្យជាក់ស្តែងនៅការដ្ឋានសំណង់ចំនួនពីរកន្លែង និងបានផ្អាកការសាងសង់ផ្ទះល្វែងក្នុង បុរី រីវឺដុលហ្វីន ក្រោយរកឃើញថា ជាសំណង់គ្មានច្បាប់ (គ្មានច្បាប់អនុញ្ញតិ)។
សំណង់ផ្ទះល្វែងក្នុងបុរី រីវឺដុលហ្វីន ត្រូវបានគេស្គាល់ថា ជាកម្មសិទ្ធិរបស់ឈ្មោះ រីន ចំណាន ស្ថិតក្នុងភូមិអូរឫស្សី1 សង្កាត់អូរឫស្សី ក្រុងក្រចេះ ខេត្តក្រចេះ ដែលតែងតែសាងសង់លំនៅឋានលក់ភាគច្រើន គឺមិនមានច្បាប់ទម្លាប់ត្រឹមត្រូវ និងមិនមានលក្ខណៈស្តង់ដារតាមបច្ចេកទេស ពេលនេះត្រូវបានអាជ្ញាធរក្រុងក្រចេះ ចុះផ្អាកការសាងសង់ផ្ទះល្វែងចំនួន3ផ្ទះ ក្រោយរកឃើញថា ជាសំណង់គ្មានច្បាប់។
លោក សេក ប៊ុនហេង អភិបាលក្រុងក្រចេះប្រាប់ថា ; ក្រុមការងារសាលាក្រុងបានចុះត្រួតពិនិត្យជាក់ស្ដែង នៅការដ្ឋានសាងសង់លំនៅដ្ឋានផ្ទះល្វែងរបស់លោក រីន ចំណាន ពិនិត្យឃើញថា មិនទាន់មានច្បាប់អនុញ្ញាតសាងសង់ ត្រឹមត្រូវនោះទេ ទើបតម្រូវឲ្យម្ចាស់ផ្ទះល្វែងបញ្ឈប់ការសាងសង់សំណង់ ដែលមិនមានច្បាប់អនុញ្ញាតឲ្យប្រើប្រាស់ ឬជួលសំណង់អគារ ដែលបានប្រគល់ជូនរដ្ឋជាអ្នកគ្រប់គ្រង ដោយឱ្យលោក រិន ចំណាន ធ្វើតាមកិច្ចការសន្យានៅក្នុងគម្រោងដោយឲ្យរៀបចំប្រព័ន្ធលូរំដោះទឹក និងផ្លូវឲ្យមានសោភ័ណភាពល្អប្រសើរ នឹងត្រូវឲ្យក្រុមជាងត្រូវតែទៅចុះបញ្ជីវិញ្ញាបនប័ត្រ នៅរដ្ឋបាលខេត្តជាមុនសិន ទើបឲ្យសាងសង់បន្ត ។
លោកបន្តថា នេះមិនមែនជាលេីកទីមួយនោះទេ ដែលអាជ្ញាធរតែងតែចុះហាមឃាត់ ការសាងសង់បុរីដុលហ្វីន ធ្វើអោយធ្វើតាមកិច្ចសន្យា តែ លោក រីន ចំណាន មិនបានរៀបចំតាមការណែនាំរបស់អាជ្ញាធរឡើយ ។ រដ្ឋបាលក្រុងក្រចេះ បានបញ្ជាក់ថា ការចុះផ្អាកការសាងសង់ផ្ទះល្វែង នៅក្នុងបុរី រីវឺដុលហ្វីន លើកចុងក្រោយ គឺធ្វើឡើង កាលពីថ្ងៃទី៨ ខែកក្កដា កន្លងទៅ ក្រោមវត្តមានរបស់លោក សេង ភីណា អភិបាលរងក្រុងក្រចេះ៕
ចែករំលែកព័តមាននេះ