ADផ្ទាំងផ្សព្វផ្សាយពាណិជ្ជកម្ម

Picture

វង្ស ណ​យ ប្រកាស​លា​សៃ​វៀន​ប្រដាល់​ព្រោះ​ល្បី​ត្រឹមតែ​ឈ្មោះ​តែ​ជីវភាព​និយាយ​លែង​ចេញ

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ កីឡាករ​ប្រដាល់​ក្បាច់​គុណ​បុរាណ​ខ្មែរ​ដ៏​ល្បី​មួយ​រូប​ដែល​មាន​រហ័ស​នាម អ្នកលេង​កែង​ឆេះ​មក​ពី​ក្លិប​កងពលតូច​លេខ​៣១ លោក វង្ស ណ​យ បាន​ប្រកាស​លាឈប់​ពី​ពិភព​ប្រដាល់ ដោយ​អះអាង​ថា វិស័យ​មួយ​នេះ​ទទួល​បាន​ត្រឹម​កេរ្តិ៍ឈ្មោះ…

រាជធានី​ភ្នំពេញ ៖ កីឡាករ​ប្រដាល់​ក្បាច់​គុណ​បុរាណ​ខ្មែរ​ដ៏​ល្បី​មួយ​រូប​ដែល​មាន​រហ័ស​នាម អ្នកលេង​កែង​ឆេះ​មក​ពី​ក្លិប​កងពលតូច​លេខ​៣១ លោក វង្ស ណ​យ បាន​ប្រកាស​លាឈប់​ពី​ពិភព​ប្រដាល់ ដោយ​អះអាង​ថា វិស័យ​មួយ​នេះ​ទទួល​បាន​ត្រឹម​កេរ្តិ៍ឈ្មោះ គ្មាន​សល់​លុយកាក់​អ្វី​នោះ​ឡើយ ។

អ្នក​ប្រដាល់​ក្បាច់​បុរាណ​ខ្មែរ លោក វង្ស ណ​យ ដែល​ត្រូវ​បាន​គេ​ទទួលស្គាល់​ថា ជា​កំពូល​កីឡាករ​ប្រដាល់​ដ៏​មាន​សមត្ថភាព ដែល​អាច​ផ្តួល​គូប្រកួត​ឱ្យ​សន្លប់​ជា​ច្រើន​ដង បាន​ប្រកាស​លាឈប់​ពី​ប្រដាល​ល់​កាលពី​រាត្រី​ថ្ងៃ​ទី​១២ កក្កដា ឆ្នាំ​២០២០ ដោយ​លោក​បាន​និយាយ​ថា វិស័យ​មួយ​នេះ​ពិតជា​ជួយ​ឲ្យ​កេរ្តិ៍ឈ្មោះ​ល្បី​ពិតមែន តែ​និយាយ​ពី​ចំណូល​វិញ គឺ​ទាប ហើយ​ប្រឈម​មុខ​នឹង​គ្រោះថ្នាក់​ធ្លាក់ខ្លួន​ពិ​ការ ហើយ​បើសិនជា​ធ្លាក់ខ្លួន​ពិការ​ពិតមែន គឺ​កូន​ៗ​របស់​លោក​ពិតជា​វេទនា​ហើយ ។

លោក វង្ស ណ​យ បាន​បង្ហោះ​សារ​ត្អូញត្អែរ​យ៉ាង​ដូច្នេះ​ថា «​ខ្ញុំ​លាឈប់​ពី​ប្រដាល់​ហើយ​បងប្អូន ។ ខ្ញុំ​វ៉ៃ​យូរណាស់​ហើយ ល្បី​តែ​ឈ្មោះ គ្មាន​សល់​អី​ទេ ពេល​នេះ​ខ្ញុំ​អស់កម្លាំង​វ៉ៃ​ទៀត​ហើយ ទើប​ខ្ញុំ​សម្រេចចិត្ត​ឈប់​វៃ​នៅ​ពេល​នេះ ព្រោះ​ខ្លាច​ពិការ ខាន​បាន​រកស៊ី​ចិញ្ចឹម​កូន ។​បើ​ខ្ញុំ​ពិការ​ទៅ​គ្មាន​អ្នក​ណា​ចិញ្ចឹម​កូន​ខ្ញុំ​ទេ​» ។

សូម​បញ្ជាក់​ថា​កីឡាករ វង្ស ណ​យ លោក វង្ស ណ​យ ជា​កូនសិស្ស​របស់​លោក ឈិ​ត សា​រឹម ហើយ​លោក​មានស្រុក​កំណើត នៅ​ស្រុក​សាលា​ក្រៅ ខេត្ត​ប៉ៃលិន ។ ហើយ​រូប​លោក​ធ្លាប់​បាន​និយាយ​ច្រើន​ដឹង​ហើយ​អំពី កីឡាករ​ប្រដាល់​ខ្មែរ​ខ្លះ​មាន​ជីវភាព​ខ្វះខាត​ខ្លាំង ដោយសារ​តែ​ចំណូល​ពី​ការ​ប្រកួត​បាន​ទាប ហើយ​កីឡាករ​ខ្លះ​ក្រោយ​ចេញពី​សៃ​វៀន​ប្រកួត ភ្លាម ក៏​បាន​ឆ្លៀតពេល​ទៅ​រត់​កង់​បី រត់​ម៉ូតូឌុប និង​ខ្លះ​ធ្វើ​ការងារ​ផ្សេង​ៗ​ទៀត​ៗ ដើម្បី​រក​ប្រាក់​មក​ផ្គត់ផ្គង់​ជីវភាព បន្ថែម​លើ​អាជីព​ជា​អ្នក​ប្រដាល់​មួយ​នេះ ។

ជាក់ស្តែង​លោក វង្ស ណ​យ ផ្ទាល់​ក៏​មានការ​បង្កើត​មុខរបរ​លក់​ងៀត​គោ ងៀត​ក្របី ក៏​ដូច​ជា​កន្ធាយ​តាម​អន​ឡាញ ដើម្បី​រក​ប្រាក់​ចំណូល​បន្ថែម​ផង​ដែរ ៕

អត្ថបទសរសេរ ដោយ

កែសម្រួលដោយ