រាជធានីភ្នំពេញ ៖ ដើម្បីទប់ស្កាត់ជំងឺកូវីដ១៩ ដែលកំពុងរីករាលនៅបណ្តាប្រទេសមួយចំនួនលើសកលលោក ព្រមទាំងកម្ពុជាផងនោះ អ្នកនាំពាក្យក្រសួងសុខាភិបាលបញ្ជាក់ទៅកាន់ប្រជាពលរដ្ឋថា កុំសន្តិភាពជាមួយនឹងជំងឺកូវីដ១៩នេះពេក ។ ការបញ្ជាក់របស់អ្នកនាំពាក្យក្រសួងសុខាភិបាលដើម្បីដាស់តឿនដល់ប្រជាពលរដ្ឋគ្រប់រូប ក្នុងការអនុវត្តវិធានការទប់ស្កាត់ការឆ្លងជំងឺកូវីដ១៩…
រាជធានីភ្នំពេញ ៖ ដើម្បីទប់ស្កាត់ជំងឺកូវីដ១៩ ដែលកំពុងរីករាលនៅបណ្តាប្រទេសមួយចំនួនលើសកលលោក ព្រមទាំងកម្ពុជាផងនោះ អ្នកនាំពាក្យក្រសួងសុខាភិបាលបញ្ជាក់ទៅកាន់ប្រជាពលរដ្ឋថា កុំសន្តិភាពជាមួយនឹងជំងឺកូវីដ១៩នេះពេក ។
ការបញ្ជាក់របស់អ្នកនាំពាក្យក្រសួងសុខាភិបាលដើម្បីដាស់តឿនដល់ប្រជាពលរដ្ឋគ្រប់រូប ក្នុងការអនុវត្តវិធានការទប់ស្កាត់ការឆ្លងជំងឺកូវីដ១៩ ខណៈដែលពេលថ្មីៗនេះ មានពលរដ្ឋខ្មែរមកពីប្រទេសអារ៉ាប៊ីសាអូឌី ចំនួន១៥នាក់ បានឆ្លងជំងឺកូវីដ១៩ ។
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខា ភិបាលបានឲ្យដឹងថា កាលពីថ្ងៃ១២ ខែកក្កដា ឆ្នាំ២០២០ យ៉ាងដូច្នេះថា ៖«ការរកឃើញអ្នកឆ្លងចំនួន១៥នាក់ថ្មី បង្ហាញឲ្យឃើញថា ឲ្យបងប្អូនយើងមានការប្រុងប្រយ័ត្នបន្តទៀត កុំសន្តិភាពជាមួយវីរុសកូវីដ១៩ ជាពិសេសនោះបងប្អូនធ្វើដំណើរទៅណាមកមកណា ត្រូវចេះអនុវត្តន៍វិធានការការពារ ដើម្បីជៀសផុតពីការឆ្លង» ។
លោកជំទាវវេជ្ជបណ្ឌិតក៏បានលើកឡើងថា ចំនួនអ្នកដែលរកឃើញថ្មី១៥ នាក់មកពីប្រទេសអារ៉ាប់ប៊ីសាអូឌីនេះ ជាករណីនាំចូលទាំងអស់ក៏យើងម្នាក់ៗត្រូវចូលរួមក្នុងការទប់ស្កាត់ ការចម្លងនូវជំងឺវីរុសកូវីដ១៩ នៅក្នុងប្រទេសកម្ពុជាយើងផងដែរ ។
ទាក់ទិននឹងការរកឃើញអ្នកឆ្លងជំងឺកូវីដ១៩ថ្មីនេះ សម្តេចតេជោ ហ៊ុន សែននាយករដ្ឋ មន្ត្រីបានអំពាវនាវឲ្យប្រជាពលរដ្ឋទាំងអស់មានការប្រុងប្រយ័ត្ន និងការពារខ្លួនធ្វើយ៉ាងណាកុំឲ្យករណីឆ្លងជំងឺនេះទៅដល់ខ្លួនជាដាច់ខាត ៕
ចែករំលែកព័តមាននេះ