រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវគេសង្ស័យថា មានបញ្ហាផ្លូវចិត្ត ព្រោះតែបុរសរូបនេះបានលបលួចឡើងលើផ្ទះប្រជាពលរដ្ឋ តែមិនបានលួចយកទ្រព្យសម្បត្តិនោះទេ បែរជាលួចខោអាវក្នុងនារីៗទៅវិញ តែមិនសម្រេច បង្កការភ្ញាក់ផ្អើលប្រជាពលរដ្ឋឃាត់ខ្លួនប្រគល់ឱ្យនគរបាល…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវគេសង្ស័យថា មានបញ្ហាផ្លូវចិត្ត ព្រោះតែបុរសរូបនេះបានលបលួចឡើងលើផ្ទះប្រជាពលរដ្ឋ តែមិនបានលួចយកទ្រព្យសម្បត្តិនោះទេ បែរជាលួចខោអាវក្នុងនារីៗទៅវិញ តែមិនសម្រេច បង្កការភ្ញាក់ផ្អើលប្រជាពលរដ្ឋឃាត់ខ្លួនប្រគល់ឱ្យនគរបាល កាលពីម៉ោង១១និង៤០នាទីយប់ ថ្ងៃទី១១ ខែកក្កដា ឆ្នាំ២០២០ នៅចំណុចផ្ទះលេខ១៩៨A ផ្លូវព្រះនរោត្តមក្រុម៥៧ ស្ថិតនៅភូមិ១០ សង្កាត់ទន្លេបាសាក់ ខណ្ឌចំការមន ។
សេចក្តីរាយការណ៍បន្តថា បុរសជាជនសង្ស័យខាងលើឈ្មោះ ព្រីង សំរស់ អាយុ៣៤ឆ្នាំ មុខរបរគ្មាន ស្នាក់នៅផ្ទះនៅភូមិ១០ សង្កាត់ ទន្លេបាសាក់ ខណ្ឌចំការមន ចំណែកជនរងគ្រោះឈ្មោះ សែម ស្រីពៅ ភេទស្រី អាយុ២៧ឆ្នាំ មុខរបរបុគ្គលិកធានាគារ ស្នាក់នៅផ្ទះកើតហេតុខាងលើ ។
បើតាមនគរបាលបានឱ្យដឹងថា ជនសង្ស័យខាងលើត្រូវបានឃាត់ខ្លួនក្នុងករណីប៉ុនប៉ងលួច តែមិនបានសំរេច ។ មុនពេលកើតហេតុ គឺជនសង្ស័យបានដើរទៅទីស្ងាត់ រួចលួចយកជណ្ដើររបស់ពលរដ្ឋជិតខាង ហើយយកមកដាក់ផ្អែកជញ្ជាំ ដើម្បីឡើងលើផ្ទះជនរងគ្រោះដែលធ្វើអំពីឈើលើថ្មក្រោម ក្នុងគោលបំណងលួចសម្ភារ:មានតំលៃ ប៉ុន្តែចៃដន្យស្ត្រីរងគ្រោះឃើញទាន់ ក៏ស្រែកឆាឡោតែម្តង ទើបប្រជាពលរដ្ឋជិតខាងនាំគ្នាចេញមកឃាត់ខ្លួនបាន និងស្វាគមន៍ម្នាក់១ដៃមួយជើង ដោយសារតែខឹង ព្រោះតែមួយរយៈនេះ មានការបាត់សម្ភារ:ញឹកញាប់ពេក។
ប្រជាពលរដ្ឋជិតខាងមួយចំនួននិយាយថា សម្ភារៈដែលបាត់បង់ភាគច្រើន គឺមានតែសម្លៀកបំពាក់ និងអាវក្នុងរបស់នារីៗតែម្ដង ។ ក្រោយមកក៏បាននាំជនសង្ស័យ និងអ្នករងគ្រោះដាក់ពាក្យបណ្ដឹង និងឱ្យនគរបាលចាត់ការតាមផ្លូវច្បាប់ ។
នគរបាលបន្តថា ក្រោយពេលបានសាកសួរនាំ ជនសង្ស័យបានឆ្លើយសារភាពថា ខ្លួនមានជនមិនស្គាល់មុខម្នាក់បានធ្វើមន្តអាគមន៍ដាក់ខ្លួន ហើយតម្រូវឱ្យលួចសំលៀកបំពាក់ស្រីៗ ជាពិសេសអាវក្នុងរបស់នារីតែម្ដង ។ តែទោះយ៉ាងណាក៏ដោយ នេះគ្រាន់តែជាពាក្យដោះសារ ដើម្បីសម្រាលពីទោសកំហុសតែប៉ុណ្ណោះ ។
បច្ចុប្បន្ននេះជនសង្ស័យខាងលើត្រូវបាននគរបាលឃាត់ខ្លួនបញ្ជូនទៅអធិការដ្ឋាននគរបាលខណ្ឌចំការមន រួមនឹងវត្ថុតាងដកហូតមានកាំបិតបុ័ងតោចំនួន១ និងទូរស័ព្ទចំនួន១គ្រឿងជារបស់ជនសង្ស័យ ។
ចែករំលែកព័តមាននេះ