ADផ្ទាំងផ្សព្វផ្សាយពាណិជ្ជកម្ម

Picture

ពលរដ្ឋ​រស់នៅ​តំបន់​មិន​រៀបរយ ៨៧​ខ្នង​ផ្ទះ​ស្ម័គ្រចិត្ត​រុះរើ​ចេញ និង​ទទួល​ដី​កម្មសិទ្ធិ​ស្របច្បាប់​នៅ​តំបន់​អភិវឌ្ឍន៍​ថ្មី

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ លោក ម៉េ​ត មាស​ភក្តី អ្នកនាំពាក្យ​រដ្ឋបាល​រាជធានី​ភ្នំពេញ​បានអោយ​ដឹង​ថា បន្ទាប់​ពី​ទទួល​បានការ​យល់ព្រម​ផ្តល់​ជូន​ដី​ឡូ​តិ៍​ទំហំ ៤​ម គុណ​១៥​ម ក្នុង​មួយ​ខ្នង​ផ្ទះ…

រាជធានី​ភ្នំពេញ ៖ លោក ម៉េ​ត មាស​ភក្តី អ្នកនាំពាក្យ​រដ្ឋបាល​រាជធានី​ភ្នំពេញ​បានអោយ​ដឹង​ថា បន្ទាប់​ពី​ទទួល​បានការ​យល់ព្រម​ផ្តល់​ជូន​ដី​ឡូ​តិ៍​ទំហំ ៤​ម គុណ​១៥​ម ក្នុង​មួយ​ខ្នង​ផ្ទះ ពី​សម្តេច​តេ​ជោ នាយក​រដ្ឋមន្ត្រី​តាម​រយៈ​សំណើ​របស់​បងប្អូន​ប្រជាពលរដ្ឋ​សហគមន៍​បន្ទាយ​ស្លឹក​ចំនួន​៨៧​ខ្នង​ផ្ទះ រស់នៅ​លើ​ផ្លូវ​សាធារណៈ​លេខ​៤៣៤ ភូមិ​៤ សង្កាត់​ទំនប់​ទឹក ខណ្ឌ​បឹង​កេងកង​រួច​មក​នៅ​ព្រឹក ថ្ងៃ​ទី​១១ ខែកក្កដា ឆ្នាំ​២០២០ ។

បងប្អូន​ម្ចាស់ផ្ទះ​ទាំងអស់​បាន​ស្ម័គ្រចិត្ត​ចូលរួម​រុះរើ​សំណង់​របស់​ខ្លួន​ជាមួយ​អាជ្ញាធរ​ដោយ​ស្មារតី​សហការ និង​សប្បាយ​រីករាយ ដើម្បី​រៀបចំ​សម្ភារ និង​ដឹក​ជញ្ជូន​ទៅ​ទីតាំង​ដី​ឡូ​តិ៍​ថ្មី​ដែល​អាជ្ញាធរ​រាជធានី​ភ្នំពេញ​បាន​រៀបចំ​ផ្តល់​ជូន ស្ថិត​នៅ​ឃុំ​វិហារ​សួគ៌ ស្រុក​ខ្សាច់កណ្តាល ខេត្តកណ្តាល ដោយ​ស្នាក់​នៅ​បណ្តោះអាសន្ន​មួយ​រយៈ​ក្នុងផ្ទះ​ដែល​បាន​រៀបចំ​ទុក​ជូន ។

លោក ម៉េ​ត មាស​ភក្តី បាន​បញ្ជាក់​ថា ក្រោម​នយោបាយ​ឈ្នះ​ឈ្នះ​របស់​សម្តេច​តេ​ជោ និង​អនុវត្ត​តាម​អនុសាសន៍​ដ៏​ខ្ពង់ខ្ពស់​របស់​សម្តេច​ក្នុង​ការ​ផ្តល់​កម្មសិទ្ធិ​ជូន​ប្រជាពលរដ្ឋ​ក្រីក្រ​ពិតប្រាកដ ឯកឧត្តម ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ​បាន​ដឹកនាំ​រៀបចំ​ចាត់ចែង​ការ​អនុវត្ត​ប្រកបដោយ​ប្រសិទ្ធភាព​ខ្ពស់​តាំងពី​ដំណាក់កាល​ចាប់ផ្តើម​រៀបចំ​នីតិវិធី រហូត​ឈាន​ដល់​ការ​រុះរើ​ដោយ​ស្ម័គ្រចិត្ត​ដែល​បងប្អូន​ប្រជាពលរដ្ឋ​ពេញចិត្ត​ទទួលយក ៕

អត្ថបទសរសេរ ដោយ

កែសម្រួលដោយ