រាជធានីភ្នំពេញ ៖ សម្ដេចតេជោ នាយករដ្ឋមន្ត្រីនៃព្រះរាជាណាចក្រកម្ពុជាបានបង្ហាញពីយុត្តិសាស្ត្រសំខាន់ក្នុងការទប់ស្កាត់ការរីករាលដាលជំងឺកូវី19 បានទទួលជោគជ័យទៅកាន់ពិភពលោក ។ ការបង្ហាញយុទ្ធសាស្ត្ររបស់ប្រមុខរដ្ឋាភិបាលកម្ពុជានេះ គឺក្នុងឱកាសទិវាប្រជាជនពិភពលោកលើកទី 31 ថ្ងៃទី 11 ខែកក្កដាឆ្នាំ 2020 ។
ក្នុងសារលិខិតសម្តេចតេជោបានសរសេរថា ជំងឺឆ្លងកូរីដ-១៩ នៅតែបង្កើនការវាយលុកទៅលើពិភពលោកយ៉ាងខ្លាំង និងមិនទាន់បង្ហាញឱ្យឃើញនូវសញ្ញាធូរស្រាលណាមួយឡើយ សុខភាពសាធារណៈសកលនឹងជួបវិបត្តិកាន់តែខ្លាំងឡើង និងធ្វើឱ្យប៉ះពាល់ដល់សេដ្ឋកិច្ចសង្គមយ៉ាងធ្ងន់ធ្ងរ ។ ប៉ះពាល់នេះប្រទេសទាំងអស់នៅលើពិភពលោកបាន និងកំពុងទទួលរងនូវផលដែលតម្រូវឱ្យរដ្ឋាភិបាលនៃប្រទេសទាំងឡាយរៀបចំកែសម្រួលនូវគោលនយោបាយ និងយុទ្ធសាស្ត្ររៀងៗខ្លួនស្របតាមស្ថានភាពជាក់ស្តែងរបស់ប្រទេសនីមួយៗ ។
សម្តេចបញ្ជាក់ថា« ក្នុងការឆ្លើយតបនឹងការរីករាលដាលនៃជំងឺកូវីដ -១៩នេះ រាជរដ្ឋាភិបាលកម្ពុជាបានដាក់ចេញនូវយុទ្ធសាស្ត្រ និងវិធានការច្បាស់លាស់ ព្រមទាំងបាន និងកំពុងអនុវត្តយ៉ាងម៉ឺងម៉ាត់ ដើម្បីការពារសុខុមាលភាព ប្រជាជន ដែលជាលទ្ធផលយើងទទួលបានជោគជ័យ ។
ជាក់ស្តែងគិតត្រឹមថ្ងៃទី៥ ខែកក្កដា ឆ្នាំ២០២០ ប្រទេសកម្ពុជាមានករណីឆ្លងជំងឺកូវីជ-១៩ចំនួន១៤១នាក់បានព្យាបាលជាសះស្បើយចំនួន១៣១នាក់ កំពុងសម្រាកព្យាបាលចំនួន១០នាក់ និងមិនមានករណីអ្នកស្លាប់ទេ» ។
សម្តេចបន្តថា ជាមោទនភាពសម្រាប់ប្រជាជនកម្ពុជាទូទាំងប្រទេសដែលបានសម្តែងនូវស្មារតីសាមគ្គីភាព តាមរយៈវប្បធម៌នៃការចែករំលែកគ្នាក្នុងគ្រាលំបាកតាមរយៈការចូលរួមបរិច្ចាគថវិកាផ្ទាល់ខ្លួនជាមួយនឹងគណៈកម្មការជាតិប្រយុទ្ធ និងជំងឺកូវីដ-១៩ (COViD-I9) ដែលត្រូវបានបង្កើតនៅថ្ងៃទី១៨ ខែមីនា ឆ្នាំ២០២០ ។
ជាក់ស្តែង គិតត្រឹមសប្តាហ៍ទីមួយនៃខែកក្កដា ឆ្នាំ២០២០ ថ្នាក់ដឹកនាំមន្ត្រីរាជការស៊ីវិល កងកម្លាំងប្រដាប់អាវុធ អាជីវករ និងប្រជាពលរដ្ឋ ចំនួនជិត៨ម៉ឺននាក់ បានចូលរួមវិភាគទានប្រាក់បៀវត្សនិងប្រាក់ចំណូលផ្ទាល់ខ្លួនដោយស្ម័គ្រចិត្ត ជូនដល់មូលនិធិប្រយុទ្ធប្រឆាំងនឹងជំងឺភូវីដ-១៩ ដោយមានទឹកប្រាក់សរុបកើនដល់ជិត៤២ពាន់លានរៀល ឬប្រហាក់ប្រហែលជាង១០លានដុល្លារសហរដ្ឋអាមេរិក ។
សម្តេចក៏បានលើកឡើងថា ជាមួយគ្នានេះដែរ ក្នុងវិស័យសង្គមកិច្ច រាជរដ្ឋាភិបាលកម្ពុជាបានបន្តជំរុញអនុវត្តគោលនយោបាយគាំពារសង្គម និងបានដាក់ចេញវិធានការអន្តរាគមន៍ជំនួយសង្គមបន្ថែមទៀតសំដៅជួយសម្រាលការលំបាក និងលើកកម្ពស់ជីវភាពរស់នៅរបស់ប្រជាជនដែលមានជីវភាពក្រីក្រ ជាពិសេសស្ត្រីនិងក្មេងស្រី នៅក្នុងពេល មានវិបត្តិនៃជំងឺ វីដ-១៩ ដូចជា ការឧបត្ថម្ភចំពោះកម្មការិនីដែលជាស្ត្រីមានផ្ទៃពោះ និងគ្រួសារដែលមានជីវភាព ក្រីក្រ ការបង្កើនមូលធនថវិកា «សាច់ប្រាក់ពលកម្ម» ដើម្បីជួយដល់កម្មករនិយោជិតដែលបានព្យួរការងារ អំឡុងពេលដែលរោងចក្រសហគ្រាស គ្រឹះស្ថាន ក្នុងវិស័យកាត់ដេរ និងទេសចរណ៍មួយចំនួនបានធ្វើ ដំណើរការ និងកម្មវិធីជំនួយសង្គមថ្មីមួយទៀត ដែលជាកម្មវិធីជំនួយសង្គមពិសេស គឺ កម្មវិធីឧបត្ថម្ភ សាច់ប្រាក់ជូនគ្រួសារក្រីក្រនិងងាយរងគ្រោះ ក្នុងអំឡុងពេលជំងឺកូវីដ-១៩»ដែលបានប្រកាសឱ្យដំណើរការ ជាផ្លូវការកាលពីថ្ងៃទី២៤ ខែមិថុនា ឆ្នាំ២០២០កន្លងទៅនេះ និងជនងាយរងគ្រោះទទួលបានប័ណ្ណសមធម៌ (ក្រ-១ និង ក្រ-២) ។ សំដៅជួយដល់ប្រជាជនដែលមានជីវភាពក្រីក្រ ។
សម្តេចក៏បានលើកឡើងថា នៅក្នុងវិស័យសេដ្ឋកិច្ច រាជរដ្ឋាភិបាលបានដាក់ចេញវិធានការអន្តរាគមន៍ចំនួន៤ជុំរួមកហើយ ដែលវិធានការអន្តរាគមន៍ទាំងនោះមានដូចជា ការអនុគ្រោះពន្ធ ការអនុញ្ញាតមិនឱ្យបង់ប្រាក់វិភាគទានធានារ៉ាប់រង ហានិភ័យការងារនិងថែទាំសុខភាព ការផ្តល់ភាពអនុគ្រោះលើលក្ខខណ្ឌឥណទាន ការបង្កើនសន្ទនីយភាពនៅ ក្នុងទីផ្សារ ការផ្តល់ប្រាក់ឧបត្ថម្ភរយៈពេល២ខែសម្រាប់កម្មករ បុគ្គលិក ក្នុងវិស័យកាត់ដេរនិងទេសចរណ៍ ការរៀបចំកម្មវិធីហិរញ្ញប្បទានពិសេសដើម្បីជួយស្តារលទ្ធភាពនិងលើកកម្ពស់អាជីវកម្មសហគ្រាសធុនតូចនិង មធ្យម ការរៀបចំវគ្គបណ្តុះបណ្តាលជំនាញ និងការរៀបចំគម្រោងហិរញ្ញប្បទានសម្រាប់ទុនបង្វិលដើម្បីបំពេញ តម្រូវការរបស់រោងចក្រ សហគ្រាស និងអាជីវកម្មទាំងអស់៕
ចែករំលែកព័តមាននេះ