Lanikai Beach គឺជាឆ្នេរខ្សាច់ឋានសួគ៌មានខ្សាច់ពណ៌ស និងលម្អដោយទឹកសមុទ្រពណ៌ខៀវថ្លាយង់ស្រស់ប្រណីត ។
ឆ្នេរខ្សាច់ Lanikai Beach មានទីតាំងស្ថិតនៅក្នុងសមុទ្រ Lanikai មានន័យថា សមុទ្រឋានសួគ៌ក្បែរតំបន់ Kailua
Lanikai Beach គឺជាឆ្នេរខ្សាច់ឋានសួគ៌មានខ្សាច់ពណ៌ស និងលម្អដោយទឹកសមុទ្រពណ៌ខៀវថ្លាយង់ស្រស់ប្រណីត ។
ឆ្នេរខ្សាច់ Lanikai Beach មានទីតាំងស្ថិតនៅក្នុងសមុទ្រ Lanikai មានន័យថា សមុទ្រឋានសួគ៌ក្បែរតំបន់ Kailua កោះ Oahu រដ្ឋហាវ៉ៃ សហរដ្ឋអាមេរិក ។
ឆ្នេរខ្សាច់ដែលមានប្រវែងត្រឹមតែ០,៨គីឡូម៉ែត្រនេះ ត្រូវបានចាត់ថា្នក់ក្នុងបញ្ជីឆ្នេរខ្សាច់ល្អដាច់គេក្នុងចំណោមឆ្នេរខ្សាច់ផ្សេងទៀតនៅលើពិភពលោក ។ ឆ្នេរខ្សាច់ Lanikai ជាប្រភេទទីលំហែកាយបម្រើជូនសាធារណជនកម្សាន្តដូចជា ការដេកហាលថ្ងៃ ជិះស្គី ហែលទឹក និងសកម្មភាពកម្សាន្តជាច្រើនទៀត ។
ឆ្នេរខ្សាច់ Lanikai ពុំមានទីតាំងធំទូលាយសម្រាប់អ្នកទេសចរចតយានយន្តទេ ។ កាលពីថ្ងៃទី១ កក្កដា ២០១៤ ការផាកពិន័យចំពោះការចតយានយន្តបានកើនឡើងពី៣៥ដុល្លារ ទៅ២០០ដុល្លារ ដើម្បីជំរុញឱ្យអ្នកទេសចរទាំងអស់រក្សាការចតឱ្យមានសណ្តាប់ធ្នាប់ ពោលគឺកុំចតក្នុងតំបន់កម្សាន្តដែលស្ថិតក្បែរឆ្នេរខ្សាច់នោះ ។
ចំនួនអ្នកទេសចរនៅថ្ងៃធម្មតាមិនច្រើនដូចថ្ងៃចុងសប្តាហ៍ និងក្នុងពិធីបុណ្យ ផ្សេងៗ ទេ ។ ក្នុងរដូវក្តៅ និងរដូវត្រជាក់ អ្នកទេសចរតែងតែទៅថតទេសភាពសមុទ្រ ថ្ងៃលិច ថ្ងៃរះ ព្រះចន្ទពេញវង់ ។
កោះ Na Mokulua ជាកន្លែងដែលសម្បូរនារីស្លៀកឈុតប៊ីគីនីស្រស់ស្អាត ៕
ចែករំលែកព័តមាននេះ