ADផ្ទាំងផ្សព្វផ្សាយពាណិជ្ជកម្ម

Picture

សង់​របង​ចំ​កណ្តាលផ្លូវ​​…​ព្រោះ​ស្តាយ​​បាត់ដី

3 ឆ្នាំ មុន
  • សៀមរាប

ខេត្តសៀមរាប ៖ អាជ្ញាធរ​ស្រុក​សូទ្រនិគម បាន​សហការ​គ្នា​ជាមួយ​ម្ចាស់​ដី ស្ម័គ្រចិត្ត​រុះរើ​របង​ដែល​ខ្លួន​ធ្វើ​រំលោភ​លើ​ផ្លូវ ចេញពី​កណ្តាល​ទ្រូងផ្លូវ​វិញ ។ នេះ​ជា​បាតុភាព​ថ្មី​មួយ​ដែល​ករណី​បែប​នេះ​ធ្លាប់​កើត​មាននៅ​ខេត្តកំពង់ឆ្នាំងដែល​ធ្វើ​របង​ព័ទ្ធ​ដី​របស់​ខ្លួន លេប​អស់​ផ្លូវលំ​ពាក់កណ្តាល និង​បាន​ធ្វើការ​ដោះស្រាយ​ក្រោយ​ពី​មានការ​ភ្ញាក់ផ្អើល…

ខេត្តសៀមរាប ៖ អាជ្ញាធរ​ស្រុក​សូទ្រនិគម បាន​សហការ​គ្នា​ជាមួយ​ម្ចាស់​ដី ស្ម័គ្រចិត្ត​រុះរើ​របង​ដែល​ខ្លួន​ធ្វើ​រំលោភ​លើ​ផ្លូវ ចេញពី​កណ្តាល​ទ្រូងផ្លូវ​វិញ ។ នេះ​ជា​បាតុភាព​ថ្មី​មួយ​ដែល​ករណី​បែប​នេះ​ធ្លាប់​កើត​មាននៅ​ខេត្តកំពង់ឆ្នាំងដែល​ធ្វើ​របង​ព័ទ្ធ​ដី​របស់​ខ្លួន លេប​អស់​ផ្លូវលំ​ពាក់កណ្តាល និង​បាន​ធ្វើការ​ដោះស្រាយ​ក្រោយ​ពី​មានការ​ភ្ញាក់ផ្អើល ។

ពេល​នេះ​ក៏​ដូច​គ្នា​ដែរ តែ​ក៏​បាន​ដោះស្រាយ​រួច​ហើយ​ដែរ ក្រោយ​ពេល​មាន​ប្រតិកម្ម ។
ហេតុការណ៍​រុះរើ​នេះ​ធ្វើ​ឡើង​នៅ​វេលា​ម៉ោង​២​រសៀល​ថ្ងៃ​ទី​៤ ខែកក្កដា ឆ្នាំ​២០២០ ស្ថិត​នៅ​ក្នុងភូមិ​គោក​មន ឃុំ​ដំ​ដែក ស្រុក​សូទ្រនិគម ខេត្តសៀមរាប ។ លោក ផា​ន់ សាយ មេឃុំ​ដំ​ដែក​បាន​ឲ្យ​ដឹង​ថា ម្ចាស់​ដី​ដែល​ធ្វើ​របង​នោះ​មានឈ្មោះ ធៀ​ម សុ​ន និង​ប្រពន្ធ​ឈ្មោះ វៃ ណា ជា​អ្នក​រស់នៅ​ភូមិ​គោក​មន ឃុំ​ដំ​ដែក ស្រុក​សូទ្រនិគម ខេត្តសៀមរាប

ពួក​គាត់​បាន​យល់ព្រម​ជាមួយ​អាជ្ញាធរ​និង​បាន​រុះរើ​របង​នោះ​ចេញ​វិញ​ហើយ ។លោក ​បន្ត​ថា ករណី​នេះ​លោក​បាន​ស្នើ​ឲ្យ​ម្ចាស់​ដី​មានការ​ដោះស្រាយ​គ្នា​ទៅ​តាម​ច្បាប់ ហើយ​ការ​ធ្វើ​ផ្លូវ​នេះ គឺ​មន្ត្រី​សុរិយោដី​ស្រុក​និង​ខេត្ត​បាន​បិទ​ប្រកាស​ទុក​ពេល​ឲ្យ​ប្តឹង​ក្នុង​រយៈពេល​១​ខែ ប្រ​សិន​មាន​ប៉ះពាល់​ពារ​លើ​ដី​អ្នក​ណាមួយ ។

ប៉ុន្តែ​មិនដឹង​យ៉ាងម៉េច​បានជា​ពួក​គាត់​មក​បោះបង្គោល​ធ្វើ​របង​យក​ចំពាក់​កណ្តាលផ្លូវ​សាធារណៈ​ដោយ​មិន​ប្រាប់​អាជ្ញាធរ​។ ទោះជា​យ៉ាងណា​លោក​បាន​ព្យាយាម​ពន្យល់​ដល់​គាត់​ឲ្យ​យល់​ពី​ច្បាប់​បន្ថែម​ទៀត ព្រោះ​ដី​តំបន់​នេះ​មិន​ទាន់​មានកម្ម​សិទ្ធិ​ជា​ប្រព័ន្ធ​នៅឡើយ​ទេ ។

លោក ម៉ក់ ប្រុស អភិបាលស្រុក​សូទ្រនិគម​បាន​ឲ្យ​ដឹង​ថា ក្នុង​ករណី​ដែល​គេ​បង្ហោះ​ហ្វេ​សបុ​៊​ក​នោះ លោក​បាន​ឲ្យ​ក្រុមការងារ​ចម្រុះ ចុះ​ពិនិត្យ​ដល់​កន្លែង​កើតហេតុ និង​បាន​ដក​បង្គោលរបង​ដែល​បោះ​នៅ​លើ​ផ្លូវ​នោះ​ចេញ​វិញ​អស់ហើយ ។ លោក​បន្ត​ថា ការ​ដែល​ម្ចាស់​ដី​មក​បោះ​បង្គោលរបង​នៅ​លើ​ផ្លូវ​នេះ គឺ​មក​ពី​គាត់​ខ្លាច​បាត់ដី​គាត់ ព្រោះ​គោល ការណ៍​ពង្រីក​ផ្លូវ ត្រូវ​បើក​១៥​ម៉ែត្រ​គឺ​ធ្វើ​ជា​លក្ខណៈ​ប្រព័ន្ធ ។

អុ​ី​ចឹ​ង​ហើយ​បានជា​គាត់​ភ័យ និង​បាន​មក​បោះបង្គោល​ធ្វើ​របង​ក្នុង​បំណង​ការពារ​ដី​របស់​ខ្លួន ដោយ​មិន​បាន​ប្រាប់​អាជ្ញាធរ​ឲ្យ​បានដឹង ។ លោក​បន្ត​ថា ការ​ដែល​អាជ្ញាធរ​ពង្រីក​ផ្លូវ​គឺ​ដើម្បី​ផលប្រយោជន៍​រួម តែបើ​បងប្អូន​ណា​មិន​ពេញចិត្ត អាច​ទៅ​ដាក់​ពាក្យបណ្តឹង​នៅ​ឃុំ​ឬ​ស្រុក​បាន ។

លោក​សំណូមពរ​ឲ្យ​បងប្អូន​នៅ​ក្នុង​បណ្តាញ​សង្គម និង​អាជ្ញាធរ​ជ្រាប​ជា​ដំណឹង និង​សុំ​កុំ​ឲ្យ​យល់​ច្រ​លំ​តទៅ​ទៀត ព្រោះ​ករណី​នេះ​អាជ្ញាធរ​ស្រុក​សូទ្រនិគម បាន​ប្រឹងប្រែង​សម្របសម្រួល​ឲ្យ​បាន​ចប់​សព្វគ្រប់​អស់ហើយ ។ ក្នុង​នោះ​អាជ្ញាធរ​និង​មាន​វិធានការ​ឲ្យ​ពលរដ្ឋ​យល់ព្រម​ទទួលយក​ទាំង​សងខាង ដោយ​មិន​លម្អៀង​នោះ​ឡើយ ។

គួរ​បញ្ជាក់​ផង​ដែរ​ថា ករណី​ខាងលើ​នេះ​ត្រូវ​បាន​បណ្តាញ​សង្គម​ហ្វេ​សបុ​៊​ក និង​សារព័ត៌ មាន​មួយ​ចំនួន​បាន​រិះគន់​យ៉ាង​ខ្លាំង​មក​លើ​អាជ្ញាធរ​ដែល​បណ្តែតបណ្តោយ​ឱ្យ​កើត​មាន​បញ្ហា​បែប​នេះ ។ ប៉ុន្តែ​ពេល​នេះ​អាជ្ញាធរ​បាន​ចុះ​ធ្វើ​ការងារ​នេះ​រួច​ស្រេច​ហើយ ពុំ​មាន​បាតុភាព​កើតឡើង​ទេ គឺ​បាន​ស្រុះស្រួល​គ្នា​ឈ្នះ ឈ្នះ​ទាំង​សងខាង ៕

អត្ថបទសរសេរ ដោយ