រាជធានីភ្នំពេញ ៖ ថ្មីៗមហាជនពិតជាភ្ញាក់ផ្អើលយ៉ាងខ្លាំង បន្ទាប់ពីបានឃើញព្រះភ័ក្ត្រខ្សែរាជវង្សមួយព្រះអង្គនៅលើបណ្តាញសង្គមដែលមានរូបសម្រស់ស្រស់សោភា និងទើបបញ្ចប់ការសិក្សានៅក្រៅប្រទេស ។ បងប្អូនសាធារណជនស្ងើចសរសើរមិនដាច់ពីមាត់អំពីរូបសម្រស់របស់ព្រះអង្គម្ទាស់ក្សត្រី នរោត្តម ពង្សសូរិយា ដែលមានស្នាមញញឹមផ្អែមស្រទន់ស្រស់…
រាជធានីភ្នំពេញ ៖ ថ្មីៗមហាជនពិតជាភ្ញាក់ផ្អើលយ៉ាងខ្លាំង បន្ទាប់ពីបានឃើញព្រះភ័ក្ត្រខ្សែរាជវង្សមួយព្រះអង្គនៅលើបណ្តាញសង្គមដែលមានរូបសម្រស់ស្រស់សោភា និងទើបបញ្ចប់ការសិក្សានៅក្រៅប្រទេស ។ បងប្អូនសាធារណជនស្ងើចសរសើរមិនដាច់ពីមាត់អំពីរូបសម្រស់របស់ព្រះអង្គម្ទាស់ក្សត្រី នរោត្តម ពង្សសូរិយា ដែលមានស្នាមញញឹមផ្អែមស្រទន់ស្រស់ ហើយព្រះនាងមានសមត្ថភាពចំណេះវិជ្ជាខ្ពង់ខ្ពស់ថែមទៀត។
ព្រះអង្គម្ទាស់ក្សត្រី នរោត្តម ពង្សសូរិយា ត្រូវជាព្រះរាជនត្តា ( ចៅស្រី ) នៃព្រះករុណា ព្រះបរមរតនកោដ្ឋ និងត្រូវជាព្រះភាគិនេយ្យា (ក្មួយស្រី) នៃព្រះករុណា ព្រះមហាក្សត្រនរោត្តម សីហមុន្នី។ កាលពីពេលថ្មីៗនេះ ព្រះនាង ពង្សសូរិយា ទើបតែបញ្ចប់ការសិក្សាយ៉ាងជោគជ័យ ទៅលើថ្នាក់បរិញ្ញាប័ត្រ ជំនាញនយោបាយអន្តរជាតិ នៅឯសកលវិទ្យាល័យ University of International Business and Economics រដ្ឋធានីប៉េកាំង សាធារណរដ្ឋប្រជាមានិតចិន ដែលជាសេចក្តីអបអសាទរមួយទៅដល់ព្រះនាង ក៏ដូចជាមហាជនផងដែរ។
ជាការពិតណាស់ ដោយនៅក្នុងនោះមហាជនបានធ្វើការលើកឡើងពីសម្រស់ដ៏ល្អឯក និងស្រស់សោភាពីធម្មជាតិ ដែលស័ក្តសមជាខ្សែរាជវង្សឆ្នើមទទួលបានចំណេះដឹងខ្ពស់ ហើយជាពិសេសក៏បានជូនពរព្រះនាងអោយទទួលបានសុខភាពមាំមួន អោយសម្រេចបានការជោគជ័យគ្រប់ថ្នាក់សិក្សា កម្រិតខ្ពស់ៗជាច្រើនទៀត។
បន្ទាប់ពីមានការបង្ហោះសារជូនជាច្រើនថ្វាយទៅដល់ព្រះអង្គម្ទាស់ក្សត្រី នរោត្តម ពង្សសូរិយា ព្រះនាងក៏បានបង្ហោះសារតាមរយៈបណ្តាញសង្គមហ្វេសប៊ុកផ្ទាល់ខ្លួនវិញថា « បិទជំពូកមួយក្នុងជីវិតខ្ញុំ ហើយទន្ទឹងរង់ចាំបើកទំព័រថ្មី» ៕ (កែសម្រួលដោយ ៖ បុប្ផា)
ចែករំលែកព័តមាននេះ