ADផ្ទាំងផ្សព្វផ្សាយពាណិជ្ជកម្ម

Picture

លទ្ធផល​កិច្ច​ប្រ​តិ​បត្ត​ការប្រចាំឆមាស​ទី​១ និង​ការលើកទិសដៅឆមាសទី២

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ កាលពី​ព្រឹក​ថ្ងៃ​ទី​៣ ​កក្កដា ​នៅ​សាល​ប្រជុំ​អគ្គស្នងការដ្ឋាន​នគរបាល​ជាតិ មាន​បើក​កិច្ចប្រជុំ​បូក​សរុប​លទ្ធផល​កិច្ច​ប្រ​តិ​បត្ត​ការ ប្រចាំឆមាស​ទី​១ និង​ដាក់​ចេញ​ទិស​ដៅ​ការងារ​ប្រ​ឆាំ​ឆមាស​ទី​២ ឆ្នាំ ២០២០…

រាជធានី​ភ្នំពេញ ៖ កាលពី​ព្រឹក​ថ្ងៃ​ទី​៣ ​កក្កដា ​នៅ​សាល​ប្រជុំ​អគ្គស្នងការដ្ឋាន​នគរបាល​ជាតិ មាន​បើក​កិច្ចប្រជុំ​បូក​សរុប​លទ្ធផល​កិច្ច​ប្រ​តិ​បត្ត​ការ ប្រចាំឆមាស​ទី​១ និង​ដាក់​ចេញ​ទិស​ដៅ​ការងារ​ប្រ​ឆាំ​ឆមាស​ទី​២ ឆ្នាំ ២០២០ របស់​មន្ទីរ​ប្រឆាំង​គ្រឿងញៀន និង​ពិធី​បំពាក់​ឋានន្តរស័ក្តិ ដល់​នាយ​-​នាយ​រង​នគរបាល​ជាតិ​ចំនួន​៥៩​រូប ក្រោម​អធិបតីភាព នាយ​ឧត្តមសេនីយ៍ ម៉ក់​ជី​តូ អគ្គស្នងការ​រង​ទទួល​ផែន​ប្រឆាំង​បទល្មើស។

គ្រឿងញៀន តំណាង​របស់​នាយ​ឧត្តមសេនីយ៍ សន្តិ​បណ្ឌិត នេ​ត សា​វឿ​ន អគ្គស្នងការ​នគរបាល​ជាតិ ។ កិច្ចប្រជុំ​នោះ​ក៏​មានការ​ចូលរួម​ពី​ឧត្តមសេនីយ៍ ឯក ឡឹ​ក វណ្ណៈ នាយក​មន្ទីរ​ប្រឆាំង​បទល្មើស​គ្រឿងញៀន និង​តំណាង​ឲ្យ អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន សេនាធិការដ្ឋាន នៃ​អគ្គស្នងការដ្ឋាន​នគរបាល​ជាតិ នាយកដ្ឋាន​នគរបាល​យុត្តិធម៌ នាយករង​មន្ទីរ លោកនាយ​ការិយាល័យ​ទាំង​១១​ចំណុះ​មន្ទីរ លោកនាយ​ការិយាល័យ​ប្រឆាំង​គ្រឿងញៀន និង​លោកស្នងការ​រង​ទទួល​ផែន មក​ពី​២៥​ខេត្ត​-​រាជធានី សរុប​១៤១ រូប​ផង​ដែរ ។

នាយ​ឧត្តមសេនីយ៍ ម៉ក់ ជី​តូ អគ្គស្នងការ​រង​នគរបាល​ជាតិ បាន​ថ្លែង​ក្នុង​កិច្ចប្រជុំ​បូក​សរុប​លទ្ធផល កិច្ច​ប្រតិបត្តិការ​ប្រចាំឆមាស​ទី​១ និង​ដាក់​ចេញ​ទិស​ដៅ​ការងារ​ប្រចាំឆមាស​ទី​២ ឆ្នាំ​២០២០ និង​ផ្សព្វផ្សាយ​ផែនការ​អនុវត្ត ស្តី​ពី​ការងារ​ប្រឆាំង​ការ​សម្អាត​ប្រាក់ បាន​មក​ពី​បទល្មើស​គ្រឿងញៀន និង​បាន​ផ្តល់​អនុសាសន៍​ដឹកនាំ​ដូច​ខាងក្រោម ៖

គ្រឿងញៀន គឺជា​បញ្ហា​សកល និង​ជា​បទឧក្រិដ្ឋ​ឆ្លង​ដែន ដែល​ពិភពលោក​ទាំងមូល​កំពុង​ប្រឈម​មុខ​យ៉ាង​ស្រួច​ស្រាវ ដូច្នេះ​រាជរដ្ឋាភិបាល ក្រោម​ការ​ដឹកនាំ​របស់ សម្តេច​តេ​ជោ​ហ៊ុន សែន នាយ​រដ្ឋមន្ត្រី​កម្ពុជា បាន​ដាក់​ចេញ​យុ​ទ្ឋ​នា​ការ​ប្រ​យុ​ទ្ឋ​ប្រឆាំង​គ្រឿងញៀន​ខុសច្បាប់​ទូ​ទាំង​ប្រទេស ដើម្បី​លុប​បំបាត់​គ្រឿងញៀន ។
យុទ្ធនាការ​ប្រ​យុ​ទ្ឋ​ប្រឆាំង​គ្រឿងញៀន គឺជា​ចលនា​ជាតិ​មួយ ដែល​មានការ​ចូលរួម​ពី​គ្រប់​ភាគី និង​ជា​ពិសេស​ប្រជា​ពល​នៅ​ក្នុង​សហគមន៍ ពេល​ដឹង​ថា​កូនចៅ​មាន​ជក់​គ្រឿងញៀន ត្រូវ​រាយការណ៍​មក​សមត្ថកិច្ច ដើម្បី​ចាត់​វិធាន ការ​តាម​ផ្លូវច្បាប់ ។

នាយ​ឧត្តមសេនីយ៍ ម៉ក់ ជី​តូ បានការ​កោតសរសើរ និង​លើកទឹកចិត្ត​ឲ្យ​នគរបាល​បង្ក្រាប​គ្រឿង ខិតខំ​បំពេញភារកិច្ច​របស់​ខ្លួន​ឲ្យ​បាន​ប្រសើរ និង​មាន​ប្រសិទ្ធភាព​បន្ថែម​ទៀត ថ្វី​ត្បិត​កិច្ចការ​នេះ វា​ប្រឈម​នឹង​គ្រោះថ្នាក់​យ៉ាងណា​ក៏​ដោយ ។លោក​ឧត្តម​សេនី​ឯក ឡឹ​ក វណ្ណៈ នាយក​មន្ទីរ​ប្រឆាំង​គ្រឿងញៀន​បាន​ថ្លែង​ឲ្យ​ដឹង​ដែរ​ថា កិច្ច​បង្ក្រាប​សម្រាប់​មន្ទីរ​ប្រឆាំង​គ្រឿងញៀន នៅ​ក្នុង​ឆមាស​ទី​១ បាន​ចំនួន​៤៣៤៧​ករណី ឃាត់ខ្លួន​មនុស្ស​ចំនួន​៨៤៨៤ នាក់ នឹង​ចាប់​យក​វត្ថុ​តាង​ថ្នាំ​ញៀន​បាន​ចំនួន​ជាង​២៩៩​គីឡូ ក្រាម ។

ចំណែក​របាយ​ការ​របស់​គណៈកម្មការ​ប្រយុទ្ធ​ប្រឆាំង​គ្រឿងញៀន​វិញ បាន​ឲ្យ​ដឹង​ដែរ​ថា យុទ្ធនាការ​ទូ​ទាំង​ប្រទេស ដែល​មានការ​ចូលរួម​ដោយ​កងកម្លាំង​នគរបាល​ជាតិ នឹង​កង​រាជ​អាវុធ ក្នុង​ឆមាស​ទី​១​នេះ បាន​ធ្វើការ​បង្ក្រាប​ករណី​ពាក់​ពន្ធ​គ្រឿងញៀន​សរុប​ចំនួន ៥ ៣៤០ ករណី ឃាត់ខ្លួន​មនុស្ស​បាន​ចំនួន ១០ ៥១២ នាក់ រឹបអូស​ថ្នាំ​ញៀន​បាន​ចំនួន​ជាង ២៥០​គីឡូក្រាម (​ចំនួន​ថ្នាំ​ញៀន​ខុស​ពី​តួលេខ​មន្ទីរ​ប្រឆាំង​គ្រឿងញៀន​បន្តិច ដោយសារ​មិន​ទាន់​បូក​ចូល​ទើប​បង្ក្រាប​ថ្មី​) ។ ក្នុង​ចំណោម​ជនសង្ស័យ​ដែល​ត្រូវ​ឃាត់ខ្លួន​១០ ៥១២​នាក់ នេះ មាន​ស្ត្រី ៦៤៧ នាក់ ជនបរទេស​ចំនួន ១៣៨ នាក់ នឹង​មាន​៧ សញ្ជាតិ ។

សម្រាប់​ករណី​ជួញដូរ រក្សា​ទុក កែ​ឆ្នៃ ចាត់ចែង និង​ដាំ​ដុះ បង្ក្រាប​បាន​ចំនួន ៣៣៩៥ ករណី ឃាត់​មនុស្ស​៦៣៧៨​នាក់ (​ស្ត្រី ៤៩៦​នាក់​) និង​ករណី​ប្រើប្រាស់​ចំនួន ១៩៤៥​ករណី ឃាត់​មនុស្ស​៤២៣៤​នាក់ (​ស្ត្រី ១៥១​នាក់​)​។ អនុវត្ដន៍​ដីកា​មាន​ចំនួន ២១៨ ដីកា ឃាត់ខ្លួន​មនុស្ស​ចំនួន ២០២​នាក់ (​ស្ត្រី​៥​នាក់​) ។
សម្រាប់​សារធាតុ​ញៀន​គ្រប់​ប្រភេទ ដែល​រឹបអូស​បាន​មាន​ចំនួន​ជាង ២៥៧​គីឡូក្រាម និង ១០៦៦ កញ្ចប់​តូច កញ្ឆា​ចំនួន ១៨១ ៩៤២ ដើម និង​២៦៦​គីឡូក្រាម ។ សម្ភារ​ចាប់​យក​មាន​រថយន្ដ​៤៩ គ្រឿង ម៉ូតូ​១១៧៩ គ្រឿង ទូរស័ព្ទ​៣៤៩៩ គ្រឿង ជញ្ជីង​២១៨ គ្រឿង អាវុធ​ខ្លី​៧ ដើម អាវុធ​វែង​១៧ ដើម ៕

អត្ថបទសរសេរ ដោយ