ត្រឹម​២​ថ្ងៃ មាន​មធ្យោបាយ​ល្មើស​២,៥៨៦​គ្រឿង​ភាគច្រើន​ជា​ម៉ូតូ


រាជធានី​ភ្នំពេញ ៖ របាយការណ៍​ពី​នាយកដ្ឋាន​នគរបាល​ចរាចរណ៍ និង​សណ្តាប់ធ្នាប់​សាធារណៈ បានឱ្យ​ដឹង​ថា ក្នុង​រយៈពេល​០២​ថ្ងៃ (​ចាប់ពី​ថ្ងៃ​០១ ដល់​ថ្ង​ទី​០២ ខែកក្កដា​) ការ​រឹត​បន្ដឹង​ការ​អនុវត្ត​ច្បាប់​ស្ដី​ពី​ចរាចរណ៍​ផ្លូវគោក រក​ឃើញ​មធ្យោបាយ​ល្មើស​សរុប​ចំនួន ២,៥៨៦​គ្រឿង ក្នុង​នោះ​មាន​ម៉ូតូ​ចំនួន ១,៩៥០​គ្រឿង ត្រូវ​បាន​ផាកពិន័យ​តាម​អនុក្រឹត្យ​លេខ​៣៩ អន​ក្រ​.​បក នៅ​ទូ​ទាំង​ប្រទេស ។

របាយការណ៍​បាន​បន្ត​ថា ដោយឡែក​គិត​ត្រឹម ថ្ងៃ​ទី​០២ ខែកក្កដា ឆ្នាំ​២០២០​នេះ ការ​រឹត​បន្ដឹង​ច្បាប់​ស្ដី​ពី​ចរាចរណ៍​ផ្លូវគោក រក​ឃើញ​មធ្យោបាយ​ល្មើស​សរុប​ចំនួន ១,៣៤៨​គ្រឿង ក្នុង​នោះ​មាន​ម៉ូតូ​ចំនួន ៩៩៧​គ្រឿង ត្រូវ​បាន​ផាកពិន័យ​តាម​អនុក្រឹត្យ​លេខ​៣៩.​អន​ក្រ​.​បក នៅ​ទូ​ទាំង​ប្រទេស ។

របាយការណ៍​ដដែល​បាន​វាយតម្លៃ​រយៈពេល​០២​ថ្ងៃ នៃ​ខែកក្កដា​នេះ ឃើញ​ថា ការ​អនុវត្ត​តាម​អនុក្រឹត្យ​ថ្មី​ក្នុង​ការ​ផាកពិន័យ​យានយន្ត​ល្មើស បាន​ដំណើរការ​ទៅ​យ៉ាង​ល្អ​ប្រសើរ ទទួល​បានការ​គាំទ្រ ពិសេស​អ្នក​ប្រើប្រាស់​ផ្លូវ​ទាំងអស់ បាន​ចូលរួម​គោរព​ច្បាប់​ចរាចរណ៍ យ៉ាង​ល្អ​ប្រសើរ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ