ដំរី​នៅ​កម្ពុជា និង​អាស៊ី​ទាំងមូល​កំពុង​រង​ការ​គំរាមកំហែង​ធ្ងន់ធ្ងរ


រាជធានី​ភ្នំពេញ ៖ ដំរី​អាស៊ី​កំពុង​រង​ការ​គំរាមកំហែង​ធ្ងន់ធ្ងរ​នៅ​ទូ​ទាំង​ដែន​ជម្រក​របស់​វា​ក្នុង​សកលលោក ហើយ​ត្រូវ​បាន ចាត់​បញ្ចូល​ជា​ប្រភេទ​ជិត​ផុត​ពូជ​នៅ​ក្នុង​បញ្ជី​ក្រហម​របស់​អង្គការ​សហភាព​អន្ដរជាតិ​ដើម្បី ការ​អភិរក្ស ធម្មជាតិ (IUCN)​។

នៅ​ក្នុង​ប្រទេស​កម្ពុជា ដំរី​អាស៊ី មាន​ចំនួន​ប្រមាណ ពី ៤០០ ទៅ​៦០០​ក្បាល ដែល​ភាគច្រើន​រស់ នៅ​ក្នុង​តំបន់​ជួរ​ភ្នំក្រវាញ​តំបន់​ខ្ពង់រាប​ខាងជើង​ទន្លេសាប និង​តំបន់​ខ្ពង់រាប​ភាគ​ខាង កើត​ក្នុង​ខេត្ត​មណ្ឌល​គី​រី ដែល​ជា​តំបន់ជីវៈ​ចម្រុះ​ដ៏​សម្បូរ​បែប​ប្រព័ន្ធ​អេកូ​ទ្បូ​ស៊ី និង​មាន​ទី​ជម្រាល​អំណោយផល ដល់​ការ​រស់នៅ​របស់​សត្វ​ដំរី និង​សត្វព្រៃ​ផ្សេង​ៗ​ទៀត​។ នេះ​បើ​យោង​តាម​ការ​ចុះ​ផ្សាយ​របស់​ក្រសួងបរិស្ថាន​នៅ​ថ្ងៃ​ទី ២ ខែកក្កដា ឆ្នាំ​២០២០​នេះ​។

ប្រភព​ដដែល​បាន​បញ្ជាក់​ថា «​ការ​រិច​រិល នៃ​ទីជម្រក​បាន​ធ្វើ​ឱ្យ​ដំរី​អាស៊ី​រស់ នៅ​បែកខ្ញែក​ពី​គ្នា និង​បង្ក​ជា​ឥទ្ធិពល​អវិជ្ជមាន​ដល់​ស្ថិរភាព របស់​ប្រភេទ​សត្វ​ដ៏​សំខាន់​នេះ​។ ម្យ៉ាងទៀត​គេ​ក៏​បាន​រក ឃើញ​ថា​កូន​ដំរីព្រៃ​កំពុង​ទទួល​រង​ការ​គំរាមកំហែង​ដោយសារ​ការ​ដាក់​អន្ទាក់ ដែល​សកម្មភាព​ទាំងនេះ ធ្វើ​ឱ្យ ប៉ះពាល់​ដល់​ការ​ស្តារ​ប្រភេទ​សត្វ​នេះ​ឡើង​វិញ​ដែរ »៕ ដោយ ៖ ស្រី គំនិត

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ