ខេត្តបន្ទាយមានជ័យ ៖ ប្រាសាទបន្ទាយឆ្មា និងប្រាសាទបន្ទាយទ័ព ត្រូវដើមជ្រៃដុះពីលើ ដូច្នេះមហាជនយល់ថា អាចបង្កមហន្តរាយដល់ប្រាសាទ ។ ចំពោះអ្នកជំនាញវិញអះអាងបែបណា ?
ខេត្តបន្ទាយមានជ័យ ៖ ប្រាសាទបន្ទាយឆ្មា និងប្រាសាទបន្ទាយទ័ព ត្រូវដើមជ្រៃដុះពីលើ ដូច្នេះមហាជនយល់ថា អាចបង្កមហន្តរាយដល់ប្រាសាទ ។ ចំពោះអ្នកជំនាញវិញអះអាងបែបណា ?
ប្រាសាទបន្ទាយឆ្មា និងប្រាសាទបន្ទាយទ័ព ស្ថិតក្នុងស្រុកថ្មពួក ខេត្តបន្ទាយមានជ័យ កសាងឡើងនៅចុងសតវត្សទី១២ ដោយព្រះបាទជ័យវរ្ម័នទី៧ ។ ប្រាសាទបន្ទាយឆ្មាមានបណ្តោយ៩០០ម៉ែត្រ និងទទឹង៨០០ម៉ែត្រ ។
ចំណែកប្រាសាទបន្ទាយទ័ពមានបណ្តោយ៨០០ម៉ែត្រ ទទឹង៦៥០ម៉ែត្រ ។ ប្រាសាទទាំង២នេះកសាងដោយថ្មភក់ និងថ្មបាយក្រៀមដូចគ្នា ។
ប្រាសាទបន្ទាយឆ្មារងការបាក់បែកស្ទើរទាំងស្រុងដោយជនល្មើសគាស់យកវត្ថុបុរាណក្នុងសម័យសង្គ្រាម និងខូចខាតដោយធម្មជាតិ។ ចំណែកប្រាសាទបន្ទាយទ័ពវិញក៏ខូចខាតខ្លាំងដែរ ។
លោកយ៉ង់ តាំងគួយ ប្រធានមន្ទីរវប្បធម៌ និងវិចិត្រសិល្បៈខេត្តបន្ទាយមានជ័យ កាលពីពេល ថ្មីៗនេះប្រាប់អ្នកយកព័ត៌មានកោះសន្តិភាពថា ប្រាសាទបន្ទាយឆ្មា និងប្រាសាទបន្ទាយទ័ព ក្រោយពេលរងការបំផ្លាញពីជនល្មើសក្នុងសម័យសង្គ្រាម និងបាក់បែកដោយគ្រោះធម្មជាតិមក ត្រូវបានការយកចិត្តទុកដាក់ពីរាជរដ្ឋាភិបាលកម្ពុជា ជួសជុលឡើងវិញដោយអភិរក្សដ្ឋានគម្រោងប្រាសាទ ។
ចំពោះប្រាសាទបន្ទាយឆ្មា និងប្រាសាទបន្ទាយទ័ព ដែលត្រូវដើមជ្រៃដុះពីលើនោះ លោកយ៉ង់ តាំងគួយ បញ្ជាក់ថា មន្ទីរជំនាញដូចជាគ្មានវិធានកាប់វាចេញ ឬបាញ់ថ្នាំសម្លាប់វាទេ ព្រោះអាចប៉ះពាល់ដល់ថ្ម ឬថ្មអាច
ជ្រុះបាក់បែកបាន ដូច្នេះហើយទើបទុករហូតដល់ពេលនេះ ៕
ចែករំលែកព័តមាននេះ