ADផ្ទាំងផ្សព្វផ្សាយពាណិជ្ជកម្ម

Picture

ផ្ទុះ​ច​ម្ង​ល់​ជុំវិញ​ថៅកែ​ឡេ​នៅ​វៀតណាម​ទិញ​ឡាន​ថ្លៃ​កប់​ពពក​តែ​ប្រើប្រាស់​ផ្លា​ក​លេខ​ពិសេស​កម្ពុជា

3 ឆ្នាំ មុន
  • ភ្នំពេញ

រាជធានី​ភ្នំពេញ​៖​ថ្មី​ៗ​នេះ​មានការ​ភ្ញាក់ផ្អើល​លើ​បណ្តាញ​សង្គម​យ៉ាង​ខ្លាំង បន្ទាប់​ពី​មាន​គណនី​ហ្វេ​ស​ប៊ុ​កមួយ​ដែល​គេ​ស្គាល់​ច្បាស់​ថា ថៅកែ​លក់​ឡេ​ធំ​មួយ​នៅ​ប្រទេស​វៀតណាម​បាន​ទិញ​រថយន្ត​ទំនើប​ជា​កាដូ​ដល់​ភរិយា​របស់​ខ្លួន តែ​អ្វី​ដែល​សំខាន់​សម្រាប់​អ្នកលេង​បណ្តាញ​សង្គម​នៅ​កម្ពុជា​នោះ មិនមែន​ចាប់អារម្មណ៍​លើ​រថយន្ត​ស្ព័​រ​តម្លៃ​កប់​ពពក​នោះ​ឡើយ ក៏​ប៉ុន្តែ គឺ​ផ្លា​ក​លេខ​ពិសេស​របស់​កម្ពុជា ដែល​បំពាក់​លើ​រថយន្ត​នោះ​ទៅ​វិញ​ទេ ។ យោង​តាម​គណនី…

រាជធានី​ភ្នំពេញ​៖​ថ្មី​ៗ​នេះ​មានការ​ភ្ញាក់ផ្អើល​លើ​បណ្តាញ​សង្គម​យ៉ាង​ខ្លាំង បន្ទាប់​ពី​មាន​គណនី​ហ្វេ​ស​ប៊ុ​កមួយ​ដែល​គេ​ស្គាល់​ច្បាស់​ថា ថៅកែ​លក់​ឡេ​ធំ​មួយ​នៅ​ប្រទេស​វៀតណាម​បាន​ទិញ​រថយន្ត​ទំនើប​ជា​កាដូ​ដល់​ភរិយា​របស់​ខ្លួន តែ​អ្វី​ដែល​សំខាន់​សម្រាប់​អ្នកលេង​បណ្តាញ​សង្គម​នៅ​កម្ពុជា​នោះ មិនមែន​ចាប់អារម្មណ៍​លើ​រថយន្ត​ស្ព័​រ​តម្លៃ​កប់​ពពក​នោះ​ឡើយ ក៏​ប៉ុន្តែ គឺ​ផ្លា​ក​លេខ​ពិសេស​របស់​កម្ពុជា ដែល​បំពាក់​លើ​រថយន្ត​នោះ​ទៅ​វិញ​ទេ ។

យោង​តាម​គណនី Facebook មួយ​ឈ្មោះ Mailisa Khánh ដែល​ជា​ម្ចាស់​ផលិតផល​គ្រឿងសម្អាង​ធំ​មួយ​ក្នុង​ប្រទេស​វៀតណាម និង​បាន​ដាក់​ទីលំនៅ​នៅ​ទីក្រុង​ហូ​ជី​មិ​ញ នោះ​បាន​ទិញ​រថយន្ត​ស្ព័​រ​ប្រភេទ McLaren Senna ពណ៌​ពិសេស ដែល​ត្រូវ​បាន​គេ​ដឹង​ថា មាន​តម្លៃ​ខ្ទង់លាន​ដុល្លារ ហើយ​មាន​បងប្អូន​អ្នកលេង​បណ្តាញ​សង្គម​នៅ​ខ្មែរ​ធ្វើការ​ចែកចាយ​នូវ​រូបភាព និង​វី​ដេ​អូ​នោះ គឺ​ដោយសារ​តែ​រថយន្ត​បាន​ពាក់​ផ្លា​ក​លេខ «​កម្ពុជា MAILISA» បង្ក​ជា​ច​ម្ង​ល់​ដល់​មហាជន​ថា ផ្លា​ក​លេខ​ពិសេស​របស់​កម្ពុជា​អាច​ប្រើប្រាស់​បាន​នៅ​ប្រទេស​វៀតណាម ឬ​យ៉ាងណា ។

យ៉ាងណាមិញ នៅ​មិន​ទាន់​មានការ​បញ្ជាក់​ច្បាស់លាស់​ថា តើ​រថយន្ត​ប្រណីត​ដែល​ម្ចាស់​កម្ម​សិទ្ធ​ជា​ជនជាតិ​វៀតណាម និង​កំពុង​ប្រើប្រាស់​រថយន្ត​នៅ​ប្រទេស​វៀតណាម ឬ​នៅ​ប្រទេស​កម្ពុជា​នោះ​ទេ ។

ជុំវិញ​បញ្ហា​ផ្លា​ក​លេខ​ពិសេស​បំពាក់​លើ​រថយន្ត​ខាងលើ​នេះ នៅ​មិន​ទាន់​អាច​ទាក់ទង​ខាង​អគ្គនាយក​ដឹក​ជ​ញ្ជួ​ន​នៃ​ក្រសួង​សាធារណការ និង​ដឹក​ជ​ញ្ជួ​ន​បាន​ទេ នៅ​ព្រឹក​ថ្ងៃ​ទី​០២ កក្កដា​នេះ ។ តែបើ​តាម​ប្រភព​ព័ត៌មាន​ពី​មន្ត្រី​ជំនាញ​បាន​ឲ្យ​ដឹង​ថា ផ្លា​ក​លេខ​រថយន្ត រួម​ទាំង​ផ្លា​ក​លេខ​ពិសេស​ផង​នោះ គឺ​ជនបរទេស​នៅ​កម្ពុជា​អាច​ជាវ​បាន បើសិនជា​ជនបរទេស​នោះ​មាន​ក្រុមហ៊ុន​នៅ​កម្ពុជា មាន​អាស្រ័យ​ដ្ឋា​ន​ក្រុមហ៊ុន​រកស៊ី​នៅ​កម្ពុជា​ច្បាស់លាស់ មាន​ប្រាក់​តំកល់ និង​មាន​លិខិតឆ្លងដែន​ត្រឹមត្រូវ គឺ​អាច​ទិញ​ផ្លា​ក​លេខ​រថយន្ត ឬ​ដេញថ្លៃ​ផ្លា​ក​លេខ​ពិសេស​បាន ៕

អត្ថបទសរសេរ ដោយ

កែសម្រួលដោយ