ជំនុំជម្រះបណ្តឹងសាទុក្ខអតីតអ្នក ព័ត៌មានវិទ្យុអាស៊ីសេរីចំនួន២នាក់គ្រោងប្រកាសថ្ងៃទី១៥ ខែកក្កដាខាងមុខ
- ភ្នំពេញ
ភ្នំពេញ ៖ លោកជំទាវ គឹម សុត្ថាវី ចៅក្រមជំនុំជម្រះតុលាការកំពូល នៅព្រឹក ថ្ងៃទី១ ខែកក្កដា ឆ្នាំ២០២០…
ភ្នំពេញ ៖ លោកជំទាវ គឹម សុត្ថាវី ចៅក្រមជំនុំជម្រះតុលាការកំពូល នៅព្រឹក ថ្ងៃទី១ ខែកក្កដា ឆ្នាំ២០២០…
ភ្នំពេញ ៖ លោកជំទាវ គឹម សុត្ថាវី ចៅក្រមជំនុំជម្រះតុលាការកំពូល នៅព្រឹក ថ្ងៃទី១ ខែកក្កដា ឆ្នាំ២០២០ នេះបានបើកសវនាការលើបណ្តឹងសាទុក្ខរបស់លោក អ៊ួង ឈិន និង លោក យាង សុធារិន្ទ ហៅ យាង សុជាមេត្តា ធ្វើឡើងជាសាធារណៈនៅចំពោះមុខជនជាប់ចោទ ។
ការបើកសវនាការរបស់តុលាការកំពូលលើសំណុំរឿងអតីតបុគ្គលិកវិទ្យុអាស៊ីសេរី២ នាក់ នាពេលនេះ បន្ទាប់ពីសាលាឧទ្ធរណ៍បានច្រានចោលការសម្រេចរបស់សាលាដំបូងរាជធានីភ្នំពេញ ដែលប្រកាសសាលក្រមចាត់របៀប កាលពីខែសីហា ឆ្នាំ២០១៩ ដែលតុលាការបានចោទប្រកាន់ជនជាប់ចោទពាក់ព័ន្ធ និងរឿងលួចផ្តល់ព័ត៌មានឲ្យបរទេស និងផលិតវីដេអូអាសអាភាស ។
លោក យាង សុធារិន្ទ ហៅ យាង សុជាមេត្តាបាននិយាយប្រាប់អ្នកសារព័ត៌មាននៅក្រៅរបងតុលាការកំពូលថា ពេលនេះតុលាការមិនទាន់បានរកឃើញថា ពួកគាត់បានប្រព្រឹត្តដូចការចោទប្រកាន់នៅឡើយទេ ។ ហើយបើតុលាការមិនទាន់រកឃើញ និងបន្តស៊ើបអង្កេតទៀតវាអាចប៉ះពាល់ដល់ប្រយោជន៍ពួកគាត់ជាជនជាប់ចោទ ។
សូមបញ្ជាក់ថា លោក អ៊ួន ឈិន និងលោក យាង សុធារិន្ទ ហៅ យាង សុជាមេត្តា អតីតបុគ្គលិក របស់វិទ្យុអាស៊ីសេរី (RFA) ត្រូវបានសមត្ថកិច្ចឃាត់ខ្លួន កាលពីយប់ថ្ងៃទី១៤ ខែវិច្ឆិកា ឆ្នាំ២០១៧កន្លងទៅ នៅក្នុងបន្ទប់សណ្ឋាគារ ម៉ារឌី ស្ថិត នៅក្បែរស្ពានអាកាសស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
ជនជាប់ចោទទាំង ២នាក់ខាងលើ ត្រូវតុលាការចេញដីកាឃុំខ្លួនជាបណ្តោះអាសន្ន នៅពន្ធនាគារព្រៃស ម១ កាលពីរសៀលថ្ងៃទី១៨ ខែកុម្ភៈ ឆ្នាំ២០១៨ ។ ក្រោយមកនៅថ្ងៃទី២១ ខែសីហា ឆ្នាំ២០១៨ ជនជាប់ចោទទាំង ២នាក់ត្រូវបានតុលាការដោះលែងឲ្យមានសេរីភាពជាបណ្តោះអាសន្នវិញ ៕
ចែករំលែកព័តមាននេះ