រាជធានីភ្នំពេញ ៖ សម្ដេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអំពាវនាវដល់ប្រជាពលរដ្ឋអាជ្ញាធរ និងសមត្ថកិច្ច និងអភិរក្សពូជត្រី និងជីវៈចម្រុះផ្សេងៗទៀត ។
ការអំពាវនាវរបស់ប្រមុខរាជរដ្ឋាភិបាល និងគោលបំណងរក្សាពូជត្រី និងជីវៈចម្រុះផ្សេងៗទៀតដែលអាចនឹងជិតផុតពូជ ដើម្បីទុកឲ្យកូនចៅជំនាន់ក្រោយបានដឹង ។
យោងតាមបណ្តាញសង្គមហ្វេសប៊ុក សម្តេចតេជោ បានអបអរសាទរទិវាមច្ឆាជាតិ ថ្ងៃទី១ ខែកក្កដា ឆ្នាំ២០២០ ។ សម្តេចបានបញ្ជាក់ថា៖«ទិវាមច្ឆាជាតិ ថ្ងៃទី១ កក្កដា គឺជាទិវាដ៏សំខាន់មួយដែលត្រូវបានរៀបចំឡើងជារៀងរាល់ឆ្នាំ ដើម្បីបំផុសចលនាយល់ដឹងក្នុងចំណោមប្រជាពលរដ្ឋឱ្យចូលរួមក្នុងការថែរក្សាពូជត្រី ឱ្យមានក្នុងដែនទឹកធម្មជាតិផង និងបង្កើនផលត្រីនៅតំបន់ឆ្ងាយពីដែននេសាទផង ជាពិសេសនៅតាមតំបន់សមស្របនៃវាលទំនាប និងនៅតាមវាលស្រែទូទាំងប្រទេស ។
សម្តេចក៏បានគូសបញ្ជាក់ថា«សូមបងប្អូនប្រជាពលរដ្ឋ អាជ្ញាធរដែនដី មន្ត្រីមានសមត្ថកិច្ច ចូលរួមថែរក្សា ពូជត្រី និងចូលរួមអភិរក្សជីវចំរុះផ្សេងៗទៀតឲ្យបានគង់វង្ស ដើម្បីធានានិរន្តរភាពធនធានជលផលឲ្យបានគ្រប់គ្រាន់ សម្រាប់តម្រូវការទទួលទានរបស់បងប្អូនប្រជាពលរដ្ឋនៅទូទាំងប្រទេស» ៕
ចែករំលែកព័តមាននេះ