មន្ត្រី​នគរបាល​ម្នាក់​ត្រូវ​ស្រី​ស្នេហ៍​កាប់​១​បុ័ងតោ​រយះ​ភ្លៅ ប៊ិះ​ដាច់​ទាំង​អា​អូន​តូច


ខេត្តកំពង់ធំ ៖ បើ​តាម​សេចក្តីរាយការណ៍​បានឱ្យ​ដឹង​ថា មន្ត្រី​នគរបាល​ម្នាក់​ត្រូវ​ស្រី​ស្នេហ៍​កាប់​១​កាំបិតប៉័ងតោ បណ្តាល​ឱ្យ​រយះ​ភ្លៅ​រហូត​ប៊ិះ​នឹង​ដាច់​ទាំង​អា​អូន​តូច​ទៀត ក្រោយ​ពី​ស្រី​ស្នេហ៍​រូប​នេះ​ផ្ទុះ​ភ្លើង​ប្រច័ណ្ឌ​នឹង​ជន​រង​គ្រោះ​ដែល​មាន​ស្រី​ថ្មី ហេតុការណ៍​ហិង្សា​នេះ​បង្ក​ឱ្យ​មានការ​ភ្ញាក់​ផ្អើល​កាលពី​ម៉ោង​១០​និង​១០​នាទី​ព្រឹក ថ្ងៃ​ទី​៣០ ខែមិថុនា ឆ្នាំ​២០២០ នៅ​ចំណុច​លើ​ផ្លូវលំ​មួយ​កន្លែង ស្ថិត​ក្នុងភូមិ​ពោន ឃុំ​ច្រនាង ស្រុក​តាំងគោក ខេត្តកំពង់ធំ​។

បើ​តាម​ប្រភព​ពី​អ្នក​ឃើញ​ហេតុការណ៍​នៅ​ក្បែរ​កន្លែង​កើរ​ហេតុ​ឲ្យ​ដឹង​ថា អំពើ​ហិង្សា​ដោយ​ចេតនា​ខាងលើ​នេះ បង្ក​ឡើង​ដោយ​ជនសង្ស័យ​ឈ្មោះ រិ​ទ្ធ ស្រី​នាង ភេទ​ស្រី អាយុ​២៨​ឆ្នាំ មុខរបរ​មិន​ពិតប្រាកដ រស់នៅ​ភូមិ​ដំរី​ជាន់​ខ្លា សង្កាត់​ដំរី​ជាន់​ខ្លា ក្រុង​ស្ទឹង​សែន ត្រូវជា​ស្រី​ស្នេហ៍​ជន​រង​គ្រោះ ចំណែក​ភាគី​ជន​រង​គ្រោះ​ត្រូវ​បាន​គេ​ស្គាល់​ថា ជា​មន្ត្រី​នគរបាល​ចរាចរណ៍​ទើបតែ​ជាប់​ថ្មី ហើយ​តម្រូវ​ឲ្យ​ទៅ​បម្រើ​ការ​នៅ​ស្រុក​តាំងគោក មានឈ្មោះ ខៀន សុខ​ល័​ក្ខ ភេទ​ប្រុស អាយុ​៣៣​ឆ្នាំ មាន​ទីលំនៅ​ភូមិ​តាំង​ក្រ​សៅ ឃុំ​តាំង​ក្រ​សៅ ស្រុក​ប្រាសាទ​សំបូរ ។

ប្រភព​ដដែល​ប្រាប់​ថា បុរស​ជា​ជន​រង​គ្រោះ​ខាងលើ គឺជា​មន្ត្រី​នគរបាល រួម​ជាមួយនឹង​ជន​សង្ស័យ គឺជា​នារី​គូរ​កំណាន់​ចិត្តនឹង​គ្នា ហើយ​ជនសង្ស័យ​ជា​ស្ត្រី​បម្រើ​ការ​នៅ​ហាង​ខារ៉ាអូខេ ស្ថិត​នៅ​ក្នុង​សង្កាត់​ដំរី​ជាន់​ខ្លា ក្រុង​ស្ទឹង​សែន ។

ប្រភព​ដដែល​បន្ត​ទៀត​ថា នៅ​មុន​ពេល​កើតហេតុ បន្ទាប់​ពី​ជនសង្ស័យ​ដឹង​ថា ជន​រង​គ្រោះ​ដែល​ជាស​ង្សា​កំណាន់ចិត្ត​របស់​ខ្លួន​មាន​ស្រី​ថ្មី​នោះ គេ​ឃើញ​ជនសង្ស័យ​បាន​ជិះ​ម៉ូតូ​១​គ្រឿង ដោយ​មាន​ដាក់​កាំបិត​បុ័ងតោ​នៅ​ក្នុង​កន្ត្រក​ម៉ូតូ​ផង ក៏​បាន​ទៅ​ឈប់​ត្រង់​ចំណុច​កើតហេតុ​ខាងលើ ហើយ​ក៏​បាន​ទូរស័ព្ទ​ហៅ​ជន​រង​គ្រោះជា​សង្សា​រ​ទៅ​ជួប​។

ប្រភព​ដដែល​បន្ត​ថា លុះ​មួយសន្ទុះ​ក្រោយមក គេ​ក៏​ឃើញ​វត្តមាន​ជន​រង​គ្រោះ​បាន​ទៅ​ជួប នឹង​ជនសង្ស័យ ខណៈ​ពេល​ជួប​មុខ​គ្នា​នោះ គេ​សង្កេត​ឃើញ​អ្នក​ទាំង​ពីរ​ឈ្លោះប្រកែក​គ្នា​យ៉ាង​តឹង​សរសៃ​.​ក ក្រោយមក​គេ​ឃើញ​ជនសង្ស័យ​កាន់​កាំបិត​បុ័ងតោ​នៅ​ដៃស្តាំ ចំណែក​ដៃ​ឆ្វេង​ចាប់​ក្របួច​.​ក​អាវ​បុរស​ជា​សង្សារ រួច​ក៏​កាប់​១​កាំបិត​ប៉័ង ក្នុង​គោលបំណង​ផ្តាច់​យក​របស់​ដ៏​មាន​តម្លៃ​ដែល​ជា​កេរ្តិ៍​ដំណែល​ឪពុក​ចែក​ឲ្យ​ចោល​តែ​ម្តង ដើម្បី​កុំ​ឲ្យ​ខូច​ដើរ​ចែក​ស្រី​ផ្សេង​ទៀត​បាន តែ​បែរ​ជា​ចំ​ភ្លៅ​វិញ បណ្តាល​ឱ្យ​រយះ​យ៉ាង​ជ្រៅ រួច​ក៏​បន្ត​ដល់​អា​អូន​តូច​ប៊ិះ​នឹង​ដាច់​អស់​ពាក់កណ្តាល​ទៀត​ផង។

ក្រោយ​ពី​បង្កហេតុ​រួច​ហើយ ស្ត្រី​ស្នេហ៍​រូប​នេះ​ក៏​បាន​ជិះ​ម៉ូតូ​គេចខ្លួន​បាត់​ស្រមោល ចំណែក​ជន​រង​គ្រោះជា​ប្រុស​សំណ​ប់​ចិត្ត ត្រូវ​បាន​គេ​បញ្ជូន​មក​កាន់​មន្ទីរពេទ្យ ដើម្បី​ជួយ​សង្គ្រោះ ក្រែងលោ​របស់​មាន​តម្លៃ​អាច​នៅ​ប្រើប្រាស់​វិញ​បាន​ទៀត​។ ហើយ​ខណៈ​ពេល​នេះ​សមត្ថកិច្ច កំពុង​តែ​តាម​រក​ចាប់ខ្លួន​ជនសង្ស័យ​ជា​ស្រី​ស្នេហ៍​រូប​នេះ​ហើយ ដើម្បី​យក​មក​ដោះស្រាយ និង​ផ្តន្ទាទោស​ទៅ​តាម​នីតិវិធី​ផ្លូវច្បាប់​។ (​កែសម្រួល​ដោយ ៖ បុប្ផា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ