រាជធានីភ្នំពេញ ៖ ប្រទេសកម្ពុជា និងចិនបានប្តេជ្ញារួមគ្នាជំរុញកិច្ចសហប្រតិបត្តិការលើវិស័យការពារជាតិ ចរចា លើអនុស្សារណៈ នៃការយោគយល់គ្នា ស្តីពីកិច្ចសហប្រតិបត្តិសុខភាពកងទ័ព និងបន្តកិច្ចសហប្រតិបត្តិការ លើគម្រោងសំខាន់ៗដូចជា…
រាជធានីភ្នំពេញ ៖ ប្រទេសកម្ពុជា និងចិនបានប្តេជ្ញារួមគ្នាជំរុញកិច្ចសហប្រតិបត្តិការលើវិស័យការពារជាតិ ចរចា លើអនុស្សារណៈ នៃការយោគយល់គ្នា ស្តីពីកិច្ចសហប្រតិបត្តិសុខភាពកងទ័ព និងបន្តកិច្ចសហប្រតិបត្តិការ លើគម្រោងសំខាន់ៗដូចជា សមយុទ្ធយោធារួមគ្នា និងការអភិវឌ្ឍបណ្ឌិតសភាយោធាជាដើម។ ទាំងនេះជាលទ្ធផលមួយក្នុងចំណោមលទ្ធផលច្រើន ដែលកិច្ចប្រជុំ គណៈកម្មការសម្របសម្រួលអន្តរដ្ឋាភិបាល កម្ពុជា-ចិន លើកទី៥ នៅព្រឹកថ្ងៃទី១៦ មិថុនា ឆ្នាំ២០២០នេះបានសម្រេច។
គឺជាកិច្ចប្រជុំ ដែលភាគីកម្ពុជា ដឹកនាំលោក ហោ ណាំហុង ឧបនាយករដ្ឋមន្ត្រីកម្ពុជា និងភាគីចិន ដឹកនាំដោយលោក វ៉ាង យី ទីប្រឹក្សារដ្ឋ និងជារដ្ឋមន្ត្រីក្រសួងការបរទេសចិន។ តាមសេចក្តីប្រកាសព័ត៌មាន ក្រោយកិច្ចប្រជុំគណៈកម្មការសម្រប សម្រួលអន្តរដ្ឋាភិបាលកម្ពុជា-ចិន លើកទី៥ បានបញ្ចប់នោះ លទ្ធផលកិច្ចប្រជុំត្រង់ចំណុចកិច្ចសហប្រតិបត្តិការ វិស័យការពារជាតិ ប្រទេសកម្ពុជា និងចិន បានលើកឡើងថាប្រទេសទាំងពីរ គួរតែផ្តល់តួនាទីពេញលេញដល់ កិច្ចសហប្រតិបត្តិការពង្រឹងការអនុវត្តច្បាប់នៃប្រទេសទាំងពីរកម្ពុជា ចិន និងដំណើរការនៃការិយាល័យ សម្របសម្រួល ដើម្បីបង្ក្រាបឧក្រិដ្ឋកម្មឆ្លងដែន ដូចជា៖
បទល្មើសលេងល្បែងស៊ីសងអនឡាញ និងបទល្មើសឆរបោកតាមមធ្យោបាយទូរគមនាគមន៍ ព្រមទាំងបន្តលំអានល្អសម្រាប់ឆ្នាំនៃ កិច្ចសហប្រតិបត្តិការអនុវត្តច្បាប់។ សូមជម្រាបថាកិច្ចប្រជុំ គណៈកម្មការសម្របសម្រួលអន្តរដ្ឋាភិបាល កម្ពុជាចិនលើកទី៥នេះ ប្រទេសទាំងពីរបានសម្រេចជាលទ្ធផលលើ៧ចំណុចធំៗ ពោលគឺកម្ពុជា និងចិន បន្តពង្រឹងពង្រីកកិច្ចសហប្រតិបត្តិការជាមួយគ្នាជាច្រើនវិស័យ ទាំងទ្វេភាគី និងពហុភាគី៕ ដោយ ៖ អ. សួស្តី
ចែករំលែកព័តមាននេះ