ក្មេង​ប្រុស​​​២​នាក់​បងប្អូន​ជិះ​កង់​​ទៅ​ប៉ោយ​ប៉ែ​តទាំង​យប់ នគរបាល​ចរាចរណ៍​ខេត្ត​បង្អាក់ដំណើរដើម្បី​សុវត្ថិភាព​​​


ខេត្ត​បន្ទាយ​មាន​ជ័យ​ ៖ ក្មេង​ប្រុស​២​នាក់​បងប្អូន​តស៊ូ​ជិះកង់​ដី​រាប់​សិប​គីឡូម៉ែត្រពី​ក្រុង​ប៉ោយ​ប៉ែ​តទៅ​ឃុំ​បឹង​ព្រីង ស្រុក​ថ្មគោល ខេត្តបាត់ដំបង ក្នុង​គោលបំណង​​ទៅ​លេង​ជាមួយ​អ៊ុំ​ស្រី ពេល​ត្រឡប់​មក​វិញ​យប់​ជ្រៅ ​នគរបាល​ចរាចរណ៍​ខេត្តបន្ទាយមានជ័យបាន​បង្អាក់ដំណើរដើម្បី​សុវត្ថិ​ភាព​របស់​ពួក​គេ ដោយ​​ឲ្យ​ពួក​គេ​ស្នាក់​​នៅ​កា​រិ​យា​ល័យ​នគរបាល​ចរាចរណ៍​ជើង​គោក​១​យប់ ព្រឹក​ឡើង​ទើប​អនុញ្ញាតិ​ឲ្យ​បន្តដំណើរ​។

តាម​ការ​ឲ្យ​ដឹង​ពី​លោក​វរសេនីយ៍ទោ សន គឹ​ម​សួគ៌ នាយការិយាល័យ​នគរបាល​ចរាចរណ៍​ជើង​គោកខេត្តបន្ទាយមានជ័យបាន​ឲ្យ​ដឹង​នៅ​ព្រឹក​ថ្ងៃ​ទី​០៨​ ធ្នូ ​​២០១៤​ ​ថា​ នៅ​​​វេលា​ម៉ោង​១០​យប់ ថ្ងៃ​ទី​០៧ ធ្នូ​​ ​២០១៤ មាន​ប្រជាពលរដ្ឋ​អ្នក​រត់​ម៉ូតូឌុប​ពេល​យប់បាន​រាយការណ៍​ថា មាន​ក្មេង​ប្រុស​តូច​ៗ​ចំនួន​២​នាក់ ​​ជិះកង់​ឌុ​ប​គ្នា​ដោយ​ធ្វើដំណើរ​ពី​ត្បូង​ទៅ​ជើងទាំង​កណ្តាល​យប់ ។​

ពេល​ទទួល​បាន​ព័​ត៌មាននេះ លោក​បាន​ចាត់​កម្លាំង​ចាំ​មើលឃើញ​ក្មេង​ទាំង​២នាក់​ជិះ​កង់​មែន ក៏ឃាត់​​ដំណើរ ហើយ​​នាំពួក​គេ​មក​ការិយាល័យ​ធ្វើការ​សាកសួរ​ ដោយ​ដឹង​ថា​ពួក​គេ​ទៅ​ក្រុង​ប៉ោយ​ប៉ែ​តក៏​បង្អាក់ដំណើរ​របស់​ពួក​គេដើម្បី​សុវត្ថិភាព​ ម្យ៉ាង​ពី​ទី​រួម​ខេត្ត​បន្ទាយ​មានជ័យទៅ​ក្រុង​ប៉ោយ​ប៉ែ​ត ដី​ជាង​៤៦​គីឡូម៉ែត្រ ដូច្នេះ​ការ​ធ្វើ​ដំណើរ​ពេល​យប់​ជិះកង់​មិនមាន​ទាំង​ភ្លើង​បំភ្លឺ​ផង​នោះ ក្រែង​ពួក​គេ​ជួប​បញ្ហា​គ្រោះថ្នាក់​ចរាចរណ៍​ ឬ​បញ្ហា​ផ្សេង​ៗ ក៏​ឃាត់​ដំណើរ​ពួក​គេ​ឲ្យស្នាក់​នៅ​ក្នុង​ការិយាល័យ​ជាមួយ​មន្ត្រី​នគរបាល​របស់​លោក១​យប់ ព្រឹក​ឡើង​ទើប​ឲ្យ​ពួក​គេ​បន្តដំណើរ​ទៅ​ក្រុង​ប៉ោយ​ប៉ែ​ត​។

តាម​ការ​ឲ្យ​ដឹង​ពី​ប្អូនប្រុស​ខាំ ឌៀង អាយុ​១២​ឆ្នាំ បាន​និយាយ​ប្រាប់​ថា​​ រូបគេ​ និង​ប្អូន​​ឈ្មោះ ខាំ ឡត អាយុ​៦​ឆ្នាំ មាន​ទីលំនៅ​ក្រុង​ប៉ោយ​ប៉ែ​ត ចំណែក​ម្តាយ​របស់​គេ​ឈ្មោះ​ភ័ក្ត្រ អាយុ​៣០​ឆ្នាំ​ នៅផ្ទះ និង​ឪពុក​​ឈ្មោះ ប៉ុន អាយុ​៤០​ឆ្នាំ ជា​ជាងសំណង់ ។​ នៅ​ព្រឹក​ថ្ងៃ​ទី​០៧ ​​ធ្នូ ២០១៤ ពួក​គេ​មាន​ក្តី​នឹករលឹក​អ៊ុំ​ស្រី​របស់​គេ​ឈ្មោះ ភាព អាយុ​ខ្ទង់​៣៥​ឆ្នាំ នៅ​ឃុំ​បឹង​ព្រីង ស្រុក​ថ្មគោល ខេត្តបាត់ដំបង ក៏សុំ​ឪ​ពុក​ ម្តាយ​​ នាំ​គ្នា​ជិះកង់​ពី​ក្រុង​ប៉ោយ​ប៉ែ​តទៅ​លេង​អ៊ុំ​ស្រី១​ថ្ងៃ លុះ​វេលា​ម៉ោង​៧​យប់ថ្ងៃ​ដដែល រូបគេ​ និង​ប្អូន​បាន​នាំ​គ្នាជិះកង់​ត្រឡប់​ទៅ​ប៉ោយ​ប៉ែ​ត​វិញ ។​ ពេល​មក​ដល់​មុខ​ស្នងការដ្ឋាន​នគរបាល​ខេត្ត​ក៏​មាន​ពូ​ៗនគរបាល​ឃាត់​ឲ្យ​ស្នាក់​នៅ​​ជាមួយ​ពួក​គាត់ ចាំ​ព្រឹក​បាន​ឲ្យ​បន្តដំណើរ​។

ទាក់ទិន​ករណី​នេះ មាន​មតិ​មួយ​ចំនួន​បាន​រិះ​គន់​ចំពោះ​ឪពុក​ម្តាយ​ដែល​​បណ្តោយ​ឲ្យ​កូន​នៅ​ក្មេង​ជិះ​កង់​ដី​រាប់​សិប​គីឡូម៉ែត្រ​ពី​ក្រុង​ប៉ោយ​ប៉ែ​តទៅ​បឹង​ព្រីង​ក្នុងភូមិ​សាស្ត្រ​ខេត្តបាត់ដំបង បើ​គិ​ត​ពី​ចម្ងាយទៅ​មក​ជាង​១០០​គីឡូម៉ែត្រ ដោយ​មិន​គិត​ពី​កើត​មាន​គ្រោះ​ថ្នាក់​​ចំពោះ​កូន​សោះឡើយ​។​ ​បើគ្រាន់តែ​ឲ្យ​កូន​ធ្វើ​ដំណើរ​ដោយ​ជិះរថ​យន្ត​ឈ្នួល ​មិន​ឲ្យ​ជិះ បែរជា​ឲ្យ​គ្នា​ជិះកង់​ឌុ​ប​បងប្អូន​ដូច្នេះ ម្យ៉ាង​អ៊ុំ​ស្រី​គ្រាន់តែ​ឃាត់​ក្មួយ​ឲ្យ​ស្នាក់​នៅផ្ទះ​ខ្លួន​១​យប់ ចាំ​ព្រឹក​ឲ្យ​ធ្វើ​ដំណើរ​មិន​បាន សុខចិត្ត​ឲ្យ​គ្នា​ជិះកង់​មក​ទាំង​យប់​គ្មាន​ទាំង​ភ្លើង​បំភ្លឺ ចុះបើ​ជួប​គ្រោះថ្នាក់​ចរាចរណ៍​គិ​ត​យ៉ាង​មេច?៕​​

ព្រឹត្តិការណ៍សង្គម

Sponsored News

១១:១១ | ក្នុងស្រុក

លក់ដាច់ខ្លាំងសាហាវអតិថិជនពេញៗហាង ព្រោះតម្លៃផ្អើលទីផ្សារ 279$ តែសមត្ថភាពលំដាប់ A អេមមួយកំប្លេ ថតស្អាតបែប AI បួនគ្រាប់ទំហំ 48MP RAM ក៏ធំ 8GB ROM ក៏ធំ 128GB ថ្មក៏ខ្លាំង 5000mAh (មានវីដេអូ)

ការស្ទង់មតិគេហទំព័រថ្មី




សូម​អរគុណ