វាចាឪពុកម្តាយប្រៃនិងជ្រៅជាងមហាសមុទ្រ មានតម្លៃធំធេងណាងស់ កូនប្រុសស្រីទាំងឡាយណាមិនស្ដាប់តាមពាក្យរបស់ឪពុកម្ដាយ កូនប្រុសស្រីទាំងឡាយនោះច្រើនតែបរាជ័យនៅរាល់ការងារដែលខ្លួនធ្វើ ឬជួបឧបសគ្គបង្កឲ្យមានបញ្ហា ដែលមិនចេះដោះស្រាយបាន និងជួបនូវសេចក្ដីទុក្ខលំបាកសព្វគ្រប់បែបយ៉ាងនៅក្នុងជីវិត ដែលមិនអាចគេចផុតឡើយ ហើយទៅណាមកណា តែងបង្កឲ្យមានគ្រោះថ្នាក់ដល់អាយុជីវិតព្រោះទោសនៃការមិនស្ដាប់តាមពាក្យឪពុកម្ដាយនោះឯង ។
កូនទាំងឡាយត្រូវដឹងថា ពាក្យសម្តីឪពុកម្តាយមានតម្លៃជាងមាសជាងពេជ្រទៅទៀត ចង់ឱ្យតែកូនបានសុខជោគជ័យក្នុងកិច្ចការគ្រប់យ៉ាង កូនណាប្រតិបត្តិតាម កូននោះនឹងបានល្អ ជោគជ័យ ចម្រុងចម្រើនរមែងរស់នៅដោយសុខសុភមង្គលក្នុងជីវិតទាំងក្នុងលោកនេះផង និងលោកខាងមុខផង ។
អ្នកប្រាជ្ញពោលថា គុណឪពុកម្តាយធំធេងណាស់ ជាគុណរាប់មិនបាន ប្រមាណមិនត្រូវ ជ្រៅនិងប្រៃជាងមហាសមុទ្រ ពោលឱ្យកូនណាបានសុខ នឹងបានសុខ ពោលឱ្យកូនណាមានទុក្ខ នឹងមានទុក្ខ ជាវាចាដែលស័ក្តិសិទ្ធិបំផុត សូមកូនប្រុសស្រីស្តាប់ឱ្យជាក់ណា ។ សាន សារិន
ចែករំលែកព័តមាននេះ