ព្រះសីហនុ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជានារសៀលថ្ងៃទី១ ខែ មិថុនា ឆ្នាំ២០២០ បានដាក់ឈ្មោះឲ្យដើមឈើមួយដើមស្ថិតនៅកណ្តាលផ្លូវដែលត្រូវបានអាជ្ញាធរខេត្តព្រះសីហនុសម្រេចទុកនៅចំកណ្តាលដោយមិនកាប់ចោលថា «ដើមឈើចាំស្នេហ៍»…
ព្រះសីហនុ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជានារសៀលថ្ងៃទី១ ខែ មិថុនា ឆ្នាំ២០២០ បានដាក់ឈ្មោះឲ្យដើមឈើមួយដើមស្ថិតនៅកណ្តាលផ្លូវដែលត្រូវបានអាជ្ញាធរខេត្តព្រះសីហនុសម្រេចទុកនៅចំកណ្តាលដោយមិនកាប់ចោលថា «ដើមឈើចាំស្នេហ៍» ។
ប្រាកដណាស់ដើមឈើធំមួយដើម កំពុងត្រូវបានគេគ្រប់គ្នាចាប់អារម្មណ៍ ដោយខ្លះបានសរសើរដល់ភាពច្នៃប្រឌិតរបស់អភិបាលខេត្តព្រះសីហនុក្នុងការទុកដើមឈើមួយដើមនេះ នៅកណ្ដាលផ្លូវ កំពុងធ្វើអោយខេត្តមួយនេះក្លាយជាទីចំណាប់អារម្មណ៍របស់មនុស្សទូទាំងប្រទេស ហើយវាក៏នឹងធ្វើអោយខេត្តនេះ ។
សម្តេចតេជោ ហ៊ុន សែន នាឱកាសអញ្ជើញជួបសំណេះសំណាលជាមួយមន្ត្រីរាជការ និងក្រុមការងារបច្ចេកទេសស្ថាបនាហេដ្ឋារចនាសម្ព័ន្ធផ្លូវក្រុង ក្នុងខេត្តព្រះសីហនុ បានលើកឡើងថាការសាងសង់ផ្លូវថ្មីដោយស្នាដៃកូនខ្មែរ គឺពិតជាអាចធ្វើឲ្យខេត្តនេះទាក់ទាញបាននូវភ្ញៀវទេសចរជាច្រើនឡើងវិញ ។
សូមបញ្ជាក់ថា កាលពីព្រឹកថ្ងៃទី ១ មិថុនានេះ សម្តេចតេជោក្នុងដំណើរអញ្ជើញពិនិត្យសមិទ្ធផលផ្លូវថ្នល់ដោយផ្ទាល់នៅក្នុងតំបន់ឆ្នេរសមុទ្របានចុះដើរពិនិត្យថ្នល់បេតុងដែលទើបបានកសាងរួចថ្មីៗនៅជាប់ដៃសមុទ្រទ្ររាម ដែលបង្ហាញអោយឃើញពីគុណភាពជាប់បានល្អជាមួយប្រព័ន្ធបង្ហូរទឹកដែលរៀបចំបានត្រឹមត្រូវតាមក្បួនបច្ចេកទេស និងគម្រោងសួនលំអរផ្លូវ។ គម្រោងសាងសង់នេះគឺបានបញ្ចប់ប្រមាណ៩០% ហើយ។ ផ្លូវថ្នល់ទាំងអស់នេះនឹងចាក់កៅស៊ូពីលើថែមទៀត ហើយបន្ទាប់មកនឹងមានរៀបជាសួនលំអរនៅតាមទ្រូងផ្លូវ និងនៅតាមជាយសង្ខាងផ្លូវផងដែរ។ បើតាមទំហំដ៏ធំទូលាយនេះ គឺអាចអោយរថយន្តបើកបរម្ខាងបាន២ ដែលមានសួនច្បារលម្អរនៅចំកណ្តាល។
ផ្លួវដែលបានកសាងនៅក្នុងតំបន់នេះគឺមានកាត់ពុះជ្រៀកភ្នំដែលមានកម្ពស់ជាង២០ម៉ែត្រ ធ្វើទៅតាមបច្ចេកទេសដែលធានាសុវត្ថិភាពនៃការធ្វើដំណើររបស់ប្រជាពលរដ្ឋ។ នៅក្នុងដំណើរនៃការអញ្ជើញពិនិត្យសមិទ្ធិផលផ្លូវថ្នល់នេះ សម្តេចតេជោនាយករដ្ឋមន្ត្រីក៏បានអញ្ជើឈប់ថតរូបជាអនុស្សាវរីយ៍នៅមាត់សមុទ្រដែលថតពីលើភ្នំទៅ និងថតរូបនៅ សិលាចាំស្នេហ៍ និង ដើមឈើចាំស្នហេហ៍ ជាដើម។ សំណង់ផ្លូវថ្នល់ឡើងចុះទាបខ្ពស់អមជាមួយរមណីយដ្ឋានធម្មជាតិទាំងអស់នេះគឺពិតជាមានការទាក់ទាញផ្នែកទេសចរយ៉ាងខ្លាំង។
នេះជាសមិទ្ធិផលជាតិថ្មីបន្ថែមទៀត ដែល សម្តេចតេជោ ហ៊ុន សែន នាយករដ្ឋមន្ត្រី បានខិតខំកសាងសម្រាប់ខេត្តព្រះសីហនុអោយស័ក្តិសមជាខេត្តដែលមានឆ្នេរស្អាតបំផុតលើសកលលោក មានផ្លូវថ្នល់គម្រូ និងជាខេត្តដែលរីកលូតលាស់ខ្លាំងផ្នែកសេដ្ឋកិច្ចរបស់ប្រទេសជាតិ៕
ចែករំលែកព័តមាននេះ