រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា រយៈពេលតែ១ខែប៉ុណ្ណោះ គឺគិតពីថ្ងៃទី១ ដល់ថ្ងៃទី៣១ ខែឧសភា ឆ្នាំ២០២០នេះ នគរបាលចរាចរណ៍ទូទាំងប្រទេស បានត្រួតពិនិត្យ…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា រយៈពេលតែ១ខែប៉ុណ្ណោះ គឺគិតពីថ្ងៃទី១ ដល់ថ្ងៃទី៣១ ខែឧសភា ឆ្នាំ២០២០នេះ នគរបាលចរាចរណ៍ទូទាំងប្រទេស បានត្រួតពិនិត្យ និងផាកពិន័យយានយន្ត៤៤.៧៦៥គ្រឿង ក្នុងនោះម៉ូតូ៣២.៧២៦គ្រឿង និងរថយន្តគ្រប់ប្រភេទ១២.០៣៩គ្រឿង។
សេចក្តីរាយការណ៍បានឱ្យដឹងថា សម្រាប់ថ្ងៃទី៣០ ខែឧសភានេះដែរ មានយានយន្ត ១.២៣៥គ្រឿង ដែលត្រូវបានត្រួតពិនិត្យ និងផាកពិន័យ ក្នុងនោះម៉ូតូមាន៩៧១គ្រឿង ខណៈរថយន្តមានចំនួន២៦៤គ្រឿង។
ចំណែកបទល្មើសគួរឱ្យកត់សម្គាល់សម្រាប់ម៉ូតូ គឺអត់មួក ល្មើសសញ្ញា គ្មានស្លាកលេខ ដឹកលើសទម្ងន់ និងប្រើប្រាស់ទូរស័ព្ទដៃ ដោយឡែកបទល្មើសគួរឱ្យកត់សម្គាល់សម្រាប់រថយន្តវិញ គឺលើសល្បឿន អត់ខ្សែក្រវាត់ ល្មើសសញ្ញា លើសទម្ងន់ ប្រើប្រាស់ទូរស័ព្ទ អត់ស្លាកលេខ និងបើកបរក្នុងស្ថានភាពស្រវឹងផងដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ