ប្រទេសរុស្ស៊ី ៖ យោងតាមទីភ្នាក់ងារព័ត៌មានរុស្ស៊ី SPUTNIKថា ថ្នាំប្រឆាំងវីរុសCOVID-19ដំបូងត្រូវបានអនុញ្ញាតឲ្យប្រើប្រាស់ ក្រោយការយល់ព្រមរបស់ក្រសួងសុខាភិបាលប្រទេសនេះ។ ថ្នាំនោះជាថ្នាំដំបូងបង្ហាញប្រសិទ្ធភាពរបស់វា ក្នុងការរាំងខ្ទប់បណ្ដាយន្តការនៃការវាយលុករបស់វីរុស ក្នុងពេលសាកល្បងគ្លីនីក ដែលដំណាក់កាលចុងក្រោយនៅបន្ត។…
ប្រទេសរុស្ស៊ី ៖ យោងតាមទីភ្នាក់ងារព័ត៌មានរុស្ស៊ី SPUTNIKថា ថ្នាំប្រឆាំងវីរុសCOVID-19ដំបូងត្រូវបានអនុញ្ញាតឲ្យប្រើប្រាស់ ក្រោយការយល់ព្រមរបស់ក្រសួងសុខាភិបាលប្រទេសនេះ។
ថ្នាំនោះជាថ្នាំដំបូងបង្ហាញប្រសិទ្ធភាពរបស់វា ក្នុងការរាំងខ្ទប់បណ្ដាយន្តការនៃការវាយលុករបស់វីរុស ក្នុងពេលសាកល្បងគ្លីនីក ដែលដំណាក់កាលចុងក្រោយនៅបន្ត។ ថ្នាំប្រឆាំងវីរុសCOVID-19 ដំបូងនេះមានឈ្មោះថាAVIFAVIR ផលិតដោយរួមសហការគ្នារវាងមូលនិធិរុស្ស៊ី សម្រាប់ការវិនិយោគ RFPI និងក្រុមហ៊ុនKHIMRAR បានទទួលការយល់ព្រមរបស់ក្រសួងសុខាភិបាលរុស្ស៊ី។ ឈ្មោះពាណិជ្ជកម្មរបស់ថ្នាំនោះគឺAVIFAVIRហើយឈ្មោះអន្តរជាតិហៅFAVIPIRAVIR។
ថ្នាំAVIFAVIRនោះពេលយកទៅប្រើជាមួយបណ្ដាអ្នកជំងឺឆ្លងវីរុសCOVID-19 ក្នុងពេលសាកល្បងគ្លីនិក បង្ហាញនូវប្រសិទ្ធភាពខ្ពស់។ ថ្នាំនេះជាថ្នាំដំបូងមានឥទ្ធិពលប្រឆាំងវីរុសដោយផ្ទាល់ចុះបញ្ជីនៅរុស្ស៊ី ដែលបង្ហាញ ប្រសិទ្ធភាពក្នុងការសាកល្បងគ្លីនិក ប្រឆាំងវីរុសCOVID-19។
នេះជាការអះអាងរបស់ ក្រុមហ៊ុនKHIMRAR។ ថ្នាំនេះផលិតដោយមានការសិក្សាត្រឹមត្រូវណាស់ ព្រោះវាធ្វើ្វចរាចរណ៍នៅជប៉ុនចាប់តាំងពីឆ្នាំ២០១៤មកម៉្លេះ ហើយវាប្រើ ប្រឆាំងជំងឺគ្រុនផ្ដាសាយធ្ងន់ធ្ងរ។
ក្រុមហ៊ុន KHIMRARបន្តថា ដំណាក់កាលចុងក្រោយនៃការសិក្សាគ្លីនិករបស់ថ្នាំំAVIFAVIR ដែលអនុម័តដោយក្រសួងសុខាភិបាលរុស្ស៊ីកាលពីថ្ងៃទី២១ឧសភា ជាមួយការចូលរួមរបស់អ្នកជំងឺ៣៣០នាក់ បច្ចុប្បន្នកំពុងប្រព្រឹត្តទៅ។
ថ្នាំនេះបង្ហាញពីប្រសិទ្ធភាពធំធេង ក្រោយការសាកល្បង ដែលធ្វើដោយមជ្ឈមណ្ឌលសុខាភិបាលនិងស្រាវជ្រាវរុស្ស៊ីជាច្រើន ក្នុងនោះមានសាកលវិទ្យាល័យវេជ្ជសាស្ត្រ IVAN SETCHENOV ក្រុងមូស្គូនិងសាកលវិទ្យាល័យរដ្ឋLOMONOSSOVក្រុងមូស្គូ៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ