រឿងប្លែកៗកើតមាននៅលើពិភពលោក
១-ឧទ្យានលើក្រចក
នាងអាលីស បាតឡេត អ្នករចនាក្រចកជនជាតិអង់គ្លេសនៅក្រុងឡុង បានរចនាជារូបសួនឧទ្យាន តូចៗមានវាលស្មៅប្រដាប់ដោយតុក្កតា និងដើមឈើនៅលើក្រចកគួរឱ្យគយគន់ ។
១-ឧទ្យានលើក្រចក
នាងអាលីស បាតឡេត អ្នករចនាក្រចកជនជាតិអង់គ្លេសនៅក្រុងឡុង បានរចនាជារូបសួនឧទ្យាន តូចៗមានវាលស្មៅប្រដាប់ដោយតុក្កតា និងដើមឈើនៅលើក្រចកគួរឱ្យគយគន់ ។
២-តុក្កតាចៀមក្នុងទីក្រុង
តុក្កតាចៀម «Shaun the Sheep» ចំនួន១២០០ក្បាល ស្ថិតនៅបរិវេណឧទ្យានមុខរដ្ឋសភាក្នុងក្រុងឡុង ចក្រភពអង់គ្លេស គឺជាផ្នែកមួយនៃពិពរ័ណ៍តុក្កតាចៀម ដាក់តាំងបង្ហាញតាមកន្លែងនានានៅទូទាំងក្រុង ដើម្បីប្រមូលប្រាក់ចូលមូលនិធិជួយសង្គ្រោះកុមារក្រីក្រ ។
៣-អួតស្បែកជើង
នាងស៊ីនធៀ អាម៉ុន បុគ្គលិកក្នុងក្រុមហ៊ុន «ហ្គ័រថេកសឺរា៉វ» បង្ហាញស្បែកជើងបា៉តាចំនួន២បែប នៅបរិវេណតាំងពិពរ័ណ៍ក្នុងសាលប្រជុំសលបា៉ឡេស «Salt Palace» ក្រុងសលឡិច ស៊ីទី រដ្ឋអ៊ុយតា សហរដ្ឋអាមេរិក ។
៤-អង្គុយចុចកុំព្យូទ័រនៅកណ្តាលទឹក ព្រោះអាកាសធាតុក្តៅ
ក្រុងអូហាន់ ខេត្តហ៊ូប៉ើយ ប្រទេសចិនមានអាកាសធាតុក្តៅ ដោយនៅតំបន់មួយចំនួនសីតុណ្ហភាព កើនឡើងខ្ពស់ ធ្វើឱ្យនិស្សិតនៅក្នុងថ្នាក់រៀនដែលគ្មានមា៉ស៊ីនត្រជាក់ ស៊ូទ្រាំមិនបានក៏នាំគ្នាយកកុំព្យូទ័រអង្គុយចុចនៅក្នុងអាងទឹក ។
៥-ឈរលើខ្សែតភ្ជាប់គ្នាជារូបឆត្រ
សិស្សនៅសាលាគុន «តាគួ» របស់ចិនហ្វឹកហាត់ឈរតភ្ជាប់គ្នានៅលើខ្សែក្លាយជារូបឆត្រនៅមុនពេលបើកមហោស្រពអូឡាំពិកយុវជនលើកទី២ នៅក្រុងណាគីង ខេត្តជាំងស៊ូ ភាគខាងកើតប្រទេសចិន ។
៦-ទប់ស្កាត់ជំងឺអេបូឡា
អ្នកជំនាញផ្នែកជំងឺឆ្លង បានអនុវត្តវិធីសម្លាប់មេរោគនៅមន្ទីរពេទ្យមួយក្នុងក្រុងបែ៊រឡាំង ប្រទេសអាល្លឺម៉ង់ ដើម្បីទប់ទល់ជំងឺអេបូឡា ដែលកំពុងយាយីក្នុងពេលបច្ចុប្បន្ន ។
៧-បើករថយន្តធ្លាក់បឹង
លោកយេស៊ឺ អាយុ២៧ឆ្នាំ ជនជាតិចិន ពេលបើកបររថយន្តរវល់តែចុចទូរស័ព្ទ មិនមើលផ្លូវធ្វើឱ្យរថយន្តរេចង្កូតធ្លាក់ចូលបឹងនៅក្រុងណានគីង ។
៨-មេស្វាវ័យចំណាស់
«ស៊ីប៉ា» មេស្វាអាយុ៣៣ឆ្នាំ បានបីកូនអង្គុយលេងជាមួយហ្វូងស្វាក្នុងឧទ្យាន «ថារ៉ង់ហ្គា» ក្រុងស៊ីដនី ប្រទេសអូស្ត្រាលី ។
៩-ពលរដ្ឋតៃវ៉ាន់និយមអានសៀវភៅគំនូរជីវចល
ជនជាតិតៃវ៉ាន់ អង្គុយអានសៀវភៅគំនូរជីវចល នៅសាលប្រជុំតៃប៉ិ វើលត្រេតសេនធើ» ។ នៅក្នុងឆ្នាំ២០១៤ មានមនុស្សចូលអានសៀវភៅបង្កើតឯតទគ្គកម្មចំនួន៦០០.០០០នាក់ ក្នុងរយៈពេល៦ថ្ងៃ ពិសេសនៅចុងសប្តាហ៍ ៕
ចែករំលែកព័តមាននេះ