រាជធានីភ្នំពេញ ៖ គណបក្សប្រជាជនកម្ពុជាដែលជាបក្សកាន់អំណាចបានប្រកាសផ្អាកប្រារព្ធខួបលើកទី៦៩នៃការបង្កើតបក្សដោយសារជំងឺកូវីដ១៩ ។ នេះបើតាមអគ្គអចិន្ត្រៃយ៍របស់បក្ស។ យោងតាមលិខិតមួយច្បាប់របស់គណៈអចិន្ត្រៃយ៍នៃគណៈកម្មាធិការកណ្តាលចុះហត្ថលេខាដោយសម្តេចសេនាវិបុលភក្តីសាយ ឈុំ ប្រធានព្រឹទ្ធសភា និងជាអនុប្រធានគណបក្សប្រជាជនកម្ពុជាចេញផ្សាយកាលពីថ្ងៃទី២២ ឧសភា…
រាជធានីភ្នំពេញ ៖ គណបក្សប្រជាជនកម្ពុជាដែលជាបក្សកាន់អំណាចបានប្រកាសផ្អាកប្រារព្ធខួបលើកទី៦៩នៃការបង្កើតបក្សដោយសារជំងឺកូវីដ១៩ ។ នេះបើតាមអគ្គអចិន្ត្រៃយ៍របស់បក្ស។
យោងតាមលិខិតមួយច្បាប់របស់គណៈអចិន្ត្រៃយ៍នៃគណៈកម្មាធិការកណ្តាលចុះហត្ថលេខាដោយសម្តេចសេនាវិបុលភក្តីសាយ ឈុំ ប្រធានព្រឹទ្ធសភា និងជាអនុប្រធានគណបក្សប្រជាជនកម្ពុជាចេញផ្សាយកាលពីថ្ងៃទី២២ ឧសភា ឆ្នាំ២០២០ បានឲ្យដឹងយ៉ាងដូច្នេះ គណៈអចិន្ត្រៃយ៍នៃគណៈកម្មាធិការកណ្តាលសូមជម្រាបលោក លោកជំទាវ ប្រធានកម្មាធិការគណបក្សរាជធានី-ខេត្តទាំងអស់មេត្តាជ្រាបថា ដោយបញ្ហាវីរុសកូវីដ១៩ កំពុងនៅបន្តរាលដាលពាសពេញពិភពលោក ដូច្នេះការរៀបចំពិធីជួបជុំឬធ្វើមីទ្ទិញ ដើម្បីអបអរសាទខួបលើកទី៦៩ នៃបង្កើតគណបក្សប្រជាជនកម្ពុជា ដែលគណៈកម្មាធិការគណបក្សគ្រប់ថ្នាក់ត្រៀមរៀបចំធ្វើនៅថ្ងៃទី២៨ ខែមិថុនា ឆ្នាំ២០២០ខាងមុខគឺត្រូវផ្អាកនៅក្នុងឆ្នាំនេះ។
អចិន្ត្រៃយ៍បក្សបានបន្តថាក្នុងកាលវេលានេះគណៈកម្មាធិការគណបក្សគ្រប់ថ្នាក់ត្រូវបន្តរៀបចំផ្សព្វផ្សាយ«Logoគណបក្សខួបលើកទី ៦៩» ដែលមានភ្ជាប់ជាមួយនេះនៅតាមទីកន្លែងជាក់ស្តែងនិងតាមការអនុញ្ញាតនៃច្បាប់ ដូចដែលធ្លាប់បានធ្វើរៀងរាល់ឆ្នាំ៕
ចែករំលែកព័តមាននេះ