ADផ្ទាំងផ្សព្វផ្សាយពាណិជ្ជកម្ម

Picture

សម្តេច​តេ​ជោ ៖ ខ្ញុំ និង​ភរិយា​សូម​សាទរ និង​សូម​ជូនពរ​ជ័យ​​បញ្ចប់​នូវ​ពិធី​អំណត់​បួស​ខែ​រ៉​ម៉ា​ឌ​ន ប្រកបដោយ​ជោគជ័យ

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ សម្តេច​តេ​ជោ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា បាន​សរសេរ​លើ​បណ្តាញ​សង្គម​មុន​នេះ(ថ្ងៃទី២៣ ខែឧសភា)នេះ​ថា​« ក្នុង​នាម​ខ្ញុំ ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា និង​ភរិយា ខ្ញុំ​សូម​អបអរសាទរ…

រាជធានី​ភ្នំពេញ ៖ សម្តេច​តេ​ជោ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា បាន​សរសេរ​លើ​បណ្តាញ​សង្គម​មុន​នេះ(ថ្ងៃទី២៣ ខែឧសភា)នេះ​ថា​« ក្នុង​នាម​ខ្ញុំ ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា និង​ភរិយា ខ្ញុំ​សូម​អបអរសាទរ និង​សូម​ជូនពរ​ជ័យ សិរី​សួស្ដី សុភមង្គល បវរ​ល្អ​មហាប្រសើរ ជូន​ដល់​បងប្អូន​សាសនិក​ខ្មែរឥស្លាម​កម្ពុជា ក្នុង និង​ក្រៅប្រទេស រួម​ទាំង​បងប្អូន​សាសនិក​ឥ​ស្លា​ម​នៅ​ទូ​ទាំង​ពិភពលោក​ផង​ដែរ ដែល​បាន​បញ្ចប់​នូវ​ពិធី​អំណត់​បួស​ខែ​រ៉​ម៉ា​ឌ​ន ប្រកបដោយ​ជោគជ័យ និង​អារម្មណ៍​ជ្រះថ្លា ហើយនឹង​រីករាយ​ស្វាគមន៍​បុណ្យ​រ៉​យ៉ា​ហ្វ៊ី​ទ្រី នៅ​ថ្ងៃអាទិត្យ​ទី​១ ខែ​ស្ហា​វ៉ាល់ ឆ្នាំ​១៤៤១ មូ​ហាំ​ម៉ាត់​សករាជ ត្រូវ​នឹង​ថ្ងៃ ៣​កើត ខែជេស្ឋ ឆ្នាំជូត ទោស័ក ព​.​ស ២៥៦៤ ដែល​ត្រូវ​នឹង​ថ្ងៃ​ទី​២៤ ខែឧសភា ឆ្នាំ​២០២០» ។ ន

សម្តេជ​បាន​បន្ត​ថា ខ្ញុំ​សូម​ផ្ញើ​នូវ​ក្តី​នឹករលឹក និង​អរគុណ​យ៉ាង​ជ្រាលជ្រៅ​បំផុត​ចំពោះ​បងប្អូន​ខ្មែរឥស្លាម​កម្ពុជា ដែល​បាន​ចូលរួម​ថែរក្សា​សន្តិភាព រួម​គ្នា​នឹង​ប្រជាជន​កម្ពុជា ដែល​ប្រកាន់​យក​សាសនា​ផ្សេង​ៗ ហើយ​មាន​ជំនឿ​ជឿជាក់​លើ​ការ​ដឹកនាំ​របស់ខ្ញុំ និង​គណបក្ស ប្រជាជន​កម្ពុជា តាំងពី​ដើម​តរៀង​មក ជា​ពិសេស​បាន​ចូលរួម​ជាមួយ​រាជរដ្ឋាភិបាល ក្នុង​ការ​ទប់ស្កាត់​ការ​រីក​រាលដាល​ជំងឺ​កូ​វី​ដ​-១៩ ដោយ​គោរព​អនុវត្ត​បាន យ៉ាង​ខ្ជាប់ខ្ជួន​ទៅ​តាម​សារាចរ​ណែនាំ និង​សេចក្ដីណែនាំ​ទៅ​តាម​វិធានការ​នា​ៗ របស់​រាជរដ្ឋាភិបាល ។

ខ្ញុំ​ក៏​សូម​អំពាវនាវ​ឱ្យ​បងប្អូន​បន្ត​អនុវត្ត​តាម​នូវ​រាល់​វិធានការ​នានា​របស់​រាជរដ្ឋាភិបាល ក្នុង​ការ​ការពារ​ពី​ជំងឺ​កូ​វី​ដ​-១៩​នេះ ទោះបី​អ្នកជំងឺ​កូ​វី​ដ​-១៩​បានជា​សះស្បើយ​អស់ ១២២ នាក់​កន្លង​មក ហើយ​ទើប​មាន នាំ​ចូល​មក​ថ្មី​ពីរ​នាក់​ក៏​ដោយ ដែល​គិត​ត្រឹម​ថ្ងៃ​ទី​២៣ ខែឧសភា ឆ្នាំ​២០២០​នេះ គឺ​យើង​មិន​ត្រូវ​មានការ​ធ្វេសប្រហែស មើល​ស្រាល​ចំពោះ​ជំងឺឆ្លង​ដ៍​កាច​សាហាវ​នេះនោះ​ឡើយ ។

សម្តេច​តេ​ជោ​បាន​បញ្ជាក់​ទៀត​ថា ខ្ញុំ និង ភរិយា សូម​បួងសួង​អោយ​បងប្អូន​ទាំងអស់​ទទួល​បាន​នូវ​សេច​ក្កី​សុខ​ស្លា​ម៉ាត់ ករុណា​រ៉ស់​ម៉ាត់ ចំរើន​ព្ហា​រ៉​កាត់ សុភមង្គល ក្ដី​មេត្តាករុណា និង​អាណិត ស្រឡាញ់​ពី​អ​ល់​ឡោះ​គ្រប់​ៗ​គ្នា និង​សុំ​អោយ​អ​ល់​ឡោះ ទទួលយក​នូវ​កុសលផល បុណ្យ​ទាំងឡាយ​នៃ​ខែ​បួស​រ៉​ម៉ា​ឌ​ន​ដែល​បងប្អូន​បាន​ប្រតិបត្តិ​កុំបី​អាក់ខាន​ឡើយ ៕