ខ្យល់ព្យុះស៊ីក្លូន អាំផាន (Amphan) បានសម្លាប់មនុស្សអស់ចំនួន១៧នាក់ហើយ នៅថ្ងៃព្រហស្បតិ៍ ទី២១ ខែឧសភា ឆ្នាំ២០២០នេះ ខណៈដែលបានបោកបក់ចូលទៅក្នុងតំបន់ឆ្នេរសមុទ្រ និងបោកបក់យ៉ាងខ្លាំងលើខេត្តវេស បែងហ្កាល់ និងខេត្ត អូឌីហ្សា ដែលជាខេត្តនៅតាមបណ្តោយឆ្នេរសមុទ្រ ដែលនេះបើតាមការចុះផ្សាយរបស់ Xinhua ។ ដោយយោងតាមផេក អគ្គនាយកដ្ឋានអន្តោប្រវេសន៍ ចេញផ្សាយថ្ងៃទី២១ ខែឧសភានេះ ។
ខ្យល់ព្យុះ ស៊ីក្លូន អាំផាន បានបោកបក់ឆ្លងកាត់ប្រទេសបង់ក្លាដែស ទៅកាន់ប្រទេសឥណ្ឌា ក្នុងល្បឿន ២៧០គីឡូម៉ែត្រ ក្នុង ០១ម៉ោង ទៅភាគខាងត្បូង នៃប្រទេសឥណ្ឌា តាមបណ្តោយតំបន់ឆ្នេរសមុទ្រ ដោយនាំយកទឹកភ្លៀងជាច្រើនមេ ទៅចាក់ស្រោចលើតំបននោះផងដែរ ។
ក្រុមអាជ្ញាធរឥណ្ឌា បានជម្លៀសប្រជាពលរដ្ឋប្រមាណជាង កន្លះលាននាក់ ចេញពីតំបន់ដែលរងផលប៉ះពាល់ ដោយសារខ្យល់ព្យុះនេះ ខណៈប្រទេសនេះ កំពុងទទួលរងផលប៉ះពាល់ ដោយសារការឆ្លងរាលដាលនៃវីរុស Covid-19 ដែលមានការឆ្លងសរុបចំនួន ១១២,៣៥៩នាក់ និងមនុស្សស្លាប់សរុបចំនួន ៣,៤៣៥នាក់៕
ចែករំលែកព័តមាននេះ