ខេត្តត្បូងឃ្មុំ ៖ បន្លែត្រីសាច់នៅតាមទីផ្សារនានានៅក្រុងភ្នំពេញលក់បានថ្លៃជាងមុន
ដោយសារតែការបិទច្រកព្រំដែនរវាងកម្ពុជានិងប្រទេសជិតខាងដែលនាំឲ្យបងប្អូនអ្នកដាំបន្លែក្នុងស្រុករីកថ្លើមនឹងការលក់បានថ្លៃជាងមុន ។
ផ្ទុយទៅវិញ នៅតាមដងផ្លូវជាតិលេខ៧ ត្រើយខាងកើតទន្លេមេគង្គក្នុងឃុំទន្លេបិទ
ស្រុកត្បូងឃ្មុំ ប្រជាពលរដ្ឋបានចាប់យកអាជីពលក់ត្រីនិងបង្កងមានប្រមាណជា ១០ កន្លែងដែលកន្លងមកគេតែងតែសង្កេតឃើញមានអ្នកធ្វើដំណើរតាមម៉ូតូនិងរថយន្តតូច-ធំចូលទិញយកទៅធ្វើម្ហូបពិសាររបរនេះបានជួយបង្កើនប្រាក់ចំណូលគ្រួសារមួយកម្រិតនោះកំពុងប្រឈមមុខនឹងការបាត់បង់មុខរបរមួយនេះ ព្រោះអតិថិជនធ្លាក់ចុះខ្លាំង ។
អ្នកលក់ត្រីឈ្មោះ នី រ៉ ខ្មែរ-ឥស្លាម រស់នៅភូមិព្រែកតូច ឃុំទន្លេបិទប្រាប់ឲ្យដឹងនៅព្រឹក
ថ្ងៃទី១៨ ឧសភាថា ចាប់តាំងពីពេលដែលបានប្រកបរបរលក់ត្រីនិងបង្កងនៅតាមដងផ្លូវជាតិជិតមួយឆ្នាំហើយ ។ ក្នុងពេលចេញលក់ដំបូងមានមនុស្សតែ២ទៅ៣នាក់ប៉ុណ្ណោះហើយលក់ដាច់ទទួលបានប្រាក់ចំណេញគ្រាន់បើសម្រាប់ដោះស្រាយជីវភាពគ្រួសារ។ តែក្រោយមក ដោយសារតែឃើញគាត់លក់ដាច់បានច្រើន ក៏មានបងប្អូនផ្សេងៗ ទៀតមកបង្កើតរបរលក់ដូរដូចគាត់មានរហូតទៅដល់ជាង ១០កន្លែងឯណោះ។
អ្នកលក់ត្រីឈ្មោះនី រ៉ បានឲ្យដឹងទៀតថា សម្រាប់ត្រីគ្រុំមាសលក់ក្នុងមួយគីឡូតម្លៃ
២៥.០០០រៀល ត្រីតានេល 1kg តម្លៃ៣ម៉ឺនរៀល និងបង្កងមួយគីឡូក្រាមតម្លៃ៥ម៉ឺនរៀល។ ប្រសិនបើថ្ងៃណាដែលលក់ដាច់អាចទទួលបានប្រាក់ចំណេញប្រមាណ៥ម៉ឺនរៀល ក្នុងមួយថ្ងៃ តែមកដល់សព្វថ្ងៃនេះស្ងាត់ភ្ញៀវខ្លាំងធ្វើឲ្យគាត់ដូចជាលែងចង់ប្រកបលក់បន្តទៀតដោយសារតែលក់មិនដាច់ ចំណូលធ្លាក់ចុះខ្លាំង ។
អ្នកស្រីបានបន្តថា «មានពេលខ្លះលក់មិនដាច់ អត់មានអ្នកមកទិញបង្កងនិងត្រីសោះ ធ្វើឲ្យខ្ញុំត្រូវចូលដើមទៀតផង ។ ចាប់តាំងពីពេលដែលផ្ទុះជំងឺកូវី-១៩ ត្រីនិងបង្កងលក់មិនសូវដាច់នោះទេ ពេលខ្លះលក់ខាតដើមក៏មានដែរ » ។
ចំណែកអ្នកលក់ត្រីឈ្មោះសាន់ រីណាខ្មែរឥស្លាម បានប្រាប់ឲ្យដឹងថាចំពោះត្រីគ្រុំមាស គាត់លក់ក្នុងមួយគីឡូតម្លៃជាង២ម៉ឺនរៀលបង្កង១គីឡូក្រាមតម្លៃ ៤៥.០០០រៀល ត្រីទាំងនេះត្រូវបានទទួលពីម៉ូយយកមកពីក្រុងកំពង់ចាមសម្រាប់លក់បន្ត។មានពេលខ្លះអ្នកធ្វើដំណើរតាមរថយន្តបានមកចូលទិញបង្កងរបស់ប្អូនគាត់ពេលដែលយកទៅធ្វើម្ហូបទទួលទានមានរសជាតិឆ្ងាញ់ គេក៏កម្មង់តាមទូរសព្ទឱ្យផ្ញើតាមរថយន្តយកទៅដល់ខេត្តក្រចេះ និងអ្នកដំណើរខ្លះទៀតនៅរាជធានីភ្នំពេញកម្មង់ទិញជាច្រើនគីឡូដើម្បីយកទៅធ្វើម្ហូបពិសារក្នុងពិធីឡើងគេហដ្ឋានផ្សេងៗក៏មាន។
អ្នកស្រីសាក់ ស៊ីណ: អាយុ៤៥ ឆ្នាំ ជាកន្លែងលក់ទី៣ប្រាប់ដឹងថាគាត់ជាស្ត្រីមេម៉ាយ
មានកូនបីនាក់នៅក្នុងបន្ទុកគ្រួសារ ។ គាត់បានចាប់ផ្ដើមលក់ត្រីនិងបង្កងនៅតាមដងផ្លូវ
ជាតិលេខ៧ក្នុងឃុំទន្លេបិទនេះបានរយៈពេល ៣ខែ សម្រាប់ថ្ងៃលក់ដាច់គឺថ្ងៃសៅរ៍ និងអាទិត្យ ឬក៏ថ្ងៃបុណ្យទានជាដើម ដែលអាចលក់ដូរដាច់ក្នុងមួយថ្ងៃបានចំនួន១០គីឡូក្រាម ហើយទទួលបានប្រាក់ចំណេញប្រមាណ៥ម៉ឺនរៀលក្នុងមួយថ្ងៃសម្រាប់ផ្គត់ផ្គង់ជីវភាពក្រុមគ្រួសារ ។
អ្នកលក់ត្រីបានបញ្ជាក់ថាក្នុងពេលដែលត្រីនិងបង្កងលក់ ដាច់តាមដងផ្លូវជាតិលេខ ៧ ក្នុងឃុំទន្លេបិតមានជាច្រើនកន្លែងរហូតទៅដល់ជាង១០ នាក់តែមកដល់ពេលនេះរបរលក់ត្រីនេះហាក់បីដូចជាធ្លាក់ចុះធ្វើឲ្យចំនួនអ្នកលក់នៅសល់ប្រមាណ៥ទៅ៦នាក់ប៉ុណ្ណោះ។
លោកភិន ឈុន មេឃុំទន្លេបិតមានប្រសាសន៍ឲ្យដឹងថាក្នុងពេលដែលបងប្អូនខ្មែរ-ឥស្លាមបានចាប់ផ្ដើមលក់ក្នុងឆ្នាំ ២០១៩ ត្រីនិងបង្កងលក់ដាច់មានជាច្រើនកន្លែងដោយ
តាមការសង្កេតផ្ទាល់មានចាប់ពីចំណុចម្ដុំមុខអាហារដ្ឋានបឹងទន្លេមាស ដល់ភូមិយាយស ឃុំទន្លេបិទ មកដល់ពេលនេះមានអ្នកលក់មួយចំនួនត្រូវបានឈប់ដោយសារតែលក់មិនដាច់ដូចពីមុនចំណែកអ្នកខ្លះទៀតក៏នៅតែបន្តរបរលក់ដូរនេះបន្តទៀតដើម្បីរកកម្រៃដោះស្រាយជីវភាពគ្រួសារ។មានពេលមួយកូនរបស់គាត់បានមកចូលទិញត្រីក្រឹមមាសចិញ្ចឹម យកមកចំហុយពិសារគឺមានរសជាតិឆ្ងាញ់គ្រាន់បើ៕
ចែករំលែកព័តមាននេះ