រាជធានីភ្នំពេញ ៖ បន្ទាប់ពីប្រមុខរាជរដ្ឋាភិបាលហាមឃាត់មិនឱ្យមានការនាំចេញនូវប្រភេ ទអង្ករសអស់រយៈពេលជាង ១ខែកន្លងមក ឃើញថាប្រភេទអង្ករសនេះ គឺអាចធ្វើការនាំ ចេញឡើងវិញបានចាប់ពីថ្ងៃទី ២០ខែឧសភា ឆ្នាំ ២០២០ខាងមុខនេះ ។
យោងតាមក្រសួងសេដ្ឋកិច្ច និងហិរញ្ញវត្ថុ «ជម្រាបជូន សហព័ន្ធស្រូវអង្ករកម្ពុជា អំពីការអនុញ្ញាតឱ្យនាំចេញអង្ករសឡើងវិញ ។ ខ្ញុំសូមជម្រាបលោកប្រធានសហព័ន្ធស្រូវ អង្ករកម្ពុជាជ្រាបថា តាមសំណើររបស់សហព័ន្ធស្រូវអង្ករកម្ពុជា រាជរដ្ឋាភិបាលសម្រេច ផ្តល់ការអនុញ្ញាតឱ្យធ្វើការនាំចេញអង្ករសជាបណ្តើរៗឡើងវិញ តាមកិច្ចសន្យាបញ្ជាទិញពី ក្រៅប្រទេសដោយគិតចាប់ពីថ្ងៃទី ២០ខែឧសភា ឆ្នាំ ២០២០តទៅ» ។
លោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា បានឱ្យដឹងថា គិតរហូត ដល់ថ្ងៃទី ៣០ខែមេសា យើងឃើញថាបរិមាណអង្ករនៅក្នុងឃ្លាំងដែលជាសមាជិករបស់ សហព័ន្ធទាំងអង្ករក្រអូប និងអង្ករស មានជិត ៣០ម៉ឺនតោន អ៊ីចឹងមកដល់ម៉ោងនេះ ការនាំ ចេញវាមិនមានការរាំងស្ទះនោះទេ ។
លោកបន្តថា ការសម្រេចរបស់ប្រមុខរដ្ឋាភិបាលឱ្យមានការនាំចេញអង្ករសឡើង វិញនេះ ជាសញ្ញាមួយដ៏ល្អ ព្រោះយើងអាចបញ្ចេញស្តុកចាស់បានលឿន ហើយនៅពេល ជិតដល់ប្រមូលផលខាងមុខនេះអាច ធ្វើឱ្យម្ចាស់រោងម៉ាស៊ីនមានលទ្ធភាពប្រមូលទិញ ស្រូវថែមពីកសិករនៅក្នុងខែ ៧ខាងមុខនេះ ។
លោកបញ្ជាក់ទៀតថា កម្ពុជានាំចេញអង្ករសទៅអឺរ៉ុបតិចតួចជាងការនាំចេញទៅ ប្រទេសចិន និងប្រទេសក្រៅពីអឺរ៉ុប ព្រោះនាំទៅអឺរ៉ុបត្រូវជាប់ពន្ធ ១៥០អឺរ៉ូក្នុងមួយតោន ។ រាល់ថ្ងៃភាគច្រើនអង្ករសរបស់យើងនាំចេញមិនច្រើនទេ ។ ជាប្រវត្តិ គឺយើងនាំចេញទៅ អឺរ៉ុបតិចបំផុត អ៊ីចឹងអង្ករសយើងភាគច្រើននាំចេញទៅចិន ។ ដូចនេះការនាំចេញអង្ករស ទៅអឺរ៉ុបមិនច្រើនទេ ដោយសារយើងជាប់ពន្ធរហូតដល់ ១៥០អឺរ៉ូក្នុងមួយតោន អ៊ីចឹង អង្ករសពិបាកប្រកួតប្រជែងនៅអឺរ៉ុប ប៉ុន្តែការនាំចេញទៅប្រទេសចិនក៏ដូចជាក្រៅពីអឺរ៉ុប គឺនៅមានលទ្ធភាពនាំចេញទៅបាន ។
ពាក់ព័ន្ធនិងការផ្អាកនាំចេញអង្ករសនាពេលកន្លងមកនេះបើតាមតំណាងសហព័ន្ធស្រូវអង្ករកម្ពុជាយល់ថាគួរតែផ្អាកនាំចេញស្រូវ តែផ្អាកនាំចេញស្រូវមួយមុខនេះវាមិនគ្រប់ គ្រាន់នោះទេ ទើបប្រមុខរាជរដ្ឋាភិបាលឱ្យផ្អាកលើការនាំចេញអង្ករនេះ ។
លោក លន់ យ៉េង បន្ថែមទៀតថា មុនពេលដែលរាជរដ្ឋាភិបាលប្រកាសមិនឱ្យមានការនាំ ចេញអង្ករស ខាងសមាគមបានធ្វើការជាមួយក្រសួងពាណិជ្ជកម្មដើម្បីពិនិត្យមើលលទ្ធ ភាពក្រែងមានយថាហេតុដែលនាំឱ្យខ្វះស្បៀង ។
ដូចនេះជាយុទ្ធសាស្ត្រខាងក្រសួងក៏ដូច ជាខាងសហព័ន្ធស្រូវអង្ករកម្ពុជាយល់ឃើញថាដំបូងគួរផ្អាកានាំចេញស្រូវសិន តែរាជរដ្ឋាភិ បាលយល់ថាបើផ្អាកនាំចេញតែស្រូវមួយមុខវាមិនគ្រប់គ្រាន់ ព្រោះការនាំចេញស្រូវដល់ ចុងដៃហើយ ។ អ៊ីចឹងបានផ្អាកមួយរយៈលើប្រភេទអង្ករសនេះ ។
លោកបន្តថា ក្រោយពីយើងធ្វើការប្រមូលព័ត៌មានឡើងវិញ ពាក់ព័ន្ធនឹងសន្និធិស្តុកស្រូវ និងអង្ករស របស់យើង គឺមានលក្ខខណ្ឌគ្រប់គ្រាន់ មានន័យថាវាមិននាំឱ្យខ្វះនោះទេ ។ មកដល់ឥឡូវនេះវាចូលរដូវបង្កបង្កើនផល នៅខែ ៧ គឺដល់ពេលវេលាប្រមូលផលស្រូវ ប្រាំងប្រភេទខ្លះទៀត ។ អ៊ីចឹងដោយភាពឈ្វេងយល់របស់ប្រមុខរាជរដ្ឋាភិបាលថា បញ្ហា សន្តិសុខស្បៀងស្រូវអង្ករនេះវាលែងជាបញ្ហាចោទទៀតទេ ស្របពេលវេលានៃការបង្កើន ផលិតស្បៀងផ្សេងៗរបស់ក្រសួងកសិកម្មដូចជាការដាំបន្លែ,ចិញ្ចឹមត្រី និងចិញ្ចឹមសត្វ មាន ព័ត៌មានគ្រប់ជ្រុងជ្រោយ សហព័ន្ធស្រូវអង្ករកម្ពុជាបានដាក់សំណើរជូន ប្រមុខរាជរដ្ឋាភិបា លថា បើស្តុកទុកអង្ករសយូរពេកវាអាចធ្វើឱ្យបាត់បង់តម្លៃខ្លះ ទើបសម្តេចយល់ព្រមតាម សំណើររបស់ក្រសួងសេដ្ឋកិច្ច និងហិរញ្ញវត្ថុ ៕
ចែករំលែកព័តមាននេះ