ក្រុងប៉ោយប៉ែត ៖ តាមប្រភពពីប្រជាពលរដ្ឋរស់នៅតំបន់ជាយដែនកម្ពុជា-ថៃ ក្រុងប៉ោយប៉ែត បានឱ្យដឹងថា ដីផ្លូវលំមួយខ្សែនៅកណ្តាលទីប្រជុំជន ត្រូវបានមេឈ្មួញម្នាក់ជាថៅកែក្លឹបហាត់ប្រាណយីហោ «ហ្គូដវ៉ើល» good will exercise club បានរំលោភបំពានយកធ្វើជាកម្មសិទ្ធិផ្ទាល់ខ្លួន ដោយពុំមានស្ថាប័នមន្ត្រីជំនាញ ប្ញក៏អាជ្ញាធរមានសមត្ថកិច្ចណាម្នាក់ចាត់វិធានការទប់ស្កាត់ឡើយ ។
ប្រភពបានបន្តថា ជាក់ស្តែងដីផ្លូវលំមួយខ្សែដែលត្រូវគេរំលោភបំពាននោះ ស្ថិតនៅចំណុចផ្លូវដើមពុទ្រា ជាប់និងទីស្នាក់ការ អង្គការគ្រួសារថ្មី ក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ប្រភពបានបញ្ជាក់ថា ជនឆ្លៀតឱកាសដែលរំលោភបំពានយកដីផ្លូវធ្វើជាកម្មសិទ្ធិផ្ទាល់ខ្លួន ដោយគ្មានការអៀនខ្មាស់នោះ គឺជាមេឈ្មួញម្នាក់ឈ្មោះឆាយ ជាថៅកែក្លិបហាត់ប្រាណ «ហ្គូដវ៉ើល» good will exercise club បានយកដីផ្លូវនោះធ្វើជាកន្លែងម៉ាស្សា ស្ទីម និងអាងហែលទឹក សម្រាប់ជួលយកលុយពីប្រជាពលរដ្ឋ ដែលរស់នៅក្នុងតំបន់ជាយដែនកម្ពុជា-ថៃ ក្រុងប៉ោយប៉ែ តនេះ ។
គួរកត់សម្គាល់ថា ដីចំណីផ្លូវ និងដីផ្លូវលំទាំងស្រុងនៅតំបន់ជាយដែនកម្ពុជា-ថៃ ក្រុងប៉ោយប៉ែត ខេត្តបន្ទាយមានជ័យនេះ ត្រូវបានជនខិលខូចដែលជាអ្នកមានលុយ និងអ្នកមានអំណាចមួយចំនួននាំគ្នារំលោភបំពានយកធ្វើកម្មសិទ្ធិផ្ទាល់ខ្លួនជាបន្តបន្ទាប់ ដោយពុំមានមន្ត្រីស្ថាប័នជំនាញ និងអាជ្ញាធរមានសមត្ថកិច្ចណាមួយចាត់វិធានការទប់ស្កាត់ឡើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ