រាជធានីភ្នំពេញ៖ តារាចម្រៀងស្រីមួយដួង ដែលនៅតែមានទីផ្សារសិល្បៈខ្ពស់ ទោះរៀបការរួចហើយក្តី
អ្នកនាងយក់ ឋិតរដ្ឋា កំពុងតែមានដំណឹងល្អមួយទៀត ដែលធ្វើឲ្យប្រិយមិត្តអ្នកគាំទ្រចូលរួមអបអរជាមួយក្រុមគ្រួសាររបស់អ្នកនាង នោះគឺអ្នកនាងកំពុងទទួលស្វាគមន៍កូនទី៣របស់ខ្លួន ជាមួយស្វាមីលោក ឃុំ ប៉ុណ្ណាដែត ដែលជាអតីតតារាចម្រៀងក្នុងក្រុមរបស់នាងពីមុន ។
អ្នកនាងយក់ ឋិតរដ្ឋា បានបង្ហោះសារបស់នាងនៅលើបណ្តាសង្គម Facebook កាលពីថ្ងៃទី ១០ ឧសភា ឆ្នាំ២០២០ ជាមួយនឹងការរៀបរាប់ថា «អាទិត្យក៏នៅផ្ទះចន្ទ័ក៏នៅតែផ្ទះ នៅផ្ទះច្រើនពេកធំតែពោះ
អញ្ចឹងខ្ញុំ ហាសហា បានមួយទៀតដូចចិត្ត ហើយប្តីអើយយើងបិទវគ្គត្រឹមនឹងណាប្តី ! » ។
ជាមួយនឹងការប្រកាសព័ត៌មាននៃការពរពោះកូនទី៣ នាសម័យកូវីដ-១៩ តារាចម្រៀងស្រីដែលល្បីខ្លាំងកាលពីរង្វង់ឆ្នាំ ២០០០ ជាមួយបទបែបយុវវ័យ ក៏ដូចជាបទចម្រៀងមួយបទថ្មីទៀត គឺបទ «ភ្លើង» ក៏មានអ្នកគាំទ្រ និងមិត្តសិល្បៈនៅក្នុងវិស័យជាមួយបានការអបរសាទរជាមួយនឹងការ comment នៅក្នុងការបង្ហោះរបស់តារាចម្រៀងរូបនេះ។
គួររំលឹកផងដែរថា អ្នកនាងយក់ ឋិតរដ្ឋា និងលោកឃុំ ប៉ុណ្ណាដែត ដែលផ្តាច់ខ្លួនសិល្បៈនិងកំពុងជោគជ័យនឹងមុខជំនួ្ទទួលបានចំណងដៃកូនប្រុស ២នាក់ រួចមកហើយ ចំណែកដំនឹងនៃការពរពោះកូនទី ៣ ត្រូវបានប្រកាសក្រោយអ្នកទាំងពីរបានរៀបការជាមួយគ្នាអស់រយៈពេល១៥ឆ្នាំ ៕
ចែករំលែកព័តមាននេះ