ខេត្តកោះកុង ៖ ផុតពីររដូវកាលមួយ ចូលដល់រដូវកាលថ្មីមួយទៀត បន្ទាប់ពីប្រជាកសិករខ្មែរ បានប្រមូលទិន្នផលស្រូវ និងបន្លែបង្ការផ្សេងៗរួចមក ទិន្នផលនៃផ្លែទុរេនក៏ដូចជាដំណាំហូប ផ្លែជាច្រើនមុខទៀតក៏បានចូលមកដល់ ដើម្បីបន្តជីវភាពនៃការរស់នៅរបស់ប្រជាកសិករនៅ ក្នុងប្រទេសកម្ពុជា ។
នៅក្នុងពេលសូមងាកមកចាប់អារម្មណ៍ជាមួយនឹងដំណាំទុរេនដែលប្រជាកសិករខ្មែរភាគច្រើននៅក្នុងទឹកដីខេត្តកោះកុងបានចាប់យកមុខរបរកសិកម្មផ្នែកដាំដំណាំហូបផ្លែនេះ ដើម្បីឲ្យបាន ដឹងពីលទ្ធផល និងទិន្នផលល្អរបស់ដំណាំទុរេននេះ ។
លោក សាយ សាវឿន មានអាយុ ៤៣ឆ្នាំ មានប្រពន្ធ និងកូន ៣នាក់ក្នុងបន្ទុក បច្ចុប្បន្នរស់នៅ ក្នុងភូមិទឹកប៉ោង ឃុំបឹងព្រាវ ស្រុកស្រែអំបិល ខេត្តកោះកុង ហើយក៏ជាប្រជាកសិករខ្មែរដាំ ដំណាំទុរេននេះ បានឱ្យដឹងថា ដំណាំទុរេន គឺជាដំណាំហូបផ្លែមួយប្រភេទដែលមានក្លិននឹង រស់ជាតិឈ្ងុយឆ្ងាញ់ហើយក៏ជាដំណាំដែលពិបាកនៅក្នុងការបង្កបង្កើនផលផងដែរ ។ ក៏ប៉ុន្តែ បើទោះបីជាដំណាំទុរេននេះពិបាកនៅក្នុងការដាំ ដុះយ៉ាងណាក៏ដោយក៏ប្រជាកសិករខ្មែរនៅ ក្នុងទឹកដីខេត្តកោះកុង ប្រមាណពី ៤០ ទៅ ៥០ភាគរយនៅតែនិយមនៅក្នុងការដាំដុះដែរ ព្រោះដោយសារតែដំណាំនេះមានតម្លៃថ្លៃជាងដំណាំហូបផ្លែផ្សេងៗទៀត ។
លោក សាយ សាវឿន បានបញ្ជាក់ទៀតថា លោកមានដីចំនួនកន្លះហិចតា ហើយលោកក៏ ចាប់ផ្ដើមប្រកបមុខរបរដាំដំណាំទុរេននេះតែម្ដង ដោយដាំធុរេននេះបានចំនួន ២០ដើម គឺដាំ ឃ្លាតគ្នាចន្លោះ ១០ម៉ែត្រពីមួយដើម ទៅមួយដើមហើយតម្លៃកូនទុរេន គឺទិញពីថ្នាលបណ្ដុះ ក្នុងមួយដើមតម្លៃ ២៥០០០រៀល ដោយក្នុងដីកន្លះហិតា ត្រូវចំណាយថវិកាថ្លៃទិញដើមទុរេនអស់ ៥០ម៉ឺនរៀល ។ រយៈពេលនៃការដាំ គឺពី ៥ ទៅ ៧ឆ្នាំទើបទទួលបានទិន្នផលមកវិញ ។
ម្យ៉ាងវិញទៀតការដាំដំណាំទុរេន គឺមានការលំបាកនៅក្នុងការថែទាំខ្លាំងណាស់ដូចជា ថែទាំ ទឹក ដាក់ជីជាប្រចាំ ដែលក្នុងមួយសប្តាហ៍ត្រូវបូមទឹកដាក់ពីរដង ដើម្បីកុំឲ្យស្ងួតដី ។ ម្យ៉ាងវិញ ទៀតនៅពេលដែលធុរេនមានអាយុកាលចាប់ពី ៩ ទៅ ១០ឆ្នាំ ទុរេន ចាប់ផ្ដើមមានរោគដោយ ដើមចេញទឹក រលួយ ឬសគល់ដែលមិនអាចមានថ្នាំជួយបានឡើយ ។
លោក សាយ សាវឿន បានបញ្ជាក់ទៀតថា សម្រាប់តម្លៃផ្លែធុរេននៅក្នុងឆ្នាំ ២០២០នេះ មាន តម្លៃកើនឡើងជាងឆ្នាំ ២០១៩កន្លងមក ដោយក្នុងឆ្នាំនេះទុរេនមួយគីឡូក្រាមលក់ បានតម្លៃ ៣៥០០០រៀល ហើយក្នុងមួយរដូវទុរេនទទួលផល គឺមួយដើមអាចទទួលប្រាក់កម្រៃពី ៥០០ ដុល្លារ ទៅ ៧០០ដុល្លារអាមេរិកក្នុងមួយដើម ។ ដូច្នេះកម្រិតជីវភាពក្នុងគ្រួសាររបស់លោករស់ នៅដោយភាពធូរធា ៕
ចែករំលែកព័តមាននេះ