តម្លៃប្រេងឆៅនៅអាម៉េរិក ត្រូវបានគេដាក់លក់មួយបារ៉ែលតម្លៃធ្លាក់ក្រោមសូន្យដុល្លារ (-37.63$) ទៀតកាលពីថ្ងៃចន្ទទី២០ មេសា ២០២០ នេះជាលើកដំបូងក្នុងប្រវត្តិសាស្ត្រ បើតាមតារាងពាណិជ្ជកម្មអេឡិចត្រូនិច oilprice ។…
តម្លៃប្រេងឆៅនៅអាម៉េរិក ត្រូវបានគេដាក់លក់មួយបារ៉ែលតម្លៃធ្លាក់ក្រោមសូន្យដុល្លារ (-37.63$) ទៀតកាលពីថ្ងៃចន្ទទី២០ មេសា ២០២០ នេះជាលើកដំបូងក្នុងប្រវត្តិសាស្ត្រ បើតាមតារាងពាណិជ្ជកម្មអេឡិចត្រូនិច oilprice ។
ការធ្លាក់ចុះនៃតម្រូវការប្រើប្រាស់ ដោយសារតែការរីករាលដាលនៃកូវីដ១៩ នៅពាសពេញពិភពលោក ការធ្វើដំណើរលែងមាននៅពេលការបិទខ្ទប់ ប្រជាជននៅតែក្នុងផ្ទះ និងរោងចក្រ ឧស្សាហកម្ម យានយន្តមួយចំនួន ត្រូវផ្អាកភាគច្រើន និងក្រុមហ៊ុនផលិតប្រេងធំៗចាលសល់ច្រើន ធ្វើឲ្យប្រេង WTI (ម៉ាកក្រុមហ៊ុនប្រេងមួយរបស់អាម៉េរិក) សម្រាប់នាំចេញបានធ្លាក់ថ្លៃដល់ (-)ដក៣៧,៦៣ដុល្លារ (ក្រោមសូន្យដុល្លារ) ក្នុងមួយបារ៉ែល (មួយធុងបារ៉ែល មានចំណុះប្រមាណ ១៥៩លីត្រ) ។
សូមជម្រាបថា ប្រេងឆៅត្រូវគេលក់សម្រាប់ប្រគល់ឲ្យនៅពេលអនាគត តម្លែប្រេង WTI សម្រាប់ប្រគល់នៅខែមិថុនា មានតម្លៃលើ២០ដុល្លារ ក្នុងមួយបារ៉ែល ហើយប្រេងឆៅ Brent សម្រាប់ផ្សារអឺរ៉ុប ក៏នៅត្រឹម ២៦ដុល្លារក្នុងមួយបារ៉ែលដែរ ប៉ុន្តែដោយសារប្រេងសម្រាប់ប្រគល់នៅខែឧសភា ត្រូវផុតកំណត់ត្រឹមថ្ងៃទី២១ មេសា ហើយសល់ហួសកម្រិតដូច្នេះចង់បញ្ចេញទំនិញឲ្យផុតពីដៃ ដើម្បីជៀសវាងការបង់ពន្ធ សោហ៊ុយលើការដឹកជញ្ជូន និងតម្លៃជួលស្តុក សឺទែន ឬកប៉ាល់ដឹកប្រេង ដើម្បីទុកប្រេង ជាដើម ។
កាលពីដើមខែមេសានេះ សមាជិកអង្គការនាំចេញប្រេង Opec និងសម្ពន្ធមិត្តរបស់ខ្លួន បានយល់ព្រមលើកិច្ចព្រមព្រៀងកាត់បន្ថយការផលិតប្រេង១០ភាគរយ ពោលគឺបានឯកភាពគ្នា កាត់បន្ថយផលិតកម្មប្រេង ៩,៧លានបារ៉ែល ក្នុងមួយថ្ងៃ ចាប់ពីខែឧសភា ដើម្បីទប់ស្កាត់ការផ្គត់ផ្គង់ដែលសល់ចាល់ច្រើន ដោយសារតែបទបញ្ជាស្នាក់នៅតែក្នុងផ្ទះ និងការបិទទ្វារក្រុមហ៊ុនជាច្រើន បាននាំឱ្យធ្លាក់ចុះតម្រូវការប្រេង ៕
ចែករំលែកព័តមាននេះ